یتجاق لب پیالیه دلدار بوسه سی
اولدی عیان پیاله ده خمّار بوسه سی
.
صهبایه رنگ سرخ ویروب لعل سرخ یار
سرخ ایلیوبدی عارضی دلدار بوسه سی
.
لعل لب نگاریدی سرچشمه ی بقا
عظم رمیمه روح ویرر یار بوسه سی
.
دُردی کش سرای محبت خُمار اُولوب
گورموشدی بسکه باده ی گلنار بوسه سی
.
منده محبت اهلییَم ای شهریار عشق
معجز نمادی یار فسونکار بوسه سی
.
لطف گران احمد محمودلن خوشام
از بس یتوب پیالمه سرشار بوسه سی
.
بیر مهردور جبین شریفمده مرحبا
نقش لبان حیدر کرار بوسه سی
.
قربان اولوم نجفده کی بیر آستانیه
هر گون دَیَر او درگهَه زوار بوسه سی
.
`شبگیری” مرحبا سسی شبگیر ایلیوب
عاجزدی درک ایده دل اغیار بوسه سی
.
- پنج شنبه
- 3
- مرداد
- 1398
- ساعت
- 14:39
- نوشته شده توسط
- ابوالفضل عابدی پور
- شاعر:
-
شبگیر تبریزی
ارسال دیدگاه