اهل عالم من غلام آستان حیدرم
عبد بی نام و نشان پهلوان خیبرم
درد بی درمانه دوشسم حیدر آدین سسلرم
بیر زماندور فقر و فحشا دهریده گسترده دی
شاکلید رفع ذلت ذکر یا حیدر ده دی
.
.
شاهکار خلقت الله و اکبر دور علی
تاج فرق ساکنان عرش داور دور علی
اولین عشق رسول الله آخر دور علی
گوز آچان گوندن اولوب عاشقلرون سردسته سی
آسمان بی ستونه پایه دور گلدسته سی
.
.
من ولای حیدری هفت آسمانه ویرمرم
گردوخاک تربتون قصر جنانه ویر مرم
نوکرم بو منصبی تخت شهانه ویرمرم
حیدرون شانینده تنها بسدی بو زیبا شعار
لا فتی الا علی لاسیف الا ذوالفقار
.
.
کیمدی حیدر شانینی گویده ملک لردن سوروش
اعتبار و عزتون چرخ و فلک لردن سوروش
حدّ و مرز بخششون خالی اتک لردن سوروش
یاعلی مستضعفان عالمون فریادیدی
چلچراغ روضه جنت علینون آدیدی
.
.
آند اولا ختم رسولان ، رحمت اقیانوسینه
آند اولا محبوبه ی حق ، حیدرون ناموسینه
آند اولا صاحب زمانه جنتون طاووسیونه
شهریار شهره ی شهر شرافت دور علی
صبح محشر پای میزاندا کفایتدور علی
.
.
چوخلاری بعد از پیمبر حیدری تک قویدولار
حقی ناحق ایلیوب بیر تازه مسلک قویدولار
سینه ی زهراده مسماریله مدرک قویدولار
ارزشون حفظ ایله دوران دوره ی بدعهدیدی
یا علی مفهوم بیعت با امام مهدیدی .....
.
.
- سه شنبه
- 8
- مرداد
- 1398
- ساعت
- 13:51
- نوشته شده توسط
- ابوالفضل عابدی پور
- شاعر:
-
مرتضی اسکندری
ارسال دیدگاه