غدیر خمّدی بو جشنی چوخ معظّم سای
بو عیده عالم اسلامیده محال اولا تای
.
رسول اکرمه نازل اولوبدی روح الامین
بو سرّی عرض ایلدی ساخلاما نهان ایل آی
.
پیمبر ایلدی تکمیل اوز رسالتینی
که آختاروردی بیله بیر گونی او هر ایل آی
.
علینی آلدی ال اوسته ویروب نشان خلقه
بودور بویوردی سپهر ولایته بیر آی
.
وصیّ دور منه، هرکیم خوشا علینی سویه
او کس که سویمیه احوالینه اونون ایوای
.
خدا سویوب بونی هر حیثیدن گوزل یارادوب
ویروب خلایقه دنیا بویی ولیّینی پای
.
اولار که اولماسا تابع علی ولایتینه
ویرر علینی الیندن، صورا دیر ایوای
.
خدا علیدن اوتور خلق ایدوبدی ماخلقی
اگر علومیده دریا اولام، علی اولی چای
.
بونون عدالتی بیر کسده اولمیوب اولماز
بو حکم ایلسه، باخماز بو شهدی یا که گدای
.
پیمبرین الی اوستونده تا علینی گوروب
دیوبله گور نه گوزل خلق ایدوبدی بنده خدای
.
بو سوزلری ایشیدنلر رسول اکرمدن
دیوبله بیر بیره تبریک، دوتدی هر یری های
.
پیمبر ایلدی دستور کردگاره عمل
یتوردی اکمله احکام دینی جای به جای
.
اولار که ساتدیلار ایمان لارین، یالان دیدیلر
ایدوبله خانه نشین، حقّینی آلوبلا هرای
.
علی محبّتی واردور #امینی قلبونده
سنه توجّه ایدر، ناله ایلمه چون نای
.
گیدنده کرب و بلایه حسین قبرینه باخ
قولاقیوه دوز ایشیتسن گلر بالام لایلای
.
بو سوزلره گوره الله گیچر گناهوندان
کتاب ایله، قالالّار بیر طرفده لای به لای
.
علی فضائلی هاردا دیولسه شرکت ایله
ولی ادبله گیدنده او مجلسه قوی پای
.
اگر واروندی خیالون بو نوحه لر قالسین
الونده یازدیقون اشعاری نوحه خوانلارا یای
.
- چهارشنبه
- 9
- مرداد
- 1398
- ساعت
- 11:56
- نوشته شده توسط
- ابوالفضل عابدی پور
- شاعر:
-
مجید امینی
ارسال دیدگاه