دوتوبدی عالم حسینه ماتم عزاسی باشلاندی
سیه پوش اولدی آناسی زهرا نواسی باشلاندی
حسین حسین جان حسین حسین جان حسین حسین جانم
.
.
.
چکولدی قاره ارض و سمایه عرش خدا آغلار
فلک ملک لر حسینی سسلر دلده نوا آغلار
حسین سونلر غمین بولنلر دوتوب عزا آغلار
محرم اولدی حسین حسینون صداسی باشلاندی
حسین حسین جان حسین حسین جان حسین حسین جانم
.
.
.
علی آتاسی دلده نواسی ایدر فغان آغلار
عذاره اشگین مهدی غمگین توکنده قان آغلار
محنت و غمده گلنده درده پیرو جوان آغلار
اهل جفانون کوفه و شامون جفاسی باشلاندی
حسین حسین جان حسین حسین جان حسین حسین جانم
.
.
.
گرک حسینه بوگونده هرکس بزم عزا قورسون
ادب یوزیلن کیمسه گلنده ایاقینه دورسون
نوحه اوخونسا سینة عشقه دست غمین ویرسون
دشت بلانون کرب و بلانون بلاسی باشلاندی
حسین حسین جان حسین حسین جان حسین حسین جانم
.
.
.
حسینه نوکر بو آستاندان بیر آن کنار اولماز
آغلاسا هر گوز جزا گونونده اشگبار اولماز
آندولا حقّه هرایکی دنیا خوار و زار اولماز
دوتون بو آیدا حسینه ماتم عزاسی باشلاندی
حسین حسین جان حسین حسین جان حسین حسین جانم
.
.
.
حسین بو آیدا ایدوبدی نهضت هم عهدینه ایفا
دارو ندارین ویروب خدایه زادۀ زهرا
او قان که اوندان توکوبلر ایندی قطره سی دریا
(عدلی) قان آغلور قلم سیزیلدوربکاسی باشلاندی
حسین حسین جان حسین حسین جان حسین حسین جانم
.
.
.
- سه شنبه
- 1
- مرداد
- 1398
- ساعت
- 11:51
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه