باجی بوچولدی منیم قانیمه باتان یریم
دیار کرب و بلا مقصده چاتان یریم
.
محنتیم عالمی یاندیرار یاخار باجی
قانیمیز سو کیمی چوللره آخارباجی
.
.
.
بلالره توش اولار کربلاده بو باشیم
شهید اولار ائللریم،اوغلومیلا قارداشیم
آخار عذاره مدام گوزلریمده قان یاشیم
جنازَم اوسته منیم دشمن آت چاپان یریم
.
محنتیم عالمی یاندیرار یاخار باجی
قانیمیز سوکیمی چوللره آخار باجی
.
.
.
باجی بو چولده گرک،مال و جانیدن گیچم
رضای حقه گوره،خانمانیدن گیچم
قالا دیری دین حق زندگانیدن گیچم
بو چولدی آری منیم، یاریمه چاتان یریم
.
محنتیم عالمی یاندیرار یاخار باجی
قانیمیز سوکیمی چوللره آخار باجی
.
.
.
بو چولده شبه نبی اکبریم شهید اولار
عزیز قلب رباب اصغریمده اوخلانار
باجی ابوالفضلیمین جوت قولون عدو سالار
بو چولدی عباسیمین پرچمی یاتان یریم
.
محنتیم عالمی یاندیرار یاخار باجی
قانیمیز سو کیمی چوللره آخار باجی
.
.
.
گیدر بنی هاشمون بیر به بیر گوزللری
شهید ایدَللر بوتون عون و فضل و جعفر ی
قانا بویاللار باجی قاسم دلاوری
بو چولدی قانلاری من بیر بیره قاتان یریم
.
محنتیم عالمی یاندیرار یاخار باجی
قانیمیز سو کیمی چوللره آخار باجی
.
.
.
- سه شنبه
- 1
- مرداد
- 1398
- ساعت
- 11:47
- نوشته شده توسط
- ابوالفضل عابدی پور
- شاعر:
-
کربلایی رحیم شایان
ارسال دیدگاه