یا علی موسی الرضا
جانیم اولا آدوه قربان
دعوت ائله تا اولوم
بیرده گوزل قبروه مهمان
قبروه قربان آقا
ای حرمی حج فقیران
.
سائلووم من ٬ معین الضعفا ٬ خسرو مه رو
مرحمت ایله ٬ غریب الغرباء ٬ ضامن آهو
.
جانم رضا جانم رضا مولا رضا جان
شیعه لر اولسون گوزل قبریوه قربان
.
.
.
.
وار یری ای عاشقان
تا یازیلا بیله نوشته
گوهر و یاقتیله
سر در ایوان بهشته
یا اوخیا هم صدا
گویده بئله حور و فرشته
.
قبر رضانین ٬ فقط بیر باخیشی باشدی جنانه
زینت اولوبدی ٬ نه ایرانه فقط ٬ کل جهانه
.
جانم رضا جانم رضا مولا رضا جان
شیعه لر اولسون گوزل قبریوه قربان
.
.
.
.
.
.
اون بیر ذی قعده ده
حق سنی دنیایه ویروب پای
ایتدی زیارت سنون
النوی گون مقدمیوی آی
بیر آقاسن حسنیده
یوخدی بو دنیاده سنه تای
.
مصریده گورموش ٬ بو بازاری هاچان
یوسف کنعان
واردی کیمین بیر بئله زائری ای
شاه خراسان
.
جانم رضا جانم رضا مولا رضا جان
شیعه لر اولسون گوزل قبریوه قربان
.
.
.
.
عالمِ آل علی
حق سنه بو شأنی ایدوب بذل
مظهر شمس الشموس
معنی جود و کرم و فضل
جودیده عینا حسن
هیبت و صولتده ابوالفضل
.
حاتم طائی گلر درگهوه ٬ تا آلا حاجت
بهر گدایی ولایی ده گلوب ٬ ایله عنایت
.
جانم رضا جانم رضا مولا رضا جان
شیعه لر اولسون گوزل قبریوه قربان
.
- دوشنبه
- 24
- تیر
- 1398
- ساعت
- 14:41
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه