قامتی ای هیکل و تندیس ایمان یا علی
مظهر حق اشرف اولاد انسان یا علی
.
عرش و فرش عشقده شهپر وروب سیر ایلین
شهریار کشور خوبان و پاکان یا علی
.
سینه سی سینای عشق و لبلری گوهر فشان
معرفتده ، عشقده ، رخشنده عنوان یا علی
.
صورتی سیمای حسن و صدق و طهر و معرفت
سیرتی آئینۀ آئین سبحان یا علی
.
گوز آچاندان عالمه جویای حق گویای حق
حق طلب ، حق منزلت ، حقه نگهبان یا علی
.
قامت رعناسینین عصمت رداسی پوششی
امتین اعمالینه اعمالی میزان یا علی
.
احسن احسن فعلوه ، ایثاروه ، کرداروه
زهد و تقوی و ورع سنله تاپوب جان یا علی
.
رهنمون جبرئیل و تاجدار سابقون
سرور پاکان عالم شاه خوبان یا علی
.
ابتلا و امتحاندا سرفراز از هر فراز
جان بکف مست و خمار وصل جانان یا علی
.
بستر طاهاده یاتدون عالمی مات ایلدین
عشقین ایتدی جبرئیلی مات و حیران یا علی
.
شعشع حسنون قویوب تحت الشعاع گون شعشعین
آسماندا گون قالوب سر در گریبان یا علی
.
آی دیسم ، آیدا لیاقت یوخ سنه اولسون چراغ
گون دیسم ، گون ایلیر فخر فراوان یا علی
.
گل دیسم ، گل گلوغندن اعتبار اخذ ایلیر
عطریله مملو اولار صحن گلستان یا علی
.
حق اولوالامر انتخاب ایلوب سنی قرآنده
ایلیوب تعریفوی آیات قرآن یا علی
.
سائله سن سن نماز اوسته اوزوک بذل ایلین
سندن اخذ ایلوب شرف عنوان احسان یا علی
.
پرچم توحیده حامل ، شیر حق ، شمشیر حق
مظهر حق ، ایلین جان حقه قربان یا علی
.
قهرمان بدر و خندق ، خیبر ی فتح ایلین
برق شمشیری ایدن کفری هراسان یا علی
.
مشرکینه ایلین عنوان برائت آیه سین
اولمویان ابطال دن بیر ذره ترسان یا علی
.
کاسر اصنام کعبه لات و عزانی یخان
ایلین ظلمون بناسین سست و ویران یا علی
.
هل اتانون تاجداری ، سابقونون سروری
متقینه سرور و سالار و سلطان یا علی
.
باشینون عمامه سی باش تخت و تاج عالمه
حکمران قلب مومن شاه شاهان یا علی
.
عشقینه حیران اولان قدوسیان صبوحیان
مرحبا ای پیر عشق و پیر عرفان یا علی
.
ذکر یا قدوسینه قدوسیان حیران قالان
عبد ممتاز خدای حی و رحمان یا علی
.
آیۀ نجوایه عامل بذل و بخشش صاحبی
خیرده سبقت دوتان پیر و جواندان زا علی
.
کعبۀ حق زادگاهی ، مهدِ طاها دامنی
معرفت گنجینه سنده در رخشان یا علی
.
تپراقا ابطال اعرابی یخوب خوار ایلین
قهرمانلار قهرمانی شاه مردان یا علی
.
جهد ایدوب حق جهاد اکبری ایفا ایدن
دشمن نفسی ایدن زار و پریشان یا علی
.
آسمان حکمتین آفاقنی سیر ایلین
ذروۀ اعلای حکمتده سلیمان با علی
.
عرشیان حیران قالوب اخلاصوه ، ایثاروه
جبرئیل اولموش کمالونده ثنا خوان یا علی
.
لا فتی الا علی لا سیف الا ذوالفقار
ایلیوب ایثاروین میزانین اعلان یا علی
.
یوم خندق ضربتین تاثیرینین معیارنی
طاعت الثقلیندن باش گوردی یزدان یا علی
.
باب شهر علم پیغمبر ، امیرالمومنین
قدوۀ اهل کسا ، یار یتیمان یا علی
.
خیبرین فتاحی ، فتاح القلوب الاولیاء
صبری دریا ، بذل و بخششده شتابان یا علی
.
طایر طبعیم اوچانمور قلۀ تعریفوه
اولموشام مفتون جلالوندا کماکان یا علی
.
ذره پرورسن `هدایت” ذره دور بیر باخ اونا
لطفله مشکل لرین ایت سهل و آسان یا علی
- پنج شنبه
- 3
- مرداد
- 1398
- ساعت
- 14:43
- نوشته شده توسط
- ابوالفضل عابدی پور
- شاعر:
-
محمد هدایتی
ارسال دیدگاه