ارغوان مِی جوش ائدر میناده سسلر یاعلی
شور عشق اولسا قدحده باده سسلریاعلی
.
شاهد وشمع وشراب ومجمرو تسبیح وعود
پیرِ دیر و ساجد و سجّاده سسلر یاعلی
.
گودِ میدانِ فتوّت ده نه تنها پهلوان
بلکه ضرب و مرشد و کبّاده سسلر یاعلی
.
فرشیان یئرلرده،عرشین اهلی طاق عرشیده
چشمه صحراده بالیق دریاده سسلر یاعلی
.
گون فلقدن تا شفق،اولدوز مَسادن تا غسق
آی باتاندا لیلۀ یلداده سسلر یاعلی
.
عالم معنا علی نین آدینه معنا تاپوب
معنوی لر عالم معناده سسلر یاعلی
.
امِّ هانی منزلیندن شهپر معراج آچان
ختم مرسل لَیلة الاسراده سسلر یاعلی
.
قیس،تامجنون اولوبدورعشق لیلادن؛گوروب
گر جنونِ عشق اولا لیلاده سسلر یاعلی
.
ایستسه موسی جواب˝لن ترانی گلمسین
جای اَرنی وادی سیناده سسلر یاعلی
.
کعبه دن چرخ چهارمده وئروب عیسایه دم
تا قیامت عرشیده عیساده سسلر یاعلی
.
بولمیوب؛هجران یارالدار یوسفین رۆیالری
بولسه یعقوب هرگئجه رویاده سسلر یاعلی
.
تک نه خضرونوح وعیسادوربوآدی سسلین
هاجر و آسیّه و ساراده سسلر یاعلی
.
عبدودلر یا کی مرحب لر ندن آتدان دوشوب
وار دلیلی چون علی دعواده سسلر یاعلی
.
دیل دگور تنها علی نین آدینی ذکر ایلین
عاشق اولسان تک به تک اعضاده سسلریاعلی
.
درده دوشجاق،تک احبّا سسلمز مولا آدون
قالسا مشکلده خود اعداده سسلر یاعلی
.
تا قویوب باشه تولا تاجینی یوم غدیر
عرش وفرش اهلی همان اثناده سسلریاعلی
.
قوزیاندا اللرین مولامیزین ختم رسل
اوّل و ثانی همان صحراده سسلر یاعلی
.
بی حیالر قوردولار اما سقیفه مجلسین
گلمیوب اوردان ولی فریاده سسلر؛یاعلی
.
اود وُروبلارباغبانسیزباغه اوچ یوزناکیشی
اود دوتان گوللرهمان غوغاده سسلر یاعلی
.
قالسا مابین در و دیوار زهرا نیلیر ؟
محسنین امدادینه زهراده سسلر یاعلی
.
اذن حق اولسا «مُصیب» حالینه شامل اگر
جان وئرنده آنِ وانفساده سسلر یاعلی
- چهارشنبه
- 9
- مرداد
- 1398
- ساعت
- 12:9
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه