شیعه لر سیزه جمله فرضدور
چون که طاعتِ حضرت رسول
آه و زار ائدون آه و زار ائدر
ایندی عترتِ حضرت رسول
گر بصیرتون اولسا بر ملا
کشف اولور سنه ایندی اول نوا
مصطفا دوتوب حیدره عزا
قیل حمایتِ حضرت رسول
شیعه لر ائدر ایندی شور و شین
بیر طرف حسن بیر طرف حسین
آغلاسون گرک روز حشره دین
جمله امتِّ حضرت رسول
رحلت ایلین وقته اول جناب
اهل یثربه ایلدی خطاب
گوش ائدون سیز ای ایّها الاصحاب
وار وصیّتِ حضرت رسول
چخماسون یاددان بو وصیتیم
وار سیزه ایکی زاد امانتیم
بیر کتاب حق بیرده عترتیم
یتدی رحلتِ حضرت رسول
اول شهنشهی تاپدی چون اجل
قولینه عجب ائتدیلر عمل
امّتِ دنی ایلیوب ازل
هتک حرمتِ حضرت رسول
بیر دَری اولا حق ایچون دلیل
خلقه صاحب دَر اولا کفیل
باش قویا او درگاهه جبرئیل
ائده خدمتِ حضرت رسول
شیعه لر گورون بیر روادی بو
یاندیرا اونی ظلمیله عدو
سالسون اهل بیت ایچره های هو
ظلمِ امّتِ حضرت رسول
بسکه بو شرر اولدی شعله ور
کربلایه هم ایلدی اثر
خیمه گاهیده یاندروب عمر
بیر عداوتِ حضرت رسول
شیعه نقل ائدور راوی اوندا من
ایلدیم نظر با غم و محن
گوردیم اول یانان خیمه گاهدن
چخدی عترتِ حضرت رسول
گوردوم اوندا من بیر یتیم اوشاق
ایلوری نجف سمتینی سراق
سویلر ای بابا گوزوندن ایراق
گئتدی عزّتِ حضرت رسول
اولسا هر گوگول بستۀ حسین
کیم اولور او وارستۀ حسین
سیزده بولدوم ای دستۀ حسین
وار محبّتِ حضرت رسول
هر وجود اولا عشقله سرشت
اوندا فرق اولور #راجی خوب و زشت
وئر بو جَمعه سن مژدۀ بهشت
هم شفاعت حضرت رسول
- سه شنبه
- 4
- تیر
- 1398
- ساعت
- 12:53
- نوشته شده توسط
- ابوالفضل عابدی پور
ارسال دیدگاه