علی ای حقین نشانی وارین اوخشارین همایه
که سالیپسان ایندی کولگه قانادینلا ماسوایه
.
گر اورگ تانیرسان آللاه هامیسین علی ده باخ گور
که اونیله تاپدیم آللاه اولا آند کبریایه
.
هرایکی جهانی گزسن گوره بیلمه رن فنانی
علی نین الی چاتاندا سرِ چشمۀ بقایه
.
مگر ای سحاب رحمت یاغاسان وگرنه دوزخ
وئرار اوت شرار قهری اوزماندا ماسوایه
.
دور ایاقه یوخلی مسکین چال علی قاپی سین ایندی
که باغیشلیار کرمدن اوزوگون او شه گدایه
.
علی دن سوؤای سفارش کیم ائدر اوغول بو قاتل
چون اسیریدی الیزده یئتیشین او بی نوایه
.
علی دن سوبای اوغول کیم گتیرر ابوالعجائب
که اولا اوزی معرّف شهدای کربلایه
.
هامی پاکباز ایچینده باشا کیم یئتیردی عهدین
کیم علی کیمین جهاندا عمل ائیلدی وفایه
.
اونا من دییه مم آللاه نه اونون کیمی بشر وار
اولورام باخاندا حیران شه ملک لا فتایه
.
گتیرای نسیم رحمت توزی یار گزن دیاردان
که قانا باتان گوزوم تئز چاتا بلکه توتیایه
.
او امیدیلن که شایدیتیره مزارِیاره
اورگیمده چوخ یانیقلی سوزی وئرمیشم صبایه
.
فقرا دعا ائدنده آقاجان قضانی دوندر
که قضانین آفتیتنده جانی دوشمسین بلایه
.
گیجه لرمنیم امیدیم بودی صبحدم نسیمی
که یارین پیام لطفون یئتیره بو آشنایه
.
گیجه یاری شهریارتک گل ائشیت او حق قوشوندان
اورگین غمین دیینده چاتاسان شهِ ولایه
.
دی ولائی تورکی یازسین بیزه شهریار یازاندان
کی علی الی نوانی یئتیره بو بینوایه
- دوشنبه
- 7
- مرداد
- 1398
- ساعت
- 12:41
- نوشته شده توسط
- ابوالفضل عابدی پور
- شاعر:
-
سید ناصر ولائی زنجانی
ارسال دیدگاه