اشعار ویژه ورود به کربلا

اولماقا آماج بلا گلورم کربلا
خاکون ایدم لعل و طلا گلورم کربلا
.
.
کعبه نی حیرتده قویوب حسناتون سنون
وادی سینادی مگر عرفاتون سنون
زمزمی شرمنده ایدر بو فراتون سنون
سنده ایدم سعی و صفا گلورم کربلا
.
.
هاردا منانون بو قدر شرف و شأنی وار
اصغر شش ماهه کیمی قوزی قربانی وار
هانسی خلیلین دیه گوروم، بله امکانی وار
تشنه ذبیحاً به قفا گلورم کربلا
.
.
سنده سپهرین گونی تک باتارام کربلا
اصغری آلّام سینمه باتارام کربلا
اوز قانیمی توپراقووا قاتارام کربلا
تا اولاسان خاک شفا گلورم کربلا
.
.
سنده امانت گمیسین سالاجاقلار گِله
باب الحوائج بالاسی دوشه جاق مشگله
سنده عشایر ساتاجاق سویی بیر جوت اله
ویرماقا عباسی فدا گ

• پنج شنبه
• 31
• مرداد
• 1398
• ساعت
• 11:34
• نوشته شده توسط
• ابوالفضل عابدی پور

خوش گلوبسن کربلایه کربلایه یا حسین
سرزمین پربلایه پربلایه یا حسین
یا حسین و یا حسین و یا حسین
.
.
ای وئرن امضا بلایه وعدگاهوندی بوچول
قانلی سجّاده آچاندا سجدگاهوندی بوچول
ای‌منیم عطشان شهیدیم قتلگاهوندی بوچول
جلوه آرتیر نینوایه، نینوایه یا حسین
.
.
شوریلن بوکربلانی جاودان قیل دلبریم
دستماز آل بیر نماز آرمان قیل دلبریم
گُل لرونله بوکویری گلستان قیل دلبریم
وئر صفا لطفونله بو دشت بلایه یا حسین
.
.
یتمیش‌ایکّی جان‌نثاری دوزصفه مردانه تک
کارواندان سئچ گوزل عشّاقووی دردانه تک
ئوزگه‌لر چیخسون کناره دسته‌دن بیگانه تک
وئر شهادت مژده سین اهل وفایه یا حسین
.
.
محملون ساخلا مهیّا قیل بو چولده محفلون
حاضر

• چهارشنبه
• 30
• مرداد
• 1398
• ساعت
• 12:06
• نوشته شده توسط
• ابوالفضل عابدی پور

بو کربلا قربان گه جانان دی زینب
بوردا حسینون تشنه لب قربان دی زینب

جدّیم دِیَن یِر دور بو یِر صبر ایله گورسن
صد پاره جسمیم زینت میداندی زینب

بو یِر حقیقی کعبه دور رَشک مِنا دور
اوغلان لاریم قارداش لاریم بوردا فدا دور
عالَم لری آغلار قویان کرب و بلا دور
بوردا آنام، جدّیم، آتام، گریان دی زینب

نُوحی سالان طُوفانه بو صحرای غم دور
جدّیم خلیله مایۀ رَنج و اَلَم دور
بوردا منی غَرق ایلین بیر قانلو یَم دور
امّا نجه یَم؛ قانلو بیر طُوفان دی زینب

گر چه حجازه سرورم میر عراقم
دنیاده امّا قالماقا یوخ دور علاقم
بو غملی چولده یدّی گون، باجی قوناقم
صبر ایله دنیاده هامی مهمان دی زینب

گوردون قَدَم قُوی جاق بورا نه حاله قالدیم
قوندی یوزومه غم توزی، سولدوم سارالدیم
ئوز مقتلیم دن عطرینی زَهرانین آلدیم
زَهرا حسینه اِیم دیدن نالان دی زینب

آل اُمیّه ایلیوب اسلامی بَد نام
هند اوغلی ایستور قالماسون اسلام و اَحکام
من قوی مارام پامال اولا اَحکام اسلام
جانیم بو چولده دینیمه قربان دی زینب

وار بو چوله گلماقدا بیر عالی مَرامیم
ضدّ یزیده باشلانور بوردا قیامیم
کاخ یزیدی یخماقا وار اِهتمامیم
بو فکره مظلومیَّتیم عنوان دی زینب

باخما باشیم دا بو قُشون بو احتشامه
یوز دوندروب عمریم گونی ای باجی شامه
امّا بلاسی باشی مون یئتمز تمامه
گون تک گوررسن نیزه ده رَخشان دی زینب

بو یِر حریم قُدس دور جای بلا دور
بو دشتیده سو تک آخان ثار خدا دور
هر دردمنده توپراقی خاک شفا دور
هر درده قانلو تربتیم درمان دی زینب

اولسا هدف عالی گَلَر غَملَر گوارا
چوخ چوخ مُقدّس دور هدف ای دُخت زهرا
دوغران سا قطعه قطعه گر مُرآت طاها
لیلایه مشکل دور منه آسان دی زینب

وئرّم باجی بو چولده من بیر جبهه تشکیل
فاتح چخار بو عرصه دن آیات تَنزیل
اولماز داخی کابینۀ اسلام تعطیل
بو جبهه حقّ و باطله میزان دی زینب

بو جبهه نین عَبّاس تک سرداری وار دور
حیدر کیمی شمشیر آتش باری وار دور
قُوی سون سو اوستون ده اوزون قوللاری وار دور
تقدیره عالی خدمتی شایان دی زینب

بو جبهه نین دل یاندیران بیر رازی وار دور
بیر، آلتی آیلیق سود اَمَر، سربازی وار دور
تَبلیغ دینه چوخ بیوک اِعجازی وار دور
گر چه اونا پیکان، دمِ پِستان دی زینب

هر درد و محنت یوز وئره من سَهل سانّام
ائتدوق جا شدت درد و غم باجی دایانّام
آخر بو چولده تشنه لب قانه بویانّام
غسل یم یارالار دان آخان اَلقان دی زینب

مَعبودی مه سوز وئرمیشم قالوا بلاده
قالسون کفن سیز پیکریم کرب و بلاده
اولسون قوناق قانلو باشیم مَطبخ سَراده
مَطبخ مگر شایستۀ سلطان دی زینب

بیر عمر دور نوحه یازار آغلار (حسینی)
سیل سرشگین عارضه باغلار حسینی
قلبین شرار آه یله داغلار حسینی
مَنظوری بیر عالی صله احسان دی زینب

• چهارشنبه
• 17
• شهریور
• 1400
• ساعت
• 15:07
• نوشته شده توسط
• یوسف اکبری

بورا نینوادی زینب، بومکان نواسیز اوْلماز
آدی کربلا اوْلان یر، بولورم بلاسیز اوْلماز

بوزمین پاکه قانیم وئره‌ر آیری بیر اثرلر
سوْرا قانلی تُربَتیمده‌ن گل آرزو در‌للر
اؤپوب ال به ال جهاندا، اوْنی تُحفه گؤندرللر
اوْلا هر مریضه قسمت، مرضی شفاسیز اوْلماز

من اؤزوم خلیل عشقم، بورادور منای عشقیم
اوْ فرات زَمزَمیمدیر، بومکان صفای عشقیم
بوگل اوزلی اکبر اوْغلوم، اوْلاجاق فدای عشقیم
کی خلیل اوْلان مناسیز، بومنا فداسیز اوْلماز

بومکاندا سن قوْناقسان، منیم اصلی مسکنیمدیر
بولور‌م ندور حدودی، هارا عین مدفنیمدیر
باخ اوْ تلّ سند‌ن اؤتری، بوچوخور مکان منیمدیر
هارا سالک طریقت، گیده رهنماسیز اوْلماز

اوْ فراتی کی گؤرورسن، بیزه گؤرسه‌دیر سیاهه
منی سسلییور یتیرسوْن، سؤزونی بوبی‌پناهه
کی گلین بیرآزسویومدان، آپارون اوخیمه‌گاهه
دوْلانار مباح اوْلان سو، ستم وْجفاسیز اوْلماز

اوجالوب سسی فراتین، ولی چوخلی باکنایه
سویونی تعارف ایستیر، ائده سود امربالایه
کی گل ایچ نقدر ایچیرسن، سوْرا ائیلمه گلایه
قدغن اوْلاندا گلسن، بوْغازون یاراسیز اوْلماز

باجی من کی شش جهات وْدوجهانه پادشاهم
گر‌ک آلتی گوشه بیر قبر، ائده‌لر منه فراهم
اوره‌گیم چوْخ ایستیر اوْردا یاتاق اکبریله باهم
ائله بیرمزاریم اوْلسا، بئله مه لقاسیز اوْلماز

باجی مند‌ن اؤتری شمره سن اوجاتما دست حاجت
منی خنجرآلتدا گؤرسوْن، اوْنا ائیله‌مه سماجت
دم خنجره ال آتما، الون ائیلمه جراحت
ائله نطفه‌ی زنانین الی چون خطاسیز اوْلماز

• دوشنبه
• 13
• بهمن
• 1399
• ساعت
• 17:17
• نوشته شده توسط
• یوسف اکبری

زینب بورا نینوادی/صحرای غم و بلادی
بوردا توکولر قانیمیز/باجی بورا کربلادی

خوش گلموسن کرب و بلایه
زینب دوشر سن مین بلایه
دچار اولارسان ابتلایه

باجی بویر کرب و بلادی

بوردا باجی چوخ دشمنلر/ظلمیله جفا ایله لّر
دنیادن اوتور اشقیا/ا... بولوری نیله لّر

اکبریمی شهید ایده لّر
زینب وجودون دوغریلّر
گولوب شمادت ایلیه لّر

عرشه اوجادار فریادی/قارداشیم حسن اولادی
اشکیم یوزومه آخماقی/فکر ایتمه باجی بی جادی

قاسم دوشر بیر آیری درده
دوشنده صحنه ی نبرده
ایاقلانار وجودی یرده

داغلاندی بو قلب زاریم/قانه باتاجاق انصاریم
آرخام ائلیم الدن گیدر/اوندا کی گیدر سرداریم

عبّاسیمی اوردا یخاللار
زینب گوزونه اوخ ووراللار
بو قلب زاریمی سیخاللار

غملر دیلیمی داغلالّار/عرش،اهلی بیزه آغلالّار
بیرگون بو بلا دشتینده/سو یوللارینی باغلا لّار

عطش سسی گلر قولاقه
چتیندی تشنه لیق اوشاقه
ویرمزله سو بوردا قوناقه

باجی بو گروه کافِر/اوز ظلمون ایده لر ظاهر
بعضی گتیریبدور شمشیر/بعضی ایلیوب داش حاضر

مهمانی خوش یوخلالّا زینب
غم غصه می چوخلالّا زینب
ششماهه می اوخلالّا زینب

سندن باجی آیریلاندا/صبر ایله غم هجراندا
چوخ حالیوی سنده پوزما/یالقیز قالارام میداندا

جسمیم قالار توپراقلار اوسته
سینم اولار زینب شکسته
یالوارما سن او شمر پَسته

گلمه باجی چوخ فریاده/بو قانه باتان صحراده
ال غارته آچسا دشمن/زینب اوزون اول آماده

خرگاهه اوت وورالّا زینب
بالالاری سویالّا زینب
چولدن چوله قووالّا زینب

(بیکَس) بو یانقلی گفتار/بول فاطمه قلبین داغلار
بیر بیتی قبول ایتسه لر/بسدی سوزووی تز قورتار

تلاش،ایله خلوصون اولسون
گوزونده دائم اشکون اولسون
آقان اوزی معینون اولسون

• جمعه
• 22
• اسفند
• 1399
• ساعت
• 15:12
• نوشته شده توسط
• یوسف اکبری

بو همان یردور ویروب جدّیم خبر یا زینبا
کربلادور کوی عشقه رهگذر یا زینبا
.
.
کربلادور گر چه واردور چوخ بلاسی بو یرین
لیک یوخ بیر گلستان ایچره صفاسی بو یرین
سن باجی پروانه من شمع وفاسی بو یرین
آختاروردوم بو یری شام و سحر یا زینبا
.
.
آل هاشم کوکب رخشان بو یر چرخ وفا
ماه تابنده بو چرخه قارداشیم صاحب لوا
من اوزوم مهر جهان آرا اَیا کنز حیا
کیم گوروبدور بیله گون اولدوز قمر یا زینبا
.
.
عشق یارین هر بلالی باشدا بیر سوداسی وار
عاشق صادق اودور که عهدینون ایفاسی وار
بوردا قارداشون حسینون شور عاشوراسی وار
محشر کبرانی ایلر جلوه گر یا زینبا
.
.
گون او گون اولدی اگر ای باغ زهرایه ثمر
توپراقا گوردون توکولدی

• سه شنبه
• 8
• مرداد
• 1398
• ساعت
• 11:55
• نوشته شده توسط
• ابوالفضل عابدی پور

پشواز ایله/ ای کربلا /گلوبدی میهمان سنه مدینه دن

ای دشتِ خون/ای نینوا/مواظب اول رقیّه دن سکینه دن

بو رباب بو خانم لیلادی
بو کلثوم دختر زهرادی
بو اوجا بوی خانیم، کربلا
زینبدی خواهر مولادی

سنگ غم قلبینه گل چالما
زینبین صبرین الدن آلما
چوخ یاره باغلیوب عمرونده
کربلا تازه درده سالما

آی کربلا آی کربلا آی کربلا آی کربلا آی کربلا

گلوب سنه/ قوناق بوگون /بوشاهزاده لر هامی جلالیله

گیدنده کر/بلا ولی /گیده لّه گوزیاشیله چوخ ملالیله

گوز اوسته ساخلا سن قیزلاری
قویما باتسون بو اولدوزلاری
قمچیه یوخ بولاردا طاقت
چوخ وورما بو آدامسیزلاری

یول گلوب کاروان مولا
یورقوندی اهل بیت زهرا
رباب و اصغره رحم ایله
ساخلاما سن سوسوز کربلا

آدوندا وار/ ای کربلا /بلا و محنت وملالیله اَلم
قباقه چخ /گلور بو گون / امیر لشگر الده بیر یاشیل عَلم

بوسوزی سن فراموش ایتمه
عبّاسی غملره توش ایتمه
مشکینه قویما اوخ وورسونلار
زینبی سن سیَه پوش ایتمه

بو سوزی قوی دیوم سربَسته
قوللارین سالما سن سو اوسته
آتدان دوشن زمان ،کربلا
آغوشه آل اونی آهسته

حسین سنه /قویوب قدم /تفاخر ایله کعبیه بلاچولی

آناسینون/ سو مَهری دی /مباد باغلانا اونا سویون یولی

قویما شِمر مقتله یول سالسون
زهرادن تاب و طاقت آلسون
قانلی گودال ایچینده عریان
حسینی قویما (بیکَس)قالسون

دیلده وار چوخ غم و اندوهی
اینجیتمه جسم و جان و روحی
آتلاری قویما سن کربلا
سندریسین سینه مجروحی

• جمعه
• 22
• اسفند
• 1399
• ساعت
• 15:18
• نوشته شده توسط
• یوسف اکبری

بهشتی زینت ایلییب خدا حسینین عشقینه
صفای جاودان تاپیب سما حسینین عشقینینه
.
.
حسین امیر مُلک دین حسین امام ذوالکرم
جمالینین طَلَعلُعی مه مناره و حرم
جلالی جاودانه دی مقام و مدحی محترم
قاپیسینین گدالیقین فنایی جاهه وئرمرم
ادبلی نوکری اولار آقا حسینین عشقینه
.
.
تجلّی حضورینی ولادتینده گورسدیب
نجوم شمس نورینی هدایتینده گورسدیب
صلابت و غرورینی شجاعتینده گورسدیب
شعارینه شعورینی شهادتینده گورسدیب
کویر کربلا اولوب منا حسینین عشقینه
.
.
حریم سایه سینده دی وجود کلّ کائنات
جمالی نیّر هدا ئوزی سفینة النّجاة
شهادتین لب عطشانی نداسی حیِّ اَلصَّلاة
سوسوز دوداقلاریندادی بهشته مایه ی حیات
اجابته چاتار یقین د

• سه شنبه
• 8
• مرداد
• 1398
• ساعت
• 12:14
• نوشته شده توسط
• ابوالفضل عابدی پور

بو دیار کربلادور کعبه ایمان باجی
من گرک بوردا کسم یتمیش ایکی قربان باجی

کربلادور بوردا باجی جلوه­‌ی دلدار وار
جستجو وار جذبه وار شوق جمال یار وار
بزم خلوت انس و الفت لذّت دیدار وار
هم بهشت آرزو هم رحمت رحمان باجی

من بو صحراده مکرّر عکس منظر چکمیشم
عکس منظر نامنه تصویر دلبر چکمیشم
آرزوی وصلنی حسرتله ایللر چکمیشم
تاپمیشام جانانیمی آیریلمارام بیر آن باجی

هر بلا بو یرده گلسه باشیمه تاب ایلرم
عاشقانه ترک اهل و قوم و اصحاب ایلرم
بسکه بو دشتی قیزیل قانیله سیراب ایلرم
کربلانی ایلرم پرورده­ی احسان باجی

سرگذشت کربلا سرّ سرشتیمدور منیم
قانله باشدان یازیلمیش سرونشتیمدور منیم
ایستی قوملار اوستی دیبای بهشتیمدور منیم
فرش عرش عشقدور یا سُندس رضوان باجی

باش باشا قویماق بو یرده تیغ زهرآلودیله
عهد و پیمانیمدی باشدان حضرت معبودیله
سوز ویروب سوز آلمیشام من شاهد مقصودیله
سینسا جان پیمانه­‌سی سیندیرمارام پیمان باجی

بو گلستاندا کی هر بیر برگی یارین لطفیدور
بیر قزل گُل وار کی اون سگّیز بهارین لطفیدور
بو گُلین هر جلوه سی پرودگارین لطفیدور
تیز اولار بو گُل ولی گُل آچمادان خندان باجی

منده طاقت یوخ دیَم بو غنچه تر آدینی
باخ یانقلی قلبیمه قوی داغ اکبر آدینی
اُمّ لیلادن سوروش شبه پیمبر آدینی
گُل آدین سالماز دلیندن بلبل نالان باجی

هاردا اولسان یاده سال سرداریمین احوالینی
اوخلانوب پَرپَر چالان شهبازیوین شهبالینی
قرمزی قانیله دولموش مشگ مالامالینی
با وفا جاندان گچن سرداره جان قربان باجی

باش یاریلموش قول دوشوب باشدان ایاقه غرق خون
قدّ موزونی اولوب نخل عَلم تک سرنگون
پاره مشگی سینه سینده یاره حدّیندن فزون
تشنه لر سقّاسی امّا جان ویرن عطشان باجی

سوداَمر اوغلوم عطشدن سو یرینه قان ایچر
قان ایچر امّا انوندا قانینی پیکان ایچر
نوک پیکانی اَمَر چون شیره پستان ایچر
برگ ریحان تک اَسَر تترر اولور لرزان باجی

قارداشون چون خاطر آزادی فارغ بال ایدر
پیک پیکانی اورکدن حُسن استقبال ایدر
نازنین یارین چکر آغوشه حسب حال ایدر
خوش خبردور طایر دولت کیمی پیکان باجی

عاشق جانبازه جان لازم دَگول یوخ ایسترم
قان توکَن قامت بوکَن طاقت شکن اوخ ایسترم
اوخ عزیز خاطریمدور خاطرین چوخ ایسترم
خاطراتِ خوش گرامی تر اولور جاندان باجی

تیر گلور تقدیم دعوتنامه یار ایلسون
جام وصلی قانیله لبریز و سرشار ایلسون
قلبیمه یاتسون یانان دنیانی بیدار ایلسون
یار بی آزار اولور قلبه یاتان مهمان باجی

ظهر عاشورا کی قرص لاله گون آفتاب
آتشین رخساریدن یکسر کنار ایلر نقاب
جانیمی هم آفتاب هم قحط آب ایلر کباب
اوندا گَل گورقوملار اوسته یاتموشام عریان باجی

آخرین دمده بوجان سرتابپا مجذوب اولور
شوق دیداریله محو طلعت مطلوب اولور
ورد و ذکریم دلده یا معبود و یا محبوب اولور
یا کریم الصّفح یا ذاالعفو ودالغفران باجی

قان ایچنده ال آیاق چالام مناجات ایلرم
جان و دلدن باش و جان ویّرم مباهات ایلرم
حق سوزین اُلسَمده مین نحویله اثبات ایلرم
نیزه باشینده کسوک باشیم اوخور قرآن باجی

خیمه گاهیم اود دوتوب تبدیل اولاندا کول لره
هولدن اولاد و اطفالیم قاچالّار چول لره
بیر به بیر یغ باشیوه لطف ایت سارالموش گُل لره
قالماسون باشسیز اوشاقلار چولده سرگردان باجی

قید تندن قورتولوب آزاد اولاندا جانِ پاک
کفن و دفنین باره سینده اولما چوخ اندوهناک
نیزه تابوتیم اولور بُرد یَمانی خون و خاک
شمع بالینیم شرار آه مظلومان باجی

سویله (هندی) ضعف و نیسان حرفین عنوان ایتمه سون
خدمتینده صادق اولسون ترک شکران ایتمه سون
دردی واردی نوحه یازسون فکر درمان ایتمه سون
درد بی درمانینه من ایلرم درمان باجی

• جمعه
• 12
• شهریور
• 1400
• ساعت
• 23:17
• نوشته شده توسط
• یوسف اکبری

بوغملی یرزمین کربلادی زینب
محیط دردوغمدی،غمفزادی زینب
منه وطندی منه وطندی

بویرده نصب اولاگرکدی خیمه گاهیم
گرک اوفول ایده بویرده مهروماهیم
ویروبدی وصله وعده حی دادخواهیم
هواسی چوخ حسینه آشنادی زینب

گرکدی قانه غرق اولاجوانیم اکبر
حسن نشانه سی اولا قتیل خنجر
طناب ظلمه باغلانابنات حیدر
ازلدن البلاءو للولادی زینب

بویرده اهل کین قوناقی یوخلیالار
اوره کده دردومحنتیمی چوخلیالار
علی اصغری بو چولده اوخلیالار
اودورکه دل انیس آه و وادی زینب

فراتون اوسته قارداشیم کچر قولوندان
ویرالاراوخ اونون صاقیندان هم صولوندان
قییتمزاو وفالی سالک حق یولوندان
علینون اوغلودی شه وفادی زینب

ستاره ی سحرمثالی زینب آخما
اوحالیلن بودشت غمفزایه باخما
بونوعی یاندیروب باجی جهانی یاخما
اگرچه آه و شیونون بجادی زینب

او تلون اوستونه چیخاندا اتمه افغان
کسنده مقتلیمده باشیمی بو عدوان
ال آچساغارته بو خصم سست پیمان
گلایه ایلمه که حق،رضادی زینب

گورورسن ایندی بوچولون صفاسی یوخدی
نه واردی زینتی نه بیر بناسی یوخدی
نه باغی وار نه گلشنی،بلاسی چوخدی
اوره ک بوچدلده غرق ابتلادی زینب

بوچولده بیرگون اهل دل علم ویرالار
وفالی شیعه لرمنه حرم قورالار
مریضلر گلوب بوراشفا آلالار
دیللر اوندا تپراقی شفادی زینب

وفالی زینبیم بلادن اولماخسته
بودشته شیعه لر گلله دسته دسته
ضریح دلگشا سالالا قبریم اوسته
دیلله رشک خانه ی خدادی زینب

یازوب بونوحه نی بیزه غمیله"ناعم"
بیرعمریدوراولوب بودرگهه ملازم
فراق کربلاده آغلیوبدی دایم
برات کربلا اونا ،سزادی زینب

• پنج شنبه
• 14
• اسفند
• 1399
• ساعت
• 17:57
• نوشته شده توسط
• یوسف اکبری

کربلایه دوشوب الله گذریم - بودور آخر سفریم
بو نه گلشن دی صولوب غنچه‌لریم - بودور آخر سفریم

یوخدی بو دشتیده غربت قوخوسی-بورا موطن‌دی منه
گؤردوغوم لحظه ملالیم آزالیر-مثلِ مسکن‌دی منه
تلّین آلتیندا یارانمیش بو چوخور-یئری مدفن‌دی منه
قویلانار توپراقینا هر گُهریم - بودور آخر سفریم

چیرپینان سینه‌ده یوللار اوزونی-راحت اولدی ئورگیم
دئمرم منظره‌سیندن سیخیلوب-نه دوتولدی ئورگیم
سو گؤرنده ولی بیلمم نه ایچون- غمه دولدی ئورگیم
آتشیندن بئله یاندی جگریم - بودور آخر سفریم

عالم ذرّیده گؤرموش بو چولی-بیلوری رازین حسین
بو مقّدس یئره ائتمیش او سبب-عشقین ابرازین حسین
گئتیروب فدیه ‌سنین مقدمویه-عمده سربازین حسین
قاسمیم،اکبریله صود امریم - بودور آخر سفریم

نامه‌ی عشقینه هر بیر کَسیمون-مُهر ماتم دوشجک
باجیمون،قارداشیمون،عائله‌مین-پایینا غم دوشجک
خیردا قیزلاریم عداوت گؤرجک-اودا باهم دوشجک
واردی هر ایشدن ازلدن خبریم - بودور آخر سفریم

منه گَلسه بو بیاباندا اگر-هر مشقّت دؤزَرَم
گول چیچک اولماسا اؤز عشقیمیلن-بو یئره گول دوزرم
بو گلستانی بهشت‌دن ده گؤزل-قانیمیلن بئزرم
گئتمییور جنّته حتی نظریم - بودور آخر سفریم

کیم منیلن بورادا مُحرم اولا-فخر ائدر مین حاجیا
یئدّی قارداش وئره‌جک غیرتیلن-بوردا قوج بیر باجیا
ای خدا راضیم اسلام اوجالا-ولی قلبیم آجیا
زهره ده دؤنسه دیلیم‌ده شَکریم - بودور آخر سفریم

من فنا اولماقا گؤرستمیشیدیم-ای خدا رغبتیمی
لطفیله سنده مقدّر ائله‌دین-بو یئره قسمتیمی
بو قیزیل توپراقین اوسته چکرم-نقشِ حرّیتیمی
حشر اولونجا قالا یئرده اثریم - بودور آخر سفریم

اَلده خنجر منه آماده دوروب-دشمنِ شوم اولَجم
عالمین آخری ای کرب‌وبلا-اولدی معلوم اولَجم
قان دوتان طالعیمین هر یازیسی-بودی مظلوم اولَجم
دیللری یاندیراجاقدور شرریم - بودور آخر سفریم

کربلا سنده ستم شعله‌لری-خاکیدن معراجادی
نَقدر اولسا صفا سنده گئنه-غمون اوننان اوجادی
آچمیوب دیل هله هئچ بیر شهیدون-بیر شهیدون قوجادی
فوجِ غمدن بو اولا مختصریم - بودور آخر سفریم

فقط الله بیلیر عورت اوشاقیم-نه ملاله دوشجک
اوندا کی سنده آخان قانلاریلان-آیا هاله دوشجک
اوجا بوی. قارداشیمون گول بدنی-نجه حاله دوشجک
توپراقا یوز قویاجاقدور قمریم - بودور آخر سفریم

امّته شاهدیم الله‌دی نه زور-نه ده جبر ایسته‌میشم
بو فنا جانه بو یئردن نه کفن-نه ده قبر ایسته‌میشم
باجیمون قلب وفادارینه من-ولی صبر ایسته‌میشم
اولموین جانلارا اولسون سپریم - بودور آخر سفریم

ائده‌جک داشلار اصابت ستمِ-اشقیادن باشیما
ائتمرم شِکوه نه اول خنجردن-نه جدادن باشیما
چون بلی سویله‌میشم هر نه گله-اقتضادن باشیما
من حسینم بودا شیرین قَدَریم - بودور آخر سفریم

اولاجاق گون توسل ائده‌جک-هر مسلمان بو یئره
حاجتین آلماقا زائر گله‌جک-اهل ایمان بو یئره
چون سفارش خود مولا ائله‌ییب-لبی عطشان بو یئره
اَلی بوش قویما گئده بیر نفریم - بودور آخر سفریم

محترم شیعه‌‌یه‌دی بارگهون-چوخ مقدس‌دی آقا
آیری مسکن سنون عاشقلریوه-سانکی محبس‌دی آقا
باخاسان گوش نگاهونله منه-بیر عومور بسدی آقا
سسله‌سن آدیمی بیر یول نوکریم - بودور آخر سفریم

• چهارشنبه
• 4
• فروردین
• 1400
• ساعت
• 22:15
• نوشته شده توسط
• یوسف اکبری

کربلایم غصّه لی غملی دیارم یاحسین!
خلق اولان گوندن سنه چشم انتظارم یاحسین!

خوش گلوبسن ای آقا!
بو شرفلی توپراقا

کاتب حکمت یازوب افسوس اولا مقتل منی
لوح فخر اوسته چکوب هر بُقعه دن اوّل منی
حق سنه خاطر ائدوبدی کعبه دن افضل منی
ای منیم فخریم! جهانه افتخارم یاحسین!

دوّم ماه محرّمده منه وئردون شرف
عطر زهرانی گتیردون ای گل شاه نجف!
گلمگوندن گلدی ایجاده بو گون شوق و شعف
غنچه لر گول آشدی عشقوندن بهارم یاحسین!

شمع جمعِ حُسنیوه یئتمیش ایکی پروانه وار
بی گمان هر تک تکینده یانماقا پروانه، وار
عالم امکان دولانور باشیوه پروانه وار
حق بیلور عشقونده دائم بی قرارم یاحسین!

سن بیلورسن قیزلارون بو چؤلده معجرسیز قالار
زینبون دشمن الینده یار و یاورسیز قالار
یدّی قارداش باجی سی آخر برادرسیز قالار
من باجون زینب غمینده دلفکارم یاحسین!

سن بیلورسن قانینه غلطان اولار بو لشکرون
اوخشویار باش یاره سیندن مرتضایه اکبرون
اوخلانار اوز اللرون اوسته علیّ اصغرون
ایندیدن من ماتمونده اشکبارم یاحسین!

سن بیلورسن روز عاشوراده نه غوغا اولار
سن شهید اولسون عزادارون آنون زهرا اولار
اهلبیت اطهره بیر محشر عظما اولار
گورنئجه پوزقوندی حالیم سوگوارم یاحسین!

سن بیلور سن قارداشون عباسه نیلر دشمنون
خیمه گاهونده قالار قیزلار الینده دامنون
حیّ یکتادن حیا ائتمز دنی اهریمنون
قوم شام و کوفه یه نفرین شعارم یاحسین!

حیف اولا بو شوکت و جاه و جلالِ زینبه
بیر مصیبت واردی گلمز هئچ خیالِ زینبه
نینوایم من نوا قیلاّم ملالِ زینبه
غمکشیده باجیوه من غمگسارم یاحسین!

بو گلن قیزلار یقین بیر گونده ایمن سیز گئدر
بلبلانِ دلشکسته باغ و گلشن سیز گئدر
قولاّری باغلی اؤرَک داغلی باجون سن سیز گئدر
من دعائیله اونا معناده یارم حسین!

بیر زمان قبرون کنارینه گلر «سیّدبشیر»
آیریلیقدان قورتولارکن دینجلر «سیّدبشیر»
شوقیدن گؤزیاشین بوردا الَر «سیّدبشیر»
سسلنر گلشنده سن گول، منده خارم یاحسین!

• سه شنبه
• 17
• فروردین
• 1400
• ساعت
• 19:10
• نوشته شده توسط
• یوسف اکبری

گینه عالمی غم آلدێ، گینه ماه-ی-ماتم اوْلدۇ
کی بۇ آیدا قدّ-ی-زینب، غم-وْ-غۆصصه‌ دن خم اوْلدۇ

علم-ی-عزا وۇرۇلدۇ، گینه فرشه طاق-ی-عرشه
چکیلیبدی قاره گویا، باشاباش رواق-ی-عرشه
گینه یا حسین شوعاری، یازێلێبدێ صاق-ی-عرشه
شه-ی-دینه بزم-ی-ماتم، گینه عرش-ی-اعظم اوْلدۇ

بۇ آیێن مصیبت‌ینده‌ن، گۆن عزا دۇتۇب، آی آغلار
فلک-وْ-مَلک دییه‌رلر، هامێ وای حسین وای آغلار
دئییب اصغره آناسێ، گؤزۆ یاشلێ لای-لای آغلار
اوْنۇن اوْخلانان بوْغازێ، هامێ شیعه‌یه غم اوْلدۇ

گینه نُه رواق اوْلۇبدۇ، مَلکوته بیت الحَزَن
گینه تئکیه‌لر آچێلدێ، دؤشه‌نیب بساط-ی-شیون
گینه شمع-ی-بزم-ی-ماتم، ائدیب آسمانی روشن
هامێ تئکیه‌لرده برپا، گینه قاره پرچم اوْلدۇ

عَر‌صات-ی-محشر اوْلدۇ، بۇ آیێن اوْنۇندا برپا
بالالار قالێب آناسێز، آنالار قالێبلا ثکلا
هامێ گؤزده اشک-ی-حسرت، هامێ دیلده واحسینا
آخان اشگ‌لر جماله، گۆلۆن اۆسته شبنم اوْلدۇ

بۇ آیێن اوْنۇندا توفان، قوْپۇب عرصه‌ی-ی-بلاده
یێخێب اشقیاء حسینی، یۆزۆ اۆسته کربلاده
آناسێ آچێبدێ باشێن، باباسێ گلیبدی داده
دئدیله‌ر حسین بۇ عالم، بیزه اؤزگه عالم اوْلدۇ

بۇ آیێن اوْنۇندا قاچدێ، چؤله قوْرخۇدان اۇشاقلار
دۆشۆب اسمه‌گه بدن‌لر، بؤلۆنۆبدۆ گۆل دوْداقلار
نئچه گوشواره اۆسته، بوْیانێب قانا قۇلاقلار
هامێ قلب قانه دؤندۆ، هامێ دیده پُر نم اوْلدۇ

بۇ آیێن اوْنۇندا بیر اوْخ، دگیب اصغره فلکده‌ن
آیێرێب اوْ طفلی سۆتده‌ن، آچێب اَللَرین بله‌کده‌ن
آناسێ دئدی دۆشئیدی، الۇن «حرمله» بیله‌کده‌ن
نه بالاما سۇ تاپێلدێ، نه یارایا مرهم اوْلدۇ

دئدیم آغلاما عزیزیم، سۇ خیالین آت آماندێ
سۇ کی اوْلمادێ ایچئیدۇن، بوْغازۇندا پارچالاندێ
یۆزۆن اللرۇن لیباسۇن، بله‌گۇن قانا بوْیاندێ
آناوۇن اوْغۇل اؤلۆنجه، هر آیێ محرّم اوْلدۇ

آقا یا حسین قاپۇندا، دئمیره‌م، «زهیر»‌م، «حرّ»‌م
هله ذرّه قطره‌یم من، سنه وصلیم اوْلسا کرّم
یۆزۆ قاره بیر ایته‌م من، یاتارام قاپۇندا هۆرره‌م
بۇ شرفلی آستانه، دۆشه‌ن ایت مکرّم اوْلدۇ

• یکشنبه
• 9
• خرداد
• 1400
• ساعت
• 21:16
• نوشته شده توسط
• یوسف اکبری

کاروان یتیشدی کربلایه زینب
حاضر اول بو چولده هر بلایه زینب

بوردا دوغرانار اکبر
اوخلانار علی اصغر

ای بلالی زینب..................ای بلالی زینب

من بو کربلایه امتحانه گلدیم
امتحان عشقه عاشقانه گلدیم
غرق اولا وجودیم بوردا قانه گلدیم

قیلموشام توسل مرتضایه زینب

بوردا اهل عشقون ماجراسی واردی
انقلاب حقون جان فداسی واردی
باده ی بلانون مبتلاسی واردی

ویر خبر رباب بی نوایه زینب

بوردا حقّ و باطل چوخ جدال ایدللر
قانیمی بو چولده پایمال ایدللر
قدّ مصطفانی چون هلال ایدللر

آغلار انبیالر بو فدایه زینب

دشمنان قرآن بو چوله دولالّار
بوردا اهلبیتیم گول کیمین سولالّار
قیزلاریم اسیر قوم کین اولالّار

ایندی سنده قوزا ال دعایه زینب

سن بوچولده زینب چوخ بلاگوررسن
چوخ باشی بدنلردن جدا گوررسن
قانلی بیر قماط و بیر عبا گوررسن

آغلیارسان آلِ مصطفایه زینب

سن بو چولده زینب داغدار اولارسان
شام شومه بوردان رهسپار اولارسان
قیزلاریما یولدا یاخشی یار اولارسان

شامیده گلرسن آه و وایه زینب

• پنج شنبه
• 6
• خرداد
• 1400
• ساعت
• 12:34
• نوشته شده توسط
• یوسف اکبری

ای عشق شاه مردان – قارداش بو یر نه یردی
وی نوری نورِ سُبحان - قارداش بو یر نه یردی

بو سرزمین ماتم – یا اینکه نینوادور
غملی هواسی واردی- غم خانهی عزادور
واردور بلاسی بیلم -چون آدی کربلادور
ایله بیان حسینجان -قارداش بو یر نه یردی

ای رهبرو امامیم- سویله ندندی قارداش
باخدون بو سرزمینه – دولدی گوزیوه قانیاش
من زینبم بو چولده - اولّام سنیله یولداش
آقای باغ رضوان - قارداش بو یر نه یردی

قلبیندن آه چکدون – سن اکبره باخاندا
دوادی گوزون بشیکده – اول اصغره باخاندا
یاندون نیه حسینجان – مَه پیکره باخاندا
قلبیم اولوبدی سوزان - قارداش بو یر نه یردی

علت ندور باخورسان – نهر فراته قارداش
اونداباخوب حیالی - خردا بناته قارداش
عشقیم گرک یتیشسون – بوردا ثباته قارداش
ای سرور شهیدان - قارداش بو یر نه یردی

عباسون هی باخورسان – اول سرو قامتینه
حیدر اوپن الینه – آی مثلی صورتینه
عشق ایلوسن باخاندا – عرض ارادتینه
ای پاسدار قران - قارداش بو یر نه یردی

ای جَنَّتین هُماسی – دلبند پاک زهرا
علت ندور بو یرده – ایتدون خیامی برپا
قاداش بو یر چوخوردی – ای نور حَیِّ اعلا
ای عشقی قلبه طوفان - قارداش بو یر نه یردی

معلوم اولور بو سوزدن- شاه شهان حسینجان
اشراره اولموشوخ بیز – بو قانلی چولده مهمان
قربانلاریوی گتدون – کرب و بلایه قربان
قیلَّم من آه وافغان - قارداش بو یر نه یردی

ویرم قسم حسین جان – اکبر یاتان عبایه
قسمت ایله بو جمعه – همده بو( پوریایه )
تا اربعین پیاده - گلسونله کربلایه
منلن اولاخ نوا خوان - قارداش بو یر نه یردی

• سه شنبه
• 22
• تیر
• 1400
• ساعت
• 12:22
• نوشته شده توسط
• یوسف اکبری

بویردور کربلا صحراسی زینب
بو دشتین وار بیوک غوغاسی زینب

بو صحرا وادی درد و بلادی
بو صحرا بیر محل ابتلادی
بو صحرا مدفنیم دور کربلادی
وار اوزگه عزت عظماسی زینب

بویر دشت بلاكوی وفادی
صفالی دلره دارالصفادی
مریض عشق ایچون دارالشفادی
سوزین وار صورت و معناسی زینب

بودشتین جلوۂ جانانی واردی
منایه بو یرین رجحانی واردی
سوسوز یتمیش ایکی قربانی واردی
که وار قربانگه زیباسی زینب

منانین هاردا وار بیله مناسی
منانین هاردا وار بیله صفاسی
منانین هاردا وار یتمیش فداسی
اولا بیله شرف داراسی زینب

وار اوزگه نشئه بو کوی وفاده
هدفلر بیردی یتمیش بیر فداده
باتار قانه غلام و شاهزاده
اساساً یوخدی استثناسی زینب

وفا شمعی اولار بوردا فروزان
وفا پروانه سی یتمیش ایکی جان
اولالّار بیر شرار عشقه سوزان
بودور عشق و وفا ایماسی زینب

دوتار جوّ فضائی ابر پیکان
بولود تک یاغدیرار قان دلده قان قان
زمین کربلانی دولدورار قان
ایدر بو دشتی قان دریاسی زینب

اوقانه غرق اولار وارسته جان لار
نه جانلار جوهر جان نوجوان لار
جوان لار نه جوان سرو روان لار
ریاض عشق زیب افزاسی زینب

شهیدان وفانین سرخ قانی
ایدر دامان دشتی ارغوانی
اولار بو سرزمین دین گلستانی
گلر عطر بهشت آساسی زینب

بو دشته گلمیشم جان و سریله
گل أوزلی قاسم گل پیکریله
علیّ اکبریله اصغریله
یازام قاندان وفا طغراسی زینب

ویروب دل عالم قالو بلاده
آلوب جانه بلا لفظ بلاده
وفای عهد ایچون بو کربلاده
حسینین واردی عاشوراسی زینب

نه عاشورا بیوک غوغاسی واردی
نه غوغا شور نهضت زاسی واردی
نه نهضت اوندا دین احیاسی واردی
بودور عاشوریمین معناسی زینب

بوچولده اوخلانار شش ماهه اصغر
گل اوزلی قاسمی ایلَلَّه پرپر
ایچر جام شهادت اوغلوم اکبر
اولار مجنون غم لیلاسی زینب

سپهر هاشمی ده ماه تابان
ابوالفضلیم اولار جانانه قربان
دوشرقان دجله سینده قانه غلطان
یارالی قدّ سرو آساسی زینب

اولان پابند پیمان ألستم
می وحدت ایچن باده پرستم
واریم دین نشئه سی مخمور و مستم
قانیمدور عشقیمین صهباسی زینب

فدای راه دین اولّام بویرده
قتیل اهل کین اولّام بویرده
کفنسیز من دفین اولّام بویرده
منه وار عزّت کبراسی زینب

بو صحرادور حسین قانه باتان یر
گوزوندن ماسواللهی آتان یر
یارالی جسمیله یورقون یانان یر
وار عشقیله سر و سوداسی زینب

منه فیض شهادت وار یارالی
سنه رنج اسارت وار بلالی
بلایه من کیمی دؤز ای وفالی
صفا روحی وفا سیماسی زینب

بلاده سن شریک اعظمیم سن
باجیمسان هم آنام هم همدمیم سن
من ئولسم بوردا صاحب پرچمیم سن
شکسته قلبیمین یاراسی زینب

آنام صبر ایلدی هر ابتلایه
اؤزین ایتدی فدا دین خدایه
آنام تک سنده صبر ایت هر بلایه
اولان ای کربلا زهراسی زینب

اولار بو یاتدیقیم یر خلقه منظر
اولار سینم گلی شهزاده اصغر
قوجاقیمده گلر هنگام محشر
جزاده وار بیوک غوغاسی زینب

آلا اکبردن ایستر توشه قبریم
ایاق آلتدا آلار آغوشه قبریم
شبیه عرش اولار ششگوشه قبریم
اولار چوخ رؤیت زیباسی زینب

ویروب جدیم اوزی بیله بشارت
گللّر شیعیان پاک طینت
ایده للر قبریمی بوردا زیارت
اولاردی معرفت داراسی زینب

اگر چه تائبا چوخدور گناهون
حضور حقده وار روی سیاهون
اولاللار روز محشرده پناهون
حسین و کربلا زهراسی زینب

اولا تائب نقدری جاندا جانون
حسینه آغلا توک اشگ روانون
حسین امضا ایدر خط امانون
گواه ایلر وفا سیماسی زینب

• شنبه
• 30
• مرداد
• 1400
• ساعت
• 23:00
• نوشته شده توسط
• یوسف اکبری

اردوی همایون شهنشاه مدینه
غم دشتی نه گلدی غمه باشلاندی زمینه

سرلشکرینی محضره احضار ایلیوب شاه
امر ایتدی چوخور یرده وورون خیمه و خرگاه

فرمانده نیروی شَهِ مُلکِ امامت
فوراً ایلدی امر مُلوکانیه طاعت
پخش ایتدی او جمعیّته بو حُکمی او ساعت
یکسر دایانوب دوردی گلن جمله سراپا
فرمانِ مُطاعِ شَهِ کُونین اولوب اجرا

اوّل قورولوب پادشَهین خیمه سراسی
نصب اولدی اونون قبّه سی اوستونده لواسی
بیربیر دوشنوب خیمیهء شاهانه اساسی
غبطه یِری وار ایتسه بو اجلاله سلیمان
هاردِیدی سلیمان دا بیله عِزّت شایان

اقدام اولونوب خیمه و خرگاه دوشن سون
یاتسون دوه لر، اهلِ حرم ناقه دن انسون
شاهانه اساسی له بلا دشتی بزن سون
فِتیانِ بنی هاشم ایدوب جمله اراده
بیربیر حرم عصمتی ایتسون له پیاده

بیربیرلرینه سبقت ایدوب شیرِ ژیان لار
جان نقدینی بازارِ مُحبّتده ساتان لار
مین مهر و مُحبّت له او مَه پاره جوان لار
سویلردی له هر تک تکی بیر طفله مُکرّر
آغوشی مه گل ای صَدف عصمته گوهر

بیر یاندا دوشوب لشکرِ سلطانِ سلاطین
نصب اولدی اویان سمتی دَه خرگاه خواتین
شهزاده لر اندوردی شهین خوردا بناتین
هر تازه جوانین بالا بیر قیز قوجاقی ندا
بلبل دیه سن بس اوتوروب گل بوداقی ندا

ویر بیرجه امان ای یوزیمه گوزدن آخان یاش
قوی باری ایدوم دلده کی گیزلین سوزیمی فاش
اندیردی اوغولّار آنانی، باجینی قارداش
امّا نجه اندیردی له یوخ شرح ینه قدرت
بیر گوز گوره هیهات ایله شُوکت ایله عزّت

تا اینکه چادرلار قورولوب اولدی مُرتّب
وقت اولدی که اجلال نزول ایلیه زینب
محمل دن انن دمده او بانوی مُودّب
سرعت له گلوب محضره سرداری حسینون
خم ایلدی زانوسین علمداری حسینون

جمع اولدی جوان لار خانمین دوره سین آلدی
بی کسلرین او چولده آرایه کسین آلدی
زَهرا قیزی تا آل علینون سسین آلدی
دولدوری گوزین شُوق و شَعف دن او دل آگاه
سسلندی سیزی زینبه چوخ گورمسون الله

صاقدان قولون اوّلده دوتوب شِبه پیمبر
قاسم ده دوتوب صول قولون آهسته موقّر
حائل اولوب اکرامی له عبّاس دلاور
اندیردی له نازی له او بانوی حجازی
رشک ایتدی فلک گوردی بو اعزازی له نازی

غم لندی قویاندا ایاقین دشتِ بلایه
اشکی خانمون آخدی، گلوب شور و نوایه
گویا بیله عرض ایلدی شاهِ شُهدایه
نه یِردی بو یِر گتدی منی درده حسینیم
گل وورما بو صحراده سرا پرده حسینیم

قارداش بو یِرین آب و هواسین دَه بلا وار
نه قلب آچیلور بوردا، گولور یوز، نه صَفا وار
قلبیم دویونور یوخسا باشیم دا نه قضا وار
بو سرّیده وار گوگلومون آرامین آلوب دی
زینب سنه قربان نیه رنگون سارالوب دی

بیرده دیدی چوخ گورموشم ای سِبط پیمبر
دعوایه گیدنده آتامیز ساقی کُوثر
خرگاهین ایدردی اوجا یرلرده مُقرّر
علّت ندی سن ایتدون اونون عکسی نه رفتار
امر ایتدون اولا نصب چوخور یِرده چادرلار

افسرده گورنده باجی سین شاهِ شَهیدان
رافت له دیدی آغلاما گوزیاشیوه قربان
منله آتامین فرقی وار ای غم کش دوران
چون دشمنه دعواده آتام غالب اولاردی
قورسون اوجادا خیمه اودی طالب اولاردی

تشریح ایلیوم من نه دلی له جریانی
مغلوب ایده جاق لشکریمی دشمن جانی
صحرایه حسینین آخاجاق سو کیمی قانی
دنیا بویی دینه وِیره جاق رُونق لایق
جدّیم گتورن شَرعه اولار آهنین عایق

بو یِر دولانوب روضهء رضوان اولا جاقدی
هر گوشه سی مین رشک گلستان اولا جاقدی
توپراقی هامی دردلره درمان اولا جاقدی
عاجزلسه هر دردین علاجی نده اَطبّا
بیر ذرّه سی ایلر مین ایله درده مُداوا

معبودی می بوردا ایدرم تشنه مُلاقات
حیرتده قالار صبری مه سُکّان سَماوات
کعبه یِرینه بو یِر ایدر فخر و مُباهات
بو یِردی نه چون ظلم یله ثارالله آخان یِر
ثاراللهی زَهرا آغاران زلفه یاخان یِر

یتمیش ایکی قربانه مِنا دور بو بیابان
هر تک تکی دین اوسته وِیرر جان باجی عطشان
قربان لاریم ایچره ولی وار بیر قوزی قربان
چون سوز عطش دن یاناجاق لبلری زینب
آغلار قویاجاق عالمی نسگل لری زینب

صبح اولماسا بو ظلمه حقیقت عَلن اولماز
نخلِ ستم و جهل و جفا ریشه کن اولماز
گر سنده اسیر اولماسان الله دین اولماز
وِیر ال اله من له ای آنام نُور دوعینی
تا قوزیاق عالم ده باجی پرچم دینی

پایانه یتر شامی ده چون اَمر اسارت
قارداش سیز اوغول سوز ایده سن یثربه رجعت
من گیتمرم امّا وطن اولماز منه قسمت
گورسن دولانان یِرلریمی بیرده وطنده
وورما یوزه سیلی یِریمی خالی گورنده

ختم ایله (شعاع) طائر فکرون گینه آزدی
آغلاتدی قلم بسکه اسارت سوزی یازدی
آغلا دیمورم آغلاما بو غم مگر آزدی
بیر عمری دی اودلور اورگون آتش حسرت
چاتدی باشا عمر، اولمادی قبری سنه قسمت

• چهارشنبه
• 17
• شهریور
• 1400
• ساعت
• 23:03
• نوشته شده توسط
• یوسف اکبری

به سبک (من اومدم دوا بشه ،دردم )

زینب بورا قان جوش ایدن ، یردی
جَدّیم اوزی منه خبر ، ویردی
بیر گونده گورسَن مین غم و ، دردی
داریخما زینب

باشدان باشا محنتدی بو ، وادی
بوردا غم و درده دونَر ، شادی
کرب و بلا دی بو یرین ، آدی
داریخما زینب

آغلاما زینب آغلاما بَسدی ۳
آغلاما بَسدی

لیلا ایدر اکبر تِلین ، شانه
بوردا باتار جسمی قیزیل ، قانه
بولمم یخیلماقین دیوم ، یا نه
اوزون گورَرسَن

آغلار قالار اصغر گوزی ، زینب
رایج اولار دیلده سوزی ، زینب
اوچ پَر اوخون قالسین سوزی ، زینب
اوزون گورَرسَن

مندن باجی رُخصت آلار ، قاسم
امّا منی درده سالار ، قاسم
آتلار اَیاقیندا قالار ، قاسم
امان او گوندن

آیری دوشَر سَرلشکریم ، مَندن
ساق صولی توپراقه دوشَر ، تَندن
بِلیم سینار زینب بیله ، غَمدن
امان او گوندن

دوشنده من چوخور یره ، باری
زینب اوگون چوخ اِیْلمه ، زاری
قاچاندا سن مَقتلیمه ، ساری
دوزنمَرم من

قاچاندا سن بو گُلشنه ، خاطر
گَرَک دورام یرده سنه ، خاطر
یالوارما سَن شمره منه ، خاطر
دوزنمَرم من

غارتدن آه و اَلامان ، زینب
قیزلار چوله قاچان زمان ، زینب
خارِ مُغیلاندان اَمان ، زینب
ایشون چَتیندی

قول قولا باغلالا سیزی ، دشمن
آیری سالالا جَبریله ، مندن
قیزلارین انتظاری وار ، سَندن
ایشون چَتیندی

بوردا گَلر قانلار باجی ، جوشه
مزاریمی قوراللا شش ، گوشه
زائرلریم بوردان آلار ، توشه
غم یِمه زینب

غم یمه بیکَس قالاجاق ، زینب
قانیمی اوغلوم آلاجاق ، زینب
عالَمه لرزه سالاجاق ، زینب
غم یِمه زینب

• چهارشنبه
• 18
• مرداد
• 1402
• ساعت
• 01:27
• نوشته شده توسط
• یوسف اکبری

ای آنام فاطمه - یادگاری زینب

کربلایه چاتوب - غم قطاری زینب

کربلادی بو یر باجی - حاضر اول بلایه

ییغ بالالاری باشیوه - آغلا گل نوایه

بو چولون زینبیم - چوخدی ماجراسی

باشه گلمز سنون - باشیوین بلاسی

بوردا اهل کوفه منی - قانیمه بویاللار

خیمه‌گاهیمی یاندیروب - قیزلاری سویاللار

بوردا عباسیمون - قوللارین سالالار

الده نیزه قلج - دوره‌سین آلالار

قیزلارین بو غمده دونر - قانه گوزده اشگی

پرچمی یاتار ظلمیله - اوخلانار سو مشگی

حرمله ظلمیله - اود وورار جهانه

ایلیر اصغری - بیر اوخا نشانه

اوخ نه اوخ باجی اوچ پر اوخ - کیم دوزر بو درده

بیله ظلمه طاقت اولار - هانسی سود امرده

سن شریک بلاسن - حسینه زینب

قویما مندن صورا - خوار اولا بو مکتب

سن حسین آچان مکتبین - پرچمین دولاندیر

خلقی خواب غفلتدن - سعی ایله اویاندیر

هر غمه صبر ایله - ای وفالی زینب

سنده چون واردی - زهرا خصالی زینب

باغ عمرومه غم یمه - باد ظلم اسیلسون

بیعت ایتمرم ظالمه - اللریم کسیلسون

بوردا من ایتمیشم - بیر عهد و پیمان

قانیم آخسون سو تک - جان ویرم سوسوزدان

شمری سن گورنده چکور - خنجرینی قوخما

باشیمی کسنده منیم - قتلگاهه باخما

آغلاما ایلیوم - بیر غمه اشاره

جسمیمون یاره‌سی - گلمز شماره

بو چوخور مکاندا باجی - سن‌منی گورنده

نه الیم بیلکده اولار - نه باشیم بدنده

بو چولی قانیم ایلر - گوزل گلستان

هر مریضه اولار - تربتینده درمان

بو بلالی چولده گرک - مقصده چاتام من

اصغری آلام سینمه - قبریده یاتام‌من

یا حسین کربلا - سنله کربلادی

"اکرمی" درگهونده - سنون گدادی

دردمندیوم لطف ایله - دردیمه دوا ویر

ایسته قبریوه یا حسین - روحیمه صفا ویر

• سه شنبه
• 10
• فروردین
• 1400
• ساعت
• 12:01
• نوشته شده توسط
• یوسف اکبری

ویر خبر قارداش دایانسون بو غریبون کاروانی
اندیرون یکسر بو یرده عترت آل عبانی

کربلا چوخ باصفا دور
کربلا کوی وفا دور
شیعه‌نین ورد زبانی
کربلا دور کربلا دور

گرچی قربانگاه اصلی روز ازلدن منا دور
بو یرون وار اختصاصی منبع فیض خدا دور
طور سینا دور بو صحرا یا دیار کربلا دور
دولدوروب صوت اناالحق بو دیار غم فزانی

وار خلیلون افتخاری بیر فدا کسدی مناده
من گرگ یتمیش ایکی قربان ویرم بو نینواده
بو هوای عشقیله باشیم گزر نوک جداده
زینبیم اَرِنی دینده سسلرم من لَن ترانی

بو همان یردور که جدّیم ایلیوب اوّلده اعلان
سویولون باغلار یوزیمه ظلم الیله آل سفیان
اصغریم قنداق ایچینده اوخلانار عطشان ویرر جان
سرخ رنگ ایلر بوغازیندن آخان قان آسمانی

زینبه بولدورمه قارداش یتمشوخ کرب و بلایه
گر ایشیدسه نینوا آدین گلر نی تک نوایه
چون بولور گوگلی بویرده توش اولار تیر بلایه
قولّارین باغلار اراذل اوج ایدر عرشه فغانی

سینمه دشمن بو چولده داغی داغ اوستن چکللر
سن کیمی قارداش غمینده قدیمی قارداش بوکللر
حقی اثبات ایتماق اوسته قانمی ناحق توکللر
خانه ویران ایلر اعدا خاندان مصطفانی

بو همان یردی کی دویماز زینبیم آه و نوادن
باشیمی لب تشنه آخر ذبح ایدر قاتل قفادن
سینم اوسته سینه داغلار ساچ یولار زینب وفادن
سولدورار باد مخالف بو صفالی گلستانی

مایلم قالسون قوم اوسته قانلی نعشیم با حقارت
ایلسون باشیم جداده، آیه‌ی کهفی تلاوت
تا جزاده شامل اولسون حالمه اذن شفاعت
تا چکم اوتدان کناره آغلیانی آغلادانی

کربلا چوخ باصفا دور
کربلای کوی وفا دور
شیعه‌نین ورد زبانی
کربلا دور کربلا دور

• یکشنبه
• 9
• خرداد
• 1400
• ساعت
• 21:12
• نوشته شده توسط
• یوسف اکبری

منی عفو ایله گتردوم
سنی بو دیاره زینب
بو بلالی چولده سالدیم
غم بی شماره زینب

نه دیوم سنه گورورسن
که بو چول نه غم فزادی
پوزولور منیمده حالیم
دیلیمه گلنده آدی
خبر آلمشام دیوبلر
بو بلاد کربلادی
بولورم کفایت ایلر
سنه بیر اشاره زینب

گل یاسی گلستانه
دیمه خار ایدوبدی دعوت
بو بش اون گونین قوناقین
او بهار ایدوبدی دعوت
منی وعده گاه یاره
خود یار ایدوبدی دعوت
گیدورم حضور پاک
حق کردگاره زینب

گوروسن گوتورلنبدور
بشریتین حجابی
اولوب اوزگه لر نصیبی
هر آچان گلین گلابی
اوزومه وظیفه بولدوم
بو ثمرلی انقلابی
ستم یزید ظالم
اولوب آشکاره زینب

اوز ایشیمده من صدیقم
ایشیمه صداقتیم وار
یخارام بنای ظلمی
اونا استقامتیم وار
دیلیمی عدو کسنمز
نقدر که طاقتیم وار
وارام ایلسه قلجلار
منی پاره پاره زینب

بو بلا چولونده قسمت
اولاجاق منه شهادت
تاپا بولمز هرکس آخر
بو شهادته سعادت
سنه ده اسارت اولسا
باجی ایله استقامت
یازیلان مقدراته
دیمه واردی چاره زینب

بو چوخور مکاندا بیله
قورولوبدی خیمه گاهیم
یغشبلا جان و دلدن
باشیما بو کم سپاهیم
بولورم حق تعالی
اولاجاق منیم پناهیم
بیزه عهد نامه میزده
اولونوب اشاره زینب

اوزوم عهد باغلامشدیم
من ازلده قرآنیملان
ایلیوم نمازی احیا
یره نشر اولان قانیملان
که جفائیلن النلر
دیریلر چیخان جانیملان
یرینه حیات مطلق
قییدر دوباره زینب

من او رهنمایم الده
عَلم هدایتیم وار
اوزوم آیت خدایم
اوزومونده آیتیم وار
هله حشر اولونجا بوندان
بویانا حکایتیم وار
اونی پخش ایدر "امینی"
هامی روزگاره زینب

• شنبه
• 23
• مرداد
• 1400
• ساعت
• 16:47
• نوشته شده توسط
• یوسف اکبری

صحرای عشقه قویدی قدم پادشاه عشق
خلوتسرای یاره تاپوب شاهراه عشق
.
شه مرکبی قدم قدمیندن گوتورمدی
مبهوت اولوب او حاله سراسر سپاه عشق
.
قوندی غبار غم رخ شمس امامته
دوشدی خفایه تیره لنوب مهر و ماه عشق
.
امر ایلدی کجاوه لری یندرون تمام
بو دشت غم فزاده وورون بارگاه عشق
.
بو حالی گوردی زینب علیا مکرّمه
چکدی درون دلدن او مظلومه آه عشق
.
عرض ایلدی بو یرده نزول ایلمه حسین
غرق ایلر اهل عشقی بو یرده میاه عشق
.
قان قان دیور بو دشت و بیابان پر خطر
قورخوم بودور بو یرده اولا محو جاه عشق
.
لرزاندی برگ بید تک اطفال مه لقا
وحشتده دور حرملرون ای دادخواه عشق
.
بو یرده سن شهید اولوسان منده دستگیر
حتمی بیر امردور بون

• دوشنبه
• 21
• مرداد
• 1398
• ساعت
• 11:52
• نوشته شده توسط
• ابوالفضل عابدی پور

من یتیشدیم مقصده بو یرده مأوا ایلرم
جانمی جانانیلن بو چولده سودا ایلرم

بو زمین کربلادی توپرا قوندا جذبه وار
یار و انصاریمله من بویرده سکنا ایلرم

من بو دشتی عشقیمیله ایلرم بازار عشق
منزل آخردی بوردا خیمه بر پا ایلرم

حَجّیمی تکمیل ایدم یتمیش ایکی قربان واریم
ذبح اعظم قانینه بو دشتی دریا ایلرم

دست بیعت ویرمرم ویررم بو یرده باشیمی
نقشیمی قرآن و دینه یاخشی ایفا ایلرم

دشمنیم ایستر منی گورسون خمیده قد باجی
من خمیده قدیمی آلله یانوندا ایلرم

ماسواللهدن گچوب باش اگمرم ظالم لره
مو به مو قرآنون حکمون بوردا اجرا ایلرم

قبل عاشورا باجی جمع ایلرم یارانیمی
بی وفانی با وفادن فعله منها ایلرم

تا اولا اتمام حجت من امام بر حقم
من کیمون نسلیندنم قومه هویدا ایلرم

سویلرم احمدی جدیم حیدر کرار آتام
کیم آنامدی فاطمه هم ذکر زهرا ایلرم

اصغری آللام قوجاقه الده بیرقران دوتوب
روبرو دشمنله اوللام سو تمنا ایلرم

سو ویرولمز لیک آتاردین دشمنی تیرسه پر
شیرخواریم جان ویرر منده تماشا ایلرم

جان ویرن لحظه گولر گویا دیر ممنون بابا
من دوزوم لفظین جهانه اوردا معنا ایلرم

بیرگلستان گل گتوردوم بوردا پرپر اولماقا
هرگولوم قربان دین غنچمده غوغا ایلرم

بو یرین توپراقینا قانیم منیم ارزش ویرر
دردمندانه بو یرده من مداوا ایلرم

«عدلی» تک کیم گلسه خدمت ایتماقا درگاهیمه
دفتر عشقه آدین من ثبت و امضا ایلرم

• سه شنبه
• 11
• آذر
• 1399
• ساعت
• 22:44
• نوشته شده توسط
• یوسف اکبری

کربلا/ای غملی صحرا/عزیزِ زهرا
سنه قوناقدی

قافله/یولدان گلوبدی/دیلدن دوشوبدی
چوخی اوشاقدی

پیشواز/ایله بولاردان
ویِر اوزون/سَرین سولاردان
سَن دریغ/ ایتمه فَراتی
نچه گون / بو آهولاردان

سوسوزدان یاناللار/یانوب اوتلاناللار
سویی باغلیَن گونده دشمن

چخار عرشه ناله/یانار شیرخواره
آناسی دییَر کوسمه مندن

قوناقه حُرمت لازمدی
باخ گور بولار کیمدی
ای قانه باتان صحرا

بولار آلِ پیغَمبردی
عزیزِ حیدردی
ای قانه باتان صحرا

وای کربلا کرب و بلا

کربلا /ای وادیِ خون /ایتدون چو مجنون
اهلِ ولانی

هر زمان/آدون گَلَنده /سَندن دییَنده
چیخار فغانی

باشدا وار /شوقِ زیارت
نه اولار /اولیدی قسمت
اربعین /گَلینجه ارباب
بیزلره /یازییدی دعوت

بیزه یازسا دعوت/ اوشاهِ ولایت
اورکده اونا چوخ سوزوم وار

گیدیدیم پیاده /او کوی بلاده
منیمده او یولدا گوزوم وار

حَرم عشقیندن بیمارم
گورسِیدیم زَوّارم
ای قانه باتان صحرا

سینیق قلبیمی داغلارام
عشقوندن آغلارام
ای قانه باتان صحرا

وای کربلا کرب و بلا

• جمعه
• 22
• اسفند
• 1399
• ساعت
• 15:02
• نوشته شده توسط
• یوسف اکبری

ای بلاکش زمانه
کربلایه خوش گلوبسن
تیر محنته نشان
کربلایه خوش گلوبسن

گرچه باشیوی بویئرده
غم سالار بلایه زینب
عزتون گئدر الیندن
ایلمه گلایه زینب
ابر غم سالار بلالی
باشین اوسته سایه زینب

گلمه ناله و فغانه
کربلایه خوش گلوبسن

بوردا دور طریق عشقین
غملی شاه راهی زینب
قور بو دشت پر بلاده
غملی خیمه گاهی زینب
غم سالار محاقه بوردا
غملی مهر و ماهی زینب

ناله سالما آسمانه
کربلایه خوش گلوبسن

وار بو دشت پر بلانین
غملی غملی ماجراسی
چوخدی آل بو ترابین
بوردا باشینین بلاسی
دشت غمدی ابتداسی
بحر غمدی انتهاسی

دوءز بلایه عاشقانه
کربلایه خوش گلوبسن

• چهارشنبه
• 9
• تیر
• 1400
• ساعت
• 13:33
• نوشته شده توسط
• یوسف اکبری

سال وفالی قارداش _ لنگه کاروانی
تاپدی عشقون اهلی _ شهر کربلانی

بو مکان دیار _ کربلادی قارداش
کربلای اهل _ ابتلادی قارداش
چون بلا نصیب _ للولادی قارداش
بو مکاندا گورّم _ عزم لامکانی

حسرتین چکردیم _ بو یرون نه مدت
بسکی پایبندم _ عهدیمه به شدّت
شکر اولا اورکدن _ زایل اولدی حسرت
تاپدی اهل معنا _ روز امتحانی

ای منیم وزیریم _ ای وفالی شیریم
مهربان بردار _ یار و دستگیریم
سویله دایر اولسون _ دفتر و دبیریم
بیز بو شهرون اولدوخ _ جمله میهمانی

آلتی آی دولاندوخ _ دشت غم فزاده
وعده گاه عشقه _ گلمشوک جهاده
اکبریم خیامه _ حمل اولار عباده
دوغرانان وجودی _ لیلینون جوانی

خوش گلور مذاقه _ بو یرون هواسی
قاسم اللرینده _ قان اولار حناسی
طوی اطاقی غارت _ هم اولار اساسی
جان وئرر بالام تک _ قارداشیم نشانی

اوخلانار ربابون _ صودامر بالاسی
خیمه سینده آغلار _ بینوا آناسی
چیخماز آشکاره _ چوخدی چون حیاسی
سیل اشکی باغلار _ گول یوزه نهانی

چوخ ائشتموشیدیم _ جدّ اطهریمدن
وصف بو مکانی _ روح پروریمدن
یاد ائدیب اوپردی _ گاهی حنجریمدن
گاهی لبلریمدن _ شرح ائدن زمانی

خیمه لر قورولسون _ بیر چوخور مکاندا
قالسون اوردا بلکه _ عترتیم اماندا
قانه من باتاندا _ قورخولی زماندا
گورمسون رقیّه _ شمر بی حیانی

دور خیمه گاهی _ حفر ائدون سراسر
یول قویون فراره _ قزلارا برادر
حمله ور اولاندا _ قوم شوم کافر
عترتیم او یولدان _ تاپسون الامانی

بوردا آفتاب _ دین دوشر کسوفه
توش اولار وجودیم _ نیزه و سیوفه
باشیمی کسللر _ دالدان اهل کوفه
آسمانه قالخار _ زینبون فغانی

بیل بو سرّی سنده _ ای وفالی قارداش
زیندن دوشرسن _ باش یارالی قارداش
نهرون اوسته تندن _ قول آرالی قارداش
اللی لر یخالّار _ تشنه قهرمانی

بو فنا جهاندا _ اون گون عمرمیز وار
اون بیر محرّم _ ناله عرشه قالخار
باشیم اوسته زینب _ جان دیوب قان آغلار
وای دیر حسینیم _ آغلادار جهانی

ای "صفا" یازاندا _ نوحه هر مکاندا
غسلی قان حسیندن _ قیل کمک تقاضا
توک عذاره اشکون _ شعرون ایله افشا
سنده اول حسینون _ غملی نوحه خوانی

بو حسین دوای درد عاشقاندی
دفن اولوب کفنسیز زینت جناندی
غسل ائدیب ملکلر لیک غسلی قاندی
سرور شهیدان اولدی جاودانی

• دوشنبه
• 4
• مرداد
• 1400
• ساعت
• 16:34
• نوشته شده توسط
• یوسف اکبری

قارداش بو نئجه یئردی ائله سرّینی اعلان
گل تک سارالان رنگوه زینب اولا قربان
.
.
آگاه ائله ای خسرو خوبان منی بیر سن
علت ندی سولدی گل ئوزون غصّه و غمدن
قیل زینبه گیزلین سؤزوی لطفیله روشن
گؤدوقجا جمالون اولورام زار و پریشان
.
.
آیا بو نئجه یئردی دلیم آهیله دولدی
صبریم تالانوب طاقت و تابیم هدر اولدی
حالون نیه قارداش پؤزولوبدی سنه نولدی
باخدوقجا ابوالفصله اولورسان بیله گریان
.
.
گاهی باخوسان قیزلارا حیران نیه قارداش
گاهی باخوسان اکبره گؤزدن توکوسن یاش
گه گؤز تیکیسن قاسمه باجون ئوله ای کاش
سرّین بو یئرین ایله بیان ایلمه پنهان
.
.
گاهی باخوسان اصغر شش ماهیه ساری
یوخ قلبوین آری گؤرورم صبر و قراری
گؤزیا

• سه شنبه
• 15
• مرداد
• 1398
• ساعت
• 09:44
• نوشته شده توسط
• ابوالفضل عابدی پور

در سبک: اوغول علی آغلاما یات سنده یانموسان منده

یتوشدوخ بیز کوی دلداره،گئتمیون دورون قارداش
چوخور یرده آل طاهانین,خیمه‌سین ویرون قارداش

من بو یرده من ائیلرم معنا،آیه‌ی فدینانی
دل صدپارمده یِر وئرّرم,خنجر اوسته پیکانی
آخار سو تک بو بیابانه,اکبر قیزل قانی
نشان وئرم عشقمی یاره،گئتمویون دورون قارداش

گرک بیربیر قهرمانلاریم,منله امتحان وئرسین
علی‌اکبر لیلیه عشقین،اؤلمه‌میش نشان وئرسین
علی‌اصغر اللریم اوسته ,تشنه خسته جان وئرسین
دئسون حق احسن بو ایثاره,گئتمویون دورون قارداش

گرک قیزلاریم بو صحراده اوچ گجه سوسوز قالسون
باخوب نهره تشنه اطفالیم العطش دئسون یانسون
آنام درگاهی کیمی خیمه‌م,کربلاده اودلانسون
اولان اولدی آل‌اطهاره,گئتمویون دورون قارداش

گرک چیخسون تلّیدن عرشه زینبون اوگون آهی
باجیم دوتسون خنجرِ شمری,جان وئرنده دلخواهی
یانا ظلمیله بو صحراده نصف شبله خرگاهی
گزه بو صحرانی آواره,گئتمویون دورون قارداش

عمود آهنله گرک بولسون باشیوی سنین نوفل
نه سالم قالسون وجودینده,یاغ گوزون, نه باش نه ال
گرک باشین ال ب ال گزسین,نضهضتیم اولا اکمل
بو تقدیره یوخ داخی چاره گئتمویون دورون قارداش

یاتار اوخلار پیکریم اوسته،یارسین سایان اولماز
قالار جسمیم آت ایاقینده سینه‌دن نشان اولماز
اولار غارت خیردا بارماغیم بئله ساربان اولماز
اولا لعنت قوم کفّاره گئتمویون دورون قارداش

"فقیره" لطف اولدی بو مطلب روز جشن طاهاده
سن آگهسن قلبینه قارداش,باخبردی زهراده
یورولدی بیر عدّه ملتدن,بو جفالی دنیاده
اولوب قلبی غصه‌دن یاره,گئتمویون دورون قارداش

• دوشنبه
• 4
• اسفند
• 1399
• ساعت
• 23:06
• نوشته شده توسط
• یوسف اکبری

بودشت غم فضا باجی زینب
دیلدکی مقصوده چاتان یردی
کرب و بلادی بورا زینب جان
قارداش لارون قانه باتان یردی

توپراقی قانیله اولار الوان
بوردا جوان لار گچه جاخ باشدان
ال اوزجاخ سان باجی گوز یاشلی
سنده ابالفظل کیمی قارداش دان

بله گلمه نوایه سن
باجی خوش گلدون کربلایه سن

ورون خبر وفالی عباسه
چادیرلاری قورون چوخور یرده
یانار بوچولده خیمه لر زینب
سالار شکسته قلبیمی درده
آنا لارا دیون اوشاخ لارین
دویونجا زلفونه وورا شانه
کی نچه گون صورا جفایله
بالالارین بویالار القانه

بله گلمه نوایه سن
باجی خوش گلدون کربلایه سن

فراته باخ آخور چوله ایندی
نسیمی خوش گلیر بَلی زینب
سو مایه ی حیاتی دی امّا
ربابی یاندیرار ولی زینب
سپاه کوفه ظلمیله بوردا
راه فراتی باغلیر زینب
اناسی گورسه صود امر دوزمور
الین قماطه باغلیر زینب

بله گلمه نوایه سن
باجی خوش گلدون کربلایه سن

دوشر ترابه قاسمیم اوردا
ورق ورق دوراناجاخ اکبر
کمک لریم باتالارالقانه
الیم ده اوخلانار علی اصغر
بیر مشک سودان اوتری دشمن لر
کسله یولارین ابولفظلین
قالار بوچولده بیکس و تنها
سالالار قولارین ابولفظلین

بیله گلمه نوایه سن
باجی خوش گلدون کربلایه سن

او تَلّه باخ یادونداساخلا وار
چوخ ماجراسی زینبیم صبرایت
من اوردا سندن آیریلان دمده
دایانماخیمه سمتینه تز گئت
چوخور یره باخان زمان اوردان
آزقلبیوی کباب ایله زینب
بیرشمراولاندا بیر منِ (بیکَس)
یالوارما شمره تاب ایله زینب

بله گلمه نوایه سن
باجی خوش گلدون کربلایه سن

• جمعه
• 22
• اسفند
• 1399
• ساعت
• 15:07
• نوشته شده توسط
• یوسف اکبری

چون قدم قویدون بو دشت کربلایه زینبا
گئت اوزون ایله مهیا سن بلایه زینبا

بو یره حسرت چکور اُول وادی ایمن باجی
عاقبت قارداشیوه خاکی اولار مدفن باجی
سن ائدرسن شامی من بو توپراقی مسکن باجی
روز ازّل وئرمیشوخ سوز کبریایه زینبا

بو بلالی چولده افسرده ائده لّر حالیمی
سندراللار ای باجی ظلمیله پرّ و بالیمی
چوخ زمان گئچمز ائده لّر جاری اشک آلیمی
گوزلریم حسرت قالار آل عبایه زینبا

گرچه سن زهرا کیمی بانوی اعظمسن باجی
لیک بو چولده منه هم راز و همدمسن باجی
من گرک آگاه ائدم اسراره ، محرمسن باجی
صبر ایله دلدن رضا اول هر قضایه زینبا

اکبریم بو چولده زینب قانینه غلطان اولار
اصغریم اما دچار ناوک پیکان اولار
قارداشیم عباسه ده نهر اوسته بیر طوفان اولار
باشی ظلمیله گئدر نوک جدایه زینبا

ال تاپار آل رسوله فرقه سفیانیان
خاندان مصطفانی ایلیر بی خانمان
کوفه ده فرمان یازوبلار قتلیمه ، بو کوفیان
ئولدوروب بیر اود ساللار کربلایه زینبا

مقتل ایچره شمری گورسن چون توکور گوزیاشمی
خنجره آتما الون گوزله کسنده باشمی
یاندیرار آخر بو غمده باجی آل هاشمی
بیرده یالوارما او شمر بی حیایه زینبا

غارت اخیامیده زینب اولار بیر کشمکش
قیزلاریمدان اوج ائدر عرشه صدای العطش
جان وئرر اول حالیده مخیمده بیر جوت غنچه وش
ظلم اولار بو چولده آل مصطفایه زینبا

بیرده « شیدا » یه نظر ایله یازاندا خامه سی
حشریده تائید اولا لطفیله بلکه نامه سی
گرچه واردور اول چتین گونده بویوک هنگامه سی
لطف ایله قویما گله آه و نوایه زینبا

• جمعه
• 8
• مرداد
• 1400
• ساعت
• 11:14
• نوشته شده توسط
• یوسف اکبری