ای ماه لیل دجا یابن الزهرا
زهرا دلبندی رضا یابن الزهرا
.
ای عالم آل محمد آقا احسان ایله
دردیم منی گتدی گوزل قاپووا درمان ایله
.
فرض ایله ای نور ذولمن
درگاهونده آهویم من
.
کشکول گدالیقمی بوگجه سرشار ایله
آهویه که ضامن اولوبسان آقا تکرار ایله
.
مولا مولا مولامولا یابن الزهرا
.
.
.
.
.
ای بیکس لر آقاسی یابن الزهرا
شاه بطحا بالاسی یابن الزهرا
.
ایللردی که سائل خسته دل بو درگاهم
قووما منی سن بیل آنان قاپودان بی پناهم
.
جان ملکینده سلطانیمسن
هم جانیم هم جانانیمسن
.
آهویه دگن نفسه نفسیم قربان اولسون
لطف ایله بو نوکریووه قوجالیق آسان اولسون
.
مولا مولا مولا مولا یابن الزهرا
.
.
.
.
.
ای فضل وعلمه شرف یابن الزهرا
دلبند شاه نجف یابن الزهرا
.
هرگلشنه دگسه گوزل نفسون گللر سولماز
توحید و ولایت وصوم صلات سنسیزاولماز
.
ای رئوف آل احمد
نور پاک حی سرمد
.
الله سنی چوخ سوور ازبس اودور منده سوودوم
جبریل دوگن قاپووی آقاجان منده دوگدوم
.
مولا مولا مولا مولا یابن الزهرا
.
.
.
.
.
ای حور العینه شرف گردراهی
صحنون جاروکشینه چاتماز شاهی
.
تاکه قدمون یره گل سیاقی اولدی زیور
گویلر یره حسرتیلن باخوب ای نور داور
.
صفده دوردی ماه واختر
سندن آلسون جام کوثر
.
سسلندیله گلدی اوچومجی علی جان زهرا
فردوس برینه دونوبدی بو گون یکسر دنیا
.
مولامولا مولا مولا یابن الزهرا
- دوشنبه
- 24
- تیر
- 1398
- ساعت
- 10:52
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه