• دوشنبه 29 مهر 98


متن شعر ترکی شهادت حضرت امیر المؤمنین -(عرصه ی سجده ده با لیاقت )

74

عرصه ی سجده ده با لیاقت 

ایلیین خالقه دوز عبادت 

گوز. اچان کعبه ده بو جهانه 

تاپدی مسجده فیض شهادت 

کر: 

کوفه شهرینده سسلور یتیمان 

هارداسان هارداسان گل علی جان 

یا علی یا علی یا علی جان 2 

ــــــ 

مست جام حقیقت خماری 

انمانون اولان تاجداری 

دین یولوندا بو گون باتدی قانه 

اولدی قرآن ودین جان نثاری 

ــــــ 

شور اعظمدی گویا قیامت 

حشره واردی بو گوندن علامت 

خشک اولوب چشمه سار فضیلت 

باتدی خورشید نورو هدایت 

ــــــ 

سوندی فانوس مهر و محبت 

خلقت کون و ایجاده 

قالمادی دنیادا دادگستر 

تا شهید اولدی ئولدی عدالت 

ــــــ 

آچدی محرابیده جا نمازی 

صبح وقتی قیلاندا نمازی 

باش یاریلدی  دونوب قانه محراب 

آلدی حقدن گوزل امتیازی 

ــــــ 

قورتارا بولمدی رکعتینی 

قیلدی تکمیل.ایدوب.نور عینی 

حمل ایدوبلر ایاقلار سوروندی 

آه و داده گلوبدور حسینی 

ــــــ 

این ملجم دیوب دلده تکبیر 

لیک ناحق ایدوب حقی تفسیر 

بام عشقون فرازینده گوردی 

مه سالوبدی شعاع ویردی شمشیر 

ــــــ 

این ملجم او گون دین ساتوبدی 

طاهرا گر چه کامه چاتوبدی 

ریشه ی بذله بیر تیشه ویردی 

چوخ یتیم لر گجه آج یاتوبدی 

ــــــ 

ضربت کین.ویرولدی.باشیندان 

یاره لندی علی دوس داشیندان 

اشک چشموزده شیعه اثر وار 

مرهم ایستور یارا گوز یاشیندان 

ــــــ 

باش یارالی گیدوبدور مزاره 

اهل بیتی گلوب آه و.زاره 

توپراق آلتوندا خستیدی یاندی 

دونمیوبدی  خزانی بهاره 

ــــــ 

ئولدی خیبر شکن فوق انسان 

کوفده اولدی مطلب نمایان 

گلمدی بذل ایدن نصف شب لر 

اولدولار دیده گریان یتیمان 

ــــــ 

بولدولر اول گلن مرتضادی 

بوالحسندی علی با سخادی 

جان پیامبر و هم وصی سی 

همسر پاک خیرالنسادی 

ــــــ 

بولدولر درده دگمز عبادت 

بی ولایتده اولماز  سعادت 

جنته یول تاپانماز او مسلم 

اولماسا اوندا حب ولایت 

ــــــ 

پیشوا گر اولوبدی سزادی 

شهر علمه او باب هدادی 

شانینه آیه چوخدی خدادن 

دینی تکمیل ایدن پیشوادی 

ــــــ 

درگهینده شهان چون گدادی 

درده درماندی مشکل گشادی 

(عدلی) چکمز الین دامنیندن 

شافع یوم حسرت جزادی 

  • پنج شنبه
  • 6
  • تیر
  • 1398
  • ساعت
  • 9:50
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران