بهشتی زینت ایلییب خدا حسینین عشقینه
صفای جاودان تاپیب سما حسینین عشقینینه
.
.
حسین امیر مُلک دین حسین امام ذوالکرم
جمالینین طَلَعلُعی مه مناره و حرم
جلالی جاودانه دی مقام و مدحی محترم
قاپیسینین گدالیقین فنایی جاهه وئرمرم
ادبلی نوکری اولار آقا حسینین عشقینه
.
.
تجلّی حضورینی ولادتینده گورسدیب
نجوم شمس نورینی هدایتینده گورسدیب
صلابت و غرورینی شجاعتینده گورسدیب
شعارینه شعورینی شهادتینده گورسدیب
کویر کربلا اولوب منا حسینین عشقینه
.
.
حریم سایه سینده دی وجود کلّ کائنات
جمالی نیّر هدا ئوزی سفینة النّجاة
شهادتین لب عطشانی نداسی حیِّ اَلصَّلاة
سوسوز دوداقلاریندادی بهشته مایه ی حیات
اجابته چاتار یقین دعا حسینین عشقینه
.
.
آدیندا واردی حکمتی مجالسه صفا وئرر
ئوزی یارالی اولسادا نه درد اولا دوا وئرر
مقدّس آستانه سی مریضلره شفا وئرر
او قانیلن دولان گوزی برات کربلا وئرر
کیم ائتسه عهدینه اگر وفا حسینین عشقینه
.
.
قاریشسا عشق پاکی گر بنای تنده قانلارا
مقام لامکانی وار ادبلی قهرمانلارا
قوجالسا خدمتینده کیم اوجالدار آسمانلارا
چخبدی فاتحُ العَمل بلالی امتحانلارا
بیان ائدر بو مدحی کربلا حسینین عشقینه
.
.
یازیبلا بیر حسین چینی ائدیبدی عزم کربلا
پیاده یول اوزون سفر ایاقلارین ائدیب یارا
اولاندا وارد حرم دیلینده ناله و نوا
زیارت ائلیینلری ائدیبدی جلب اعتنا
مشاهده ائدیبدی بس صفا حسینین عشقینه
.
.
سالیبدی ساده نحویلن عیانه اشتیاقینی
او آلتی گوشه مرقدین قوجاقلادی رواقینی
اوتوردی سوتدی روضیه قابار چالان ایاقینی
خموش ائدیبدی اشکیلن شراره ی فراقینی
تاپیبدی درد روحینه دوا حسیینین عشقینه
.
.
دئدی آقا بو کربلا اگر چه چوخ بلالیدی
ولی حرمسرالریز جلالتینده عالیدی
بو آلتی گوشه مرقدین بهشتیدن صفالیدی
اودور پیاده گلمیشم ایاقلاریم یارالیدی
کی نوش جاندی زائره یارا حسینین عشقینه
.
.
گلوب قباقه خادمی دئدی عوامی ایلمه
بو آستان اقدسه بی احترامی ایلمه
رعایت ایله لکّه لی رفیع مقامی ایلمه
بو فعلیلن شکسته دل شهید امامی ایلمه
ویروبدی ضرب سیلی جفا حسینین عشقینه
.
.
سینیبدی قلب غصّه دن اولوبدی غرق بهر غم
گلایه ائتدی آغلادی اولاندا خارج از حرم
دئدی آقا ائشیتمیشم قوناقه ائتمه سیز ستم
بو قدری یولّاری فقط سنین آدینلا گلمیشم
محالیدور جفا اولا روا حسینین عشقینه
.
.
او خادمی همان گجه زیارت اتدی حضرتی
آیی بولوت دوتان کیمین اولوبدی نیلی صورتی
خجالت تمامیلن سئوال اولوندی علتی
بویوردی ویرمیسان ئوزون جمالیمه بو ضربتی
ئوز اللریله ائتمیسن خطا حسینین عشقینه
.
.
بویوردی هر نه حالیلن زیارتیمه کیم گله
بی احترامی ایله سز منه چتیندی مسئله
گرکدی هر شکسته دل بوصحنیده گله اَله
گلنمیینلریده من سراقینه گئدم هله
اورکلرینده تا اولا رضا حسینین عشقینه
.
.
اگر ئوز احترامیمی زمانه ساخلیانمادی
او قدری ویردیلار باجیمدا باغلیانمادی
تاپاندا قانلی نعشیمی یانیب قوجاقلیانمادی
مصیبت و ملالیمه دویونجا آغلیانمادی
قورانمادی بلا گونی عزا حسینین عشقینه
.
- سه شنبه
- 8
- مرداد
- 1398
- ساعت
- 12:14
- نوشته شده توسط
- ابوالفضل عابدی پور
- شاعر:
-
کربلایی احد ظهرابزاده
ارسال دیدگاه