ای ایدن شهر قمی باغ جنان معصومه
سنله مشهور اولونوبدی او مکان معصومه
.
بارگاهون قاپوسی دائم آچیخدور هامیه
سنی لازمدی هامی باب کرامت تانیه
ایتمیسن قبریوه دعوت منی مدتدی نیه؟
بید تک قلبیم اسر وقت اذان معصومه
.
ای یگانه گهر کنز ادب حور سرشت
قبریوه وار یری گر غبطه ایده باغ بهشت
گر الم توپراق اولام، توپراقیمی ایتسه له خشت
گینه لطفونده گوزوم واردی هر آن معصومه
.
ای اولان دردی دیمم دردیوی گیت اوزگیه دی
اول اللهه سوزون اولسا گلوب نالیه دی
سال صورا یول قما، حاجاتیوی معصومیه دی
دردیوی آل نظره دی اوجادان معصومه
.
چوخدی الطافی، دیمه من هارا معصومه هارا
نسگلین یاد ایلینده ووروری قلبه یارا
بو باجی قارداشی الله ویروب ایرانلی لارا
چوخ خراسانی سور قمدا یاتان معصومه
.
ای #امینی دینه معصومیه هر دردون اولا
بوندان آرتوخ اورگون قویما ملالیله دولا
عمر سرعتله گیچور، دور قما دوش سنده یولا
سسله قارداشینا حسرتده قالان معصومه
- یکشنبه
- 23
- تیر
- 1398
- ساعت
- 10:46
- نوشته شده توسط
- ابوالفضل عابدی پور
- شاعر:
-
مجید امینی
ارسال دیدگاه