صبرایله باجیم زینب آغلاما
باشوون هله ماجراسی وار
قارداشون حسینون قاباخدا بیر
ماجرای کرب و بلاسی وار
ترک ایدوب جهانی آتان علی
آچما باشوی توکمه گوزیاشون
وار آتان کیمی مهربان سنه
روزگاریده یدّی قارداشون
عزّت وجلالون داغلیمیوب
دوشمیوبدی غوغالره باشون
من نه نوعلن کشف ایدیم سنه
کوفه نون بیوک ماجراسی وار
گیموسن قرا جامه اگنوه
یوخ سوزوم باجی چون عزالی سان
غمکش جهانسان آنام کیمی
زینب آدلی باشی بلالی سان
دور اوزون حسینه تسلی ویر
باجی سن اونا چوخ وفالی سان
آغلاما حسینونده سنکیمی
باشنون باجی چوخ بلاسی وار
ایندکی گورورسن بو کوفیان
نالیه گلوب وا علی دیر
قاره پوش اولوب جمله بانوان
هر گورن سنی تسلیت ویر
واردی بیرگونونده بولاراوگون
حالیوه سنون کف چالار گولر
یاخشی گون لرین دور آنام باجی
اگنومون دِمَه غم لباسی وار
خاندان عصمتده ای اولان
نوردیدۀ شاه مشرقین
وای بابا دیوب توکمه گوزیاشون
صبر ایله باجی اتمه شور وشین
آغلیاندا سن گورموسن نحه
گوزیاشین توکر قارداشون حسین
هم صدا سنیله اولوب اودا
نی کیمی سیزیلدار نواسی وار
- سه شنبه
- 4
- تیر
- 1398
- ساعت
- 12:49
- نوشته شده توسط
- ابوالفضل عابدی پور
- شاعر:
-
مرحوم محمد شیخ زادگان
ارسال دیدگاه