هر کیمسه شوقیلن اولوری بیته رهسپار
بولسون او یر هواسی آلار قلبیدن قرار
.
پیغمبرین او یردی مقامه چاتان یری
اولموش او یرده دین خداونده عهده دار
.
تبلیغ ائدردی دین خدانی جماعته
هرچند اولوبدی قلبی او یرده جریحه دار
.
آتمیش اوچ ایلده امته چوخ اولدی رحمتی
احکام دینی ایلدی آخرده استوار
.
عمری قوتاردی عالمی یاندیردی نیسگیلی
بیر عمر اولوبدی فاطمه نین قلبی داغدار
.
عرضیم بو دور مدینیه عازم اولانلارا
سالسا بقیع ده فاطمه نین قبرینه گذار
.
ال سینه ده ادبله دوروب سینه داغلاسون
چون شیعه دور او یرده گرک ساخلاسون وقار
.
گوز یاشیلن دوروب خانیما ایلسون سلام
اون سگیز ایلده گورمین عمرونده بیر بهار
.
مسماریدن سوز آچماسون هر کیمسه آغلاسا
شیر خدا نجف ده اولار قلبی غصه دار
.
پرده چکوب سوز اوستونه هرگز دانیشماسون
یاد ائتمسون کی ثانی وئروب دربیلن فشار
.
آچسون الین سمایه ئورکدن بیر آغلاسون
عرض ایلسون،مصیبتی گرچه اولار هزار
.
لعنت گله خانیم قاپیوی یاندیرانلارا
محشرده دشمنون سنون اولسون ذلیل و خوار
.
بیرده اگر یول آچسا ائمه یاتان یره
دورت مرقدی گورر کی یاتیب اوستونه غبار
.
اوّل حسندی زهریله یانمیش جگرلری
سجادیدور چوخ آغلیوب ایلردی آه و زار
.
باقردی علمی کشف ایلیوبدور چماعته
بیرده امام صادقه وار اوردا بیر مزار
.
بیرده او یرده بیر آنا یاتمیش غمینیدور
اُم البنین کی عمروده چوخ چکدی انتظار
.
هر تک تکون زیارت ائدوب سینه داغلاسون
حتی او یرده تاپسا بیری حال احتضار
.
یاد ایلسون بقیع ده تمام آشنالری
ائتسون دعا او یرده ، تاپا شیعه اقتدار
.
بیرده دعالرینده یادیندان چیخاتماسون
زهرا بالاسینی کی گلر اَلده ذوالفقار
.
بیرده دعالرینده دئسونلر کی« صادقی »
یارب بیر عمردور کی اولوب روز و شب شمار
.
وار حسرتی بقیعنی گوره قلب زاریده
هر چند جرمی چوخدی اولوبدور گناهکار
.
سن وئر براتینی گله بیچاره ئولمه میش
قبر رسولی بیرده بقیعنی ائده نظار
.
- چهارشنبه
- 2
- مرداد
- 1398
- ساعت
- 12:41
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه