ای عزیز جناب پیغمبر
یاجوادالائمه ادرکنی
وی علی سیرت وملک منظر
یاجوادالائمه ادرکنی
.
.
.
.
گجه یاری منِ یوزی قاره
قلم و دفتر الده آواره
.
یوز دولاندیردیم آسمانه طرف
باشلیام مثل هر شب اشعاره
.
رخصت آلدیم خدای داوردن
تا ئوزی یار اولا بو بی یاره
.
ناگهان غیبدن ندا گلدی
اولدی الهام بو دل زاره
.
دیدی یاز دفتره جواد آدینی
قیل توسل او یاره بیچاره
.
تا محمد جواد آدین یازدیم
نظر اولدی داغیلمش افکاره
.
آدینی یازدیقیجا شکرایلدیم
حضرت ذات حیّ داداره
.
دیدیم ای یارِ هر دل مضطر
یاجوادالائمه ادرکنی
.
.
.
.
کیم سنی سسلسه نزار اولماز
غملره غفلتاً دچاراولماز
.
پایبند اولساعشقیوه هر کیم
هر کس و ناکسیله یار اولماز
.
هانسی نوکر سنی آقا بیلسه
دشمنی خوار اولار او خوار اولماز
.
کیم جهاندا سنون یولون گیتسه
گوندوزی گوزلرینده تار اولماز
.
کیم سنه آغلاسا ئولنده گولر
روز محشرده اشکبار اولماز
.
هر دیل آدون چاغیرسا عشقیله
ئوزگه عشقه طلایه دار اولماز
.
سسلنر عاشقانه شام و سحر
یا جوادالائمه ادرکنی
.
.
.
.
یابن زهرا بهار عزت سن
صاحب صولت وصلابت سن
.
من کیمم شأنیوی چَکَم شعره
سن ئوزون کان معنویت سن
.
سن جوادالائمه سن، دنیا
بیلورعالمده با سخاوت سن
.
مبداء و انتهای رحمت سن
مظهر غیرت و فتوت سن
.
عاجزم قیل منه عنایت سن
لطف ئوزیله ایله کرامت سن
.
نه یازوم شأنیوه ، فقط بیلورم
سن ایاقدان باشا قیامت سن
.
ای قیامت گونی شفاعتگر
یا جوادالائمه ادرکنی
.
.
.
- دوشنبه
- 31
- تیر
- 1398
- ساعت
- 12:13
- نوشته شده توسط
- ابوالفضل عابدی پور
- شاعر:
-
ابوالفضل فرهنگی
ارسال دیدگاه