عرشین اهلی گویدن اندی
عرض تبریک وثنایه
دسته دسته گول سپوللر
مقدم پاک رضایه
.
قاره زلفی طعنه وورموش لیل یلدایه
دهره پیرایه
آلله بومه سیمانی پای وئردی موسایه
جاندی زهرایه
.
گوندن آیدیندی رخساری
بالدان شیریندی گفتاری
فرشیان محو دیداری
عرشیان اولموش زواری
.
دنیایه سلطاندی رضا
هردرده درماندی رضا
.
جانم رضا جانم رضا ...
.
.
.
.
بی بدلدی بی مثلدی رحمت حی ازلدی
نجمه نون بو ماهی یوسفدن اوتوز دفعه گوزلدی
.
دنیایه مفخردور بو شاهنشه مه رو
خسرو دلجو
شهلاگوزدی لاله یاناقدی کمان ابرو
ضامن آهو
.
عالم آل پیغمبر
شهریارعالی منظر
فاطمی خو هاشمی رو
همنام ساقی کوثر
.
دنیایه سلطاندی رضا
هردرده درماندی رضا
جانم رضا جانم رضا ...
.
.
.
.
سرور ملک خراساندی معین الضعفادی
شأنینه قربان مزارپاکی حج فقرادی
.
دارالشفاسی وار بو شاهین خراساندا
ملک ایراندا
خلقتده یوخدی همپاسی عفو و احساندا
خیل مهماندا
.
قبرینه مینلر (ولایی)
گلر از بهر گدایی
چون بو درگاهه سائلدی
فخریله حاتم طائی
.
دنیایه سلطاندی رضا
هردرده درماندی رضا
.
جانم رضا جانم رضا ...
.
- دوشنبه
- 31
- تیر
- 1398
- ساعت
- 11:22
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه