ای جماعت بو علی یار و معینمدور منیم
وارثیم قائم مقامیم جانشینمدور منیم
.
.
بوعلی بن ابی طالبدی شیر کردگار
ایلیوب شأننده نازل حضرت پروردگار
لافتا الأعلى لاسیف الا ذوالفقار
صاحب تیغ دوسر نور دو عینمدور منیم
.
.
سُرعتیله نازل اولدی پیک خلاق جلیل
گتدی فرمان همایون جلیلی جبرئیل
ایلیم ظاهر بوگون مندن صورا کیمدی دلیل
جانشینیم هادی دین مبینمدور منیم
.
.
هر کیمون مولاسییم من ای گروه مسلمین
بوعلی مولاسیدور مطلق امیرالمؤمنین
جانشینمدور وصیّیم وارث علم یقین
مظهر ذات خدای عالمینمدور منیم
.
.
بوعلیدور محرم بزم حریم کبریا
عالم علم لدنّی ماسوایه مقتدا
نعمت دینی ایدن تکمیل امام پیشوا
من امینم بو علی حقدن أمینمدور منیم
.
.
بوعلینی ایستین ایستر خدای عالمی
روز محشرده جهنمدن اونون اولماز غمی
دشمنیمدور دشمنی نار سقردور همدمی
حشرده صاحب لوای حمد دینمدور منیم
.
.
تاجدار هل أتی شاه ولایتدور على
روز محشر ناظر اعمال اُمّتدور على
ساقی کوثر قسیم نار و جنتدور على
هر ایکی دنیاده بو یار و معینمدور منیم
.
.
گریز اصغریه شهادت
.
بیر علیدی بو ال اوسته آلدى شمس مشرقین
گون کیمی ویردی نشان خلقه رسول عالمین
بیر علیده کربلاده اللری اوسته حسین
گتدی میدانه دیدی بو نازنینیمدور منیم
.
.
ایچمیوب سو اوچ گیجه گوندوزدی ایقوم ظلام
اللریم اوسته یانور سوز عطشدن بو بالام
حالیمی حالی پوزوب صبحیم اولوب بوچولده شام
دلدن عرشه اوج ایدن بو آه واهیمدور منیم
.
.
نه روا دریا کیمی آخسون فراتی چوللره
اولماسون بیر شربه قسمت اهلبیت حیدره
عترت ساقی حوض کوثر عطشان جان ویره
بو سوسوزلار اهلبیت دل حزینمدور منیم
.
.
رحم ایدون ایندی ویرون بو طفله سیز بیر شر به سو
قویمیون ئولسون سوسوزدان ای گروه کینه جو
آلتی آیلوق سود امردور نسل پیغمبردی بو
موجب فریاد و داد و شور و شینیم دور منیم
.
.
اللریم اوسته یاخوندورجان ویره عطشاندی چوخ
ایتمیوبدوراوچ گیجه گوندوزدی خواب آرامی یوخ
یوخدی امکانوز سویا باری ورون اوچ شعبه اوخ
اوخلانور تشنه ألیم اوسته یقینمدور منیم
.
.
یا حسین «صحاف» زارم درد غمدور همدمیم
جان ویرنده باشیم اوسته حاضر اولسان یوخ غمیم
خرمن عشقونده شاها وار بیر اوزگه عالمیم
صون نفس بسدور دیسن بو خوشه چینمدور منیم
- سه شنبه
- 8
- مرداد
- 1398
- ساعت
- 12:17
- نوشته شده توسط
- ابوالفضل عابدی پور
- شاعر:
-
حاج محمد حسین جنتی مقام
ارسال دیدگاه