اودلاندی قلبیم ال گوتور
ایذادن امّ الفضل
بیر جرعه سو وئر شرم ائله
زهرادن امّ الفضل
.
.
ای همسر بی عاطفه غرق بلایم من
نور دو چشم حضرت خیرالنسایم من
دریای جود و رحمتم ابن الرضایم من
سودون ندی عالمده بو سودادن امّ الفضل
.
.
پیغمبرین دلداری ام،شاه جهانم من
عصرین امامی،سرور کون و مکانم من
رحمون ندن یوخدی سنون آخر جوانم من
آیا نه گؤردون وارث طاهادن امّ الفضل
.
.
بو رسمیدی اؤز یارینه دلدار اولا همسر
غم ئوز وئرنده همسره غمخوار اولار همسر
دوشسه ملاله محرم اسرار اولار همسر
ایلر رها قلبین غم عظمادن امّ الفضل
.
.
من کی غریبم بیر کسیم بغدادیده یوخدی
قانه دؤنوبدی گؤز یاشیم درد و غمیم چوخدی
دشمن سؤزی بو قلبیمه اوچ شعبه لی اوخدی
چوخ گؤرموشم ظلم و جفا اعدادن امّ الفضل
.
.
گل تک خزان چاقی منیم گل صورتیم سولدی
قلبیم ملالیلن گؤزوم گؤز یاشیلن دولدی
یاننام بو درده قاتلیم اؤز همسریم اولدی
چیخدی طریق مهریدن ایفادن امّ الفضل
.
.
زهر جفا ایلوب اثر اکبادیمه یاندیم
اود دوشدی تار و پودیمه اود دوتدوم اودلاندیم
ای بی وفا بیر رحم ائله یاندیم الولاندیم
شرم ایله بو رنگی سولان سیمادن امّ الفضل
.
.
سوز عطشدن اود دوتوب باشدان باشا اعضا
یوخدی وئرن بیر جرعه سو بو زاره واویلا
جانیم دوداقدا سسلرم گل داده یازهرا
خوف ایلمور گل خالق یکتادن امّ الفضل
.
.
بغدادیده گل اوغلووا دل داغلا یازهرا
یوخ آغلیان احوالینه قان آغلا یازهرا
غربتده گل بو گؤزلری سن باغلا یازهرا
سالدی جوادین جسمینی یارادن امّ الفضل
.
- دوشنبه
- 31
- تیر
- 1398
- ساعت
- 12:54
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه