ای باقرالعلوم ؛ اولا جانلار فدا سنه
تقدیم اولا درود و سلام خدا سنه
.
ای سبط احمد ای گل گلزارمرتضی
الله ایدوبدی علمیله نورین عطا سنه
.
جدّون حسیندی ؛ زین العبادورآتان سنون
شامل ایدوبدی گورنجه لطفین خدا سنه
.
سن شهریار كشوردانش سن؛ امرایله
سقراطلر بو یولدا ایده اقتدا سنه
.
سن منبع كرامت واحسان و جودسان
اولموش هزار حاتم طایی گدا سنه
.
هركس تانورسنی ئورگین ویرمزئوزگیه
بیگانه اولدی غیریله ؛ هرآشنا سنه
.
مسموم ایدوب عدو سنی زهر جفاییله
گورسندی بیرده واقعة كربلا سنه
.
تأیید ایدوبدی بعضی موّرخ حضوروی
كرببلاده ؛ شیعه قورالاّر عزا سنه
.
اوچ گون سنونده لبلروه دیمیوبدی سو
شام اهلی ایلیوبله غریبه جفا سنه
.
.
گریز اصغری_شهادت
.
.
جانلار فدا حسینیله شش ماهه اصغره
اولموش بو ماجرا بیلورم برملا سنه
.
گلدی امام آلدی علینی ربابیدن
بیللم بویوردی سویگلی دوربوبالا سنه
.
امّا علینی دینه گرگ من فدا ویرم
چاتمیش رباب! نوبت هرابتلا سنه
.
گلدی دایاندی لشگرعدوانه روبرو
تأثیرایدوب دیدی بالا ایستی هوا سنه
.
اصغرداریخما حرمله سیراب ایدرسنی
بونان علاوه تشنه لیگ اولمازروا سنه
.
آغزیندا قالدی سوزآقانین؛قوپدی های هو
اصغر!! بوغمده آغلیوری ماسوا سنه
.
اوخ سیرایدورهواده یوموب گوزلرین حسین
قاتل ترحم ایلمدی هیچ بالا سنه
.
نازک بوغاز هارا بالا اوچ شعبه اوخ هارا
بیللم داخی بیله یارادان یوخ دوا سنه
.
گؤزلور یولون ننم اونی چوخ قویما ناگران
لایلای چالار بهشت ده اول باوفا سنه
.
قوی (آذرین) قرا یوزی اشكون تر ایلسون
شاید حسین شفاعت ایدنده باخا سنه
.
- دوشنبه
- 14
- مرداد
- 1398
- ساعت
- 13:7
- نوشته شده توسط
- ابوالفضل عابدی پور
- شاعر:
-
ودود آذرین خلخال
ارسال دیدگاه