• پنج شنبه 9 فروردین 03

 محمدرضا صادقی

متن شعرترکی وداع حضرت اباعبدالله الحسین علیه السلام -(حسین گل زینبون باشه )

575

حسین گل زینبون باشه 
دولانسون خیمه دن آیرل 
الون قوی سینمه صبریم 
چوخالسون خیمه دن آیرل 
قمرتک قارداشون باتدی سنه قربان اولوم قارداش 
علی داغی چوخ آغلاتدی سنه قربان اولوم قارداش 
علیّ اصغرون یاتدی سنه قربان اولون قارداش 
قبول ایله باجون قربانون اولسون خیمدن آیرل 
حسین لیلا چوخ آغلور هجر اکبردن اونی دیندیر 
اگر ممکن اولور قارداش ربابون گوگلون آل دیندیر 
منه الهام اولور قارداشوی گیت مرکبه میندیر 
آنام گوزلور دیور قویما یوبانسون خیمذن آیرل 
الونده دردیمه قارداش شفاعت وار حسین جانی 
ئوپم نازلی بوغازوندن حکایت وار حسین جانی 
ایاق ساخلا آنامدان بیر امانت وار حسین جانی 
دیوب قانه بو پیراهن بویانسون خیمدن آیرل 
دئدون قانون توکولسه پرچم اسلام اولار زنده 
اولار تا حشره تک جدیم رسولون آدی پاینده 
مگر زهرا قیزی رخصت ویرر رخنه تاپا دینده 
گرکدور پرچم اسلام اوجالسون خیمدن آیرل 
جهاده دوزدی اذنیم یوخ ولی شهزادیم قارداش 
نهنگ اسا بئله فرض ایله من دریادیم قارداش 
ابوالفضل قارداشیم تک ئولماقا آمادیم قارداش 
هراسیم یوخ قیامتده یارانسون خیمدن آیرل 
منه آیرلماقون دوزدی اورکده بیر عذاب اولدی 
اوشاقلار آغلیور قارداش اودور قلبیم کباب اولدی 
بو گوز یاشه وداعون یوخ،حسین باعث رباب اولدی 
بیرآز قالدی او ساچلاری آغارسون خیمدن آیرل 
اولان بانی صدوقیدور بو اشعاره اذان وقتی 
یازان «صادق»شفاایستردی بیماره اذان وقتی 
الونده وار گوزی قارداش او بیچاره اذان وقتی 
نظر قیل خواب غفلتدن اویانسون خیمدن آیرل 

  • شنبه
  • 5
  • مرداد
  • 1398
  • ساعت
  • 14:27
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 1.16 MB
تعداد بازپخش 16
تاریخ بارگذاری شنبه 5 مرداد 1398 05:30
عنوان : به این سبک اجرا شود

ارسال دیدگاه



ورود با حساب گوگل

ورود کاربران