اولدی مندن دل دیوانه گریزان بوگئجه
وادی غمده دوشوب بی سر و سامان بوگئجه
.
یول گیدور دیلده امید تا گوروشه خاک بقیع
باش سالوب داغ داشا هم کوی و بیابان بوگئجه
.
گیدوری تا که گوره حجت حق باقر امام
پیکر پاکی هایاندا اولدی پنهان بوگئجه
ویروب الدن آتاسین صادق امام غصه لیدی
تسلیت ویرملیدی حالی پریشان بوگئجه
.
چوخ قرانلوقدی یاتان یرلری بی شمع وچراغ
تا ایده آه دلین شمع فروزان بوگئجه
.
گیدوری یاده سالا سّید سجّاد بالاسون
او مزاراوسته ایده آهیله افغان بوگئجه
.
سبط پیغمبری مسموم الیوب دست عدو
آناسی فاطمییه اوغلودی مهمان بوگئجه
.
زین اسب اوسته ویروب دی اثرین زهر جفا
عمرونه دست قضا یازدی کی پایان بو گئجه
.
صادق آل محمد دی ویرن نوحه سنه
آغلیه نوحه اوخی تا شه خوبان بو گئجه
.
«عدلیا» مرثیه وی تأیید ایدر چون شه دین
آغلیوب آغلادوسان راضی دی یزدان بو گئجه
.
- دوشنبه
- 14
- مرداد
- 1398
- ساعت
- 13:10
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه