جدون ویروب ظلمیله جان یا حجت الله
آغلار بو غمده شیعیان یا حجت الله
.
.
باشون صاق اولسون حضرت باقر غمینده
ای رهبر اسلامیان یا حجت الله
.
.
هشام بی دین جدیوون آرامین آلدی
ظلمیله جدون باقری زندانه سالدی
اوغلی اوزی بیر نچه گون محبسده قالدی
یوخ شرحینه تاب و توان یا حجت الله
.
.
ظاهرده زندانی اولوب گرچه او حضرت
باطنده اما ایلدی اسلامه خدمت
قوم مجوسی ایلدی حق دینه دعوت
اول پادشاه انس و جان یا حجت الله
.
.
عذر ایسترم عرض ایتماقا بو ماجرانی
عبدالملک احضار ایدوب اول پیشوانی
فاش ایلسون اوز دلده کی کین نهانی
ایتدی امامی باغری قان یا حجت الله
.
.
بیر زهرلی زین سالدیلار بیر مرکب اوسته
مجبور اولوب اگلماشاقا اول دل شکسته
زهرین شراریندن اولوب بیمار و خسته
بو حالتیله وئردی جان یا حجت الله
.
.
حان تاپشوران وقته گلوب نورس جوانی
گوردی آتاسین سلب اولوب تاب و توانی
غسلون وئروب قبره قویوب اول پیشوانی
ایلوبدی بلبل تک فغان یا حجت الله
.
.
واردور یری عالم گله فریاد و داده
عکس اولدی بو مطلب ندن کرب و بلاده
گتدی اوغول نعشین آتا بیرجه عباده
فریاده گلدی بانوان یا حجت الله
.
.
اولدی خیمده عالم محشر هویدا
عرشه اوجالدی وا علیا وا علیا
گلدی حرملر گلمه دی بیچاره لیلا
امر ایلدی شاه جهان یا حجت الله
.
.
قانلو جنازه اوستونه لیلاده گلسون
گورسون بالاسین شیوه و فریاده گلسون
سیر ائتماقا بو دوغرانان اجساده گلسون
بلبل کیمی ائتسون فغان یا حجت الله
.
.
سن تابع دینه شها ایله عنایت
آل محمد قبرینی ائتسین زیارت
بیرده خجالت اولماسین روز قیامت
اولسون یری باغ جنان یا حجت الله
- سه شنبه
- 15
- مرداد
- 1398
- ساعت
- 11:33
- نوشته شده توسط
- ابوالفضل عابدی پور
- شاعر:
-
محمد حسن تابع دین
ارسال دیدگاه