ای تاج سرنسوان ، یا حضرت معصومه
کان کرم واحسان ، یا حضرت معصومه
ای دختر موسی بن جعفر سنه جان قربان
قیل دردیمیزه درمان یا حضرت معصومه
.
قویدون قدم ایرانه ایرانه صفا گلدی
یمن قدموندن هر بیردرده دوا گلدی
عرش اهلی دئدی به به قم شهرینه یثربدن
مصباح هدا گلدی یا حضرت معصومه
.
ای دختر والای زندانی بغدادی
قم شهری آلوب سندن سرمایۀ آبادی
هم تاپدی وجودیندن جان حوزۀ علمیه
هم مکتب آزادی یا حضرت معصومه
.
اول گونکی رضادن بیرنامه الیوه چاتدی
او نامه نون عنوانی گوزیاشیوه قان قاتدی
دوتدون یوزووی طوسه هی آخدی گوزون یاشی
رخساروی ایسلاتدی یا حضرت معصومه
.
دیدار رضا گر چه اولمادی سنه قسمت
قالدون گوزی یولاردا قارداش یوزونه حسرت
گوزیاشلی غریبانه جان وئردون او گون اما
اولدی حرمون جنت یا حضرت معصومه
.
ای فاضلۀ امت وی عارفۀ دوران
سن عمۀ مهدیسن درگاهووه جان قربان
بیر تذکره وئر قبر سلطان شهیدانه
بیر وقفه اولاق مهمان یا حضرت معصومه
ــــــــــــــ
- یکشنبه
- 23
- تیر
- 1398
- ساعت
- 10:50
- نوشته شده توسط
- ابوالفضل عابدی پور
- شاعر:
-
حاج علی پور علی
ارسال دیدگاه