• پنج شنبه 9 فروردین 03

 سیدبشیر حسینی میانجی

متن شعر ترکی مولا فقط علی دیر -(ای دل دئنن دمادم، مولا فقط علی دیر )

1433
3

ای دل دئنن دمادم، مولا فقط علی دیر 
تا بیلسین اهل عالم، مولا فقط علی دیر  
درمانی جاندان آرتیق، دردی چکن چوخ ایستر 
ثانی فتنه کاری، اهل فِتَن چوخ ایستر 
شیر خدا علینی، دوز صود امن چوخ ایستر 
ای شیعه! سؤیله محکم، مولا فقط علی دیر  
توبه ائدوردی آدم، مطلب بیر آز آغیردی 
گؤزیاشی گؤزلریندن، نیسان کیمی یاغیردی 
آل عبانی آخر، امدادینه چاغیردی 
چون کی بیلوردی آدم، مولا فقط علی دیر 
طوفاندا نوحه حیدر، برگ برات وئردی 
الیاس و خضره الحق آب حیات وئردی 
عیسایه دارین اوستَن لطفی نجات وئردی 
سسلندی پورِ مریم، مولا فقط علی دیر 
ارشاد ائدوبدی حیدر، حیرتده جبرئیلی 
نمرودین آتشیندن حفظ ایلیوب خلیلی 
چه دن چکوبدی ماهه، اُول یوسف جمیلی 
عالم دییر مسلّم، مولا فقط علی دیر 
کعبه تانور علینی، بوذر تانور علینی 
سلمان تانور علینی قنبر تانور علینی 
حِلّ و حرم، منا و مشعر تانور علینی 
ذکر زبان زمزم، مولا فقط علی دیر 
مبهوت اولوبدی عالم، ایثار مرتضایه 
جانین قویوبدی راهِ اهداف مصطفایه 
وئردی نمازین اوسته انگشترین گدایه 
سسلندی اوندا حاتم، مولا فقط علی دیر 
باخ لیلة المبیته گؤر کیم کئچوبدی جاندان 
باخ سوره ی حدیده، آل مطلبی بیاندان 
حیدردی کی گلوبدی شمشیری آسماندان 
بی واهمه دیء هر دم، مولا فقط علی دیر 
فردوسی شاهنامه یازمیش شهِ زمانه 
اظهارِ عشق ائدوبدی سلطان اِنس و جانه 
نام علی وئروبدی شهرت او داستانه 
نوکردی زال و رستم، مولا فقط علی دیر 
حافظ غزل یازوبدی عشّاق نیک نامه 
عشقین بیلیندیروبدی ایهامیله، امامه 
علّت اودور که اولموش، محبوب خاص و عامه 
یازمیش غزلده مبهم، مولا فقط علی دیر 
شیرخدا ائدوبدی مشهور، شهریاری 
شعر همای رحمت اونداندی یادگاری 
آوازه سی دوتوبدی هر شهر و هر دیاری 
چون ذکر ائدوبدی هر دم، مولا فقط علی دیر 
اولدوزلارین ایچینده ماه مُنیره احسن 
بایراملارین ایچینده عید غدیره احسن 
شاعرلرین ایچینده «سیدبشیر»ه احسن 
نظم ایلیور منظّم، مولا فقط علی دیر 
تاریخده یازوبلار، بیر قصّه نی مفصّل 
سعی ایلورم یازام من اُول ماجرانی مجمل 
چون حَجّتُ الوداع نی، ختم ائتدی ختم مُرسل 
وِرد ایلیوبدی کم کم، مولا فقط علی دیر 
دشت غدیرِ خُمدا، معلول، علّت اولدی 
وحی اولدی مصطفایه، عشق و ارادت اولدی 
اِکماله دین یتیشدی، اِتمام، نعمت اوادی 
دینِ مبینه پرچم، مولا فقط علی دیر 
سس گلدی سسله دورسین، هر حاجی یا محمّد! 
قوی باشینه علینون سن تاجی یا محمّد! 
بو امره با خبر قیل، حُجّاجی یا محمّد! 
اونلار دئسونله باهم، مولا فقط علی دیر 
آللّهین امرین اجرا، اُول چؤلده ائتدی طاها 
طاها مَثَلده گوندور، حیدرده آیدی گویا 
بیر یئرده دوردی گؤن، آی، ایشّیقلانوبدی دنیا 
فرمایش ائتدی خاتم، مولا فقط علی دیر 

  • دوشنبه
  • 7
  • مرداد
  • 1398
  • ساعت
  • 12:38
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران