حیدر شه کائنات و شیر لم یزلدی
مصداق شجاعت یوزی مَه دنده گوزلدی
.
یوخ مثلی شجاعتده بو شاهنشه عشقون
تک تاز میادین جهادیله جدلدی
.
دال دشمنه هرگز چوویروب قاچمادی مولا
اثبات اولونوبدور که علی مرد عملدی
.
عز و شرف و فضل و بلاغتله فصاحت
مولانی گوروبلر هامی پا بوسینه گلدی
.
واردور بو شهون گور نقدر جاه و جلالی
پابوسی وَ هم عرشیدی خورشید و زُحلدی
.
شیرین سخن و لحنی گوزل شمس دل آرا
هر کلمه سی مین جمله ی شیرین چو عسلدی
.
تمثیل اولا بیلمز بو شَهَه علمیده بیر کس
وار هر نقدر علم، اونا مولادی مثلدی
.
شرم ایلمورم؟ آدیمی نوکر یازورام من
بیر شاهه که سرچشمه ی خلقتده عِلَلدی
.
من یوخ چوخی سویلر ولی هامّی بونی بیلسون
نوکر بو شهه مالک اشتر کیمی یلدی
.
(جائد) دایان السّاعه بو سوزدن که بو سوزلر
سر لفظ زبان هامی آحاد و مللدی
.
- دوشنبه
- 7
- مرداد
- 1398
- ساعت
- 10:20
- نوشته شده توسط
- ابوالفضل عابدی پور
- شاعر:
-
کربلایی فخرالدین اسکندری
ارسال دیدگاه