معرفت پیکرینه جاندی رضانون بالاسی
مرد اندیشه وامعاندی رضانون بالاسی
وارث ختم رسولاندی رضانون بالاسی
صاحب حکمت وعرفاندی رضانون بالاسی
.
طفل هفت ساله ده بیر رتبه وحِجّیّته باخ
ایت نظر سیره سنه علمنی گور رفعته باخ
اسدالله بالاسوندا جَنَم و قدرته باخ
ثانیِ زاده ی عمراندی رضانون بالاسی
.
وار یری قدرِنه گر ایلسه موسی غبطه
نسب و نسبتنه ایتسه مسیحا غبطه
نه فقط آدمیان عالم اعلا غبطه
مورد غبطه ی رضواندی رضانون بالاسی
.
اوّل زهد و ورع آخِر تقوادی تقی
مظهرمرحمت حضرت یکتادی تقی
آتاسی تک شرف عالیِ دنیادی تقی
وارث زمره ی خوباندی رضانون بالاسی
.
نه تقی نورِدی بو نور علی النّورِدی بو
طوریده جلوه ایدن جلوه یه منظورِدی بو
شرع پیغمبری جاری ایده مأموریدی بو
مرشد ومفتی انساندی رضانون بالاسی
.
روح تقوا و فضیلت بشر نیک نهاد
آمر امرخدا اهل رضا ضدّ فساد
ایدوب حاتملری شرمنده سخاوتده جواد
آدی سرلوحه ی احساندی رضانون بالاسی
.
ازلی نوری شاخوب اولدی جهان نورانی
خلقه تکرار ایلدی خاطره ی سینانی
یری وار هر قبسی یاندورا مین شیطانی
شاخه ی لَمعه ی یزداندی رضانون بالاسی
.
بیرگونی جمع ایدوب عالملری مأمون دغا
اولدی صدر علما اکثمون اوغلی یحیی
درکِده علمِده سنجش اولونا ابن رضا
بیلونه عالم دوراندی رضانون بالاسی
.
بیرحقیرانه باخوب حضرته اول زشت مَأل
گوردی کودکدی اونی خوار ایلیه تاپدی مجال
دیدی مأمونه امیرا منه ویر اذن سؤال
هدفِ مبحث عدواندی رضانون بالاسی
.
الغرض عرض ایلدی حضرته ای نیک تبار
ندی حکمی بیری احرامِده گر ایتسه شکار
ناگهان لعل گهَر باری ایدوب فیض نثار
ناشر فیض اماماندی رضانون بالاسی
.
دیدی یحیایه اودم نهج بلاغه نوه سی
بوسؤالی که دیدون واردی نچه مرحله سی
متفاوتدی جوابوندا اولارون هره سی
بیلن هر مشگلی آساندی رضانون بالاسی
.
فرق ایدور حکم شکار حالت حِلّیله حرم
عالِم و جاهل اولا روز اولا یا لیل ظُلَم
بیر سؤالی ایلدی یرمی ایکی نوع رقم
کشف اولوب حجّت رحماندی رضانون بالاسی
.
صله ایستور سوزونه منتظری سیزلردن
یازاجاق تا ئولنه عترت پیغمبردن
عمرِنون آخِریدی وحشتی وار محشردن
حشریده شافع عصیاندی رضانون بالاسی
.
- چهارشنبه
- 2
- مرداد
- 1398
- ساعت
- 12:42
- نوشته شده توسط
- ابوالفضل عابدی پور
ارسال دیدگاه