واردی بو غدیر خمّین گونلر ایچره احترامی
بولدولر بو گون علیدور ماسواللهین امامی
.
.
خلقی ایلمیشدی دعوت دینینه رسول رحمت
آنلاموشدی واجبات دینی سر به سر جماعت
لیک قالمیشیدی پنهان امر نکتۀ امامت
بولمه میشدیلر رسولین کیمدی قائم مقامی
.
.
فکر ائدردی اولماساگر نکتۀ امامت اظهار
قوم کینه پرور ایلر بو امامت امرین انکار
انتظاریدی که اولسون صادر امر حیّ قهار
یتدی بو غدیر خمده مصطفایه حق پیامی
.
.
گتدی جبرئیل أكملت آیه سینی چوخ شتابان
مرتضا ولایتین تئز یا محمّد ایله اعلان
اولماسا بو امر اعلان دین تاپار کمال نقصان
امّته گرک دیولسون حق پیامی حق کلامی
.
.
نقص قالماسون گرکدور نکته رسالتیندن
اوز عم اوغلوین بو خلقی حالی ائت امامتیندن
حالی اولسون اهل عالم مرتضا ولایتیندن
ختم مرسلین او یرده باشه یغدی خاص و عامی
.
.
امر ایدوب همین او یرده ایتدیلر درست منبر
ایلدی صعود او دمده منبر اوستونه پیمبر
خطبۀ فصیح ایراد ایتدی اول حبیب داور
جمع اولانلارا یتوردی خطبه سینده حق مرامی
.
.
کمرین دوتوب علی نین تاجدار ملک بطحا
قوزادی او قدر گوردی مرتضانی پیر و برنا
سویله دی جهاندا مندن صونرا بیر علیدی مولا
فرض دور سیزه منیم تک بو علی نین احترامی
.
.
مرتضا منه جماعت یر یوزینده جانشین دور
هادی شریعت و دین پیشوای مسلمین دور
اهل عالمین امیری بو امیر مؤمنین دور
تقویت تاپار بونیله شرع احمدی قوامی
.
.
هم علی منه و صیدور هم ولی کبریادی
نفسوزه منیم تک اُولا بوعلی مرتضادی
خلقه واجب الاطاعه تاجدار هل اتادی
حقّینی دانان دانیب دور حقّ حی لا ینامی
.
.
گریز
.
.
مو به مو امامت امرین گرچه ایتدی کشف طاها
داندی بو امامت امرین مشرکین بیر گون امّا
اولدیلار حسینه یاغی دشت کربلاده اعدا
ئولدوروب تمام یارین یخدلار او مستظامی
.
.
سویلوب ای گروه جانی مصطفا منیم بابام دور
آفتاب چرخ عزّت مرتضا علی آتام دور
اولدوزام سپهر عصمت ماهی فاطمه آنام دور
روشن ایلیوبدی نوریم بو جهان نیلفامی
.
.
بیر بیله جفا و ظلمه نولموش ارتکاب ایدورسوز
وار نه علّتی بو قدری قتلیمه شتاب ایدورسوز
ئولدوروب پیمبر اوغلون دین ایوین خراب ایدورسوز
ایستوسوز که بر هم اولسون دین حقّین انتظامی
.
.
نامه لر یازوب ازلده ای گروه پست فطرت
سیز منی قوناق آدیله ایلدوز بو دشته دعوت
رسم میزبانلوق اما بوردا تاپدی عکس صورت
قتلیمه اولور مبدّل بو قوناقلیقین مقامی
.
.
پیكریم ویرور سو تک قان وورموسوز او قدر یاره
یوخ قیامه اختیاریم یاره وورمیون دوباره
دوشموشم داخی ایاقدان ال چکون گیدون کناره
ایتمیون بو قدر مظلوم، اهلِ کین، غریب امامی
.
.
ال چکون ای اهل کوفه سیز بو جلدی مُنکَمش دن
دلده مقصدوزدی قتلیم واقفم بو کشمکشدن
جان دوداقیمه یتوبدور ئوللم ایمدی من عطشدن
بیر نفردن اوتری نولموش ایلوسوز بو ازدحامی
.
.
سالموسوز داخی نفسدن سیز بو بی پناه و یاری
بیر بیله ندن وورورسوز بیر غریب زخم داری
رحم ایدون بو صون نفسده بیر ایچیم وئرون سو باری
ایتمیون قتیل تشنه، اهلِ کین، بو تشنه کامی
.
.
بو بلا چولونده لشگر نه وفالی یاوریم وار
عون و فضل و قاسمیم یوخ، نه علی اکبریم وار
قارداشیم گیدوب الیمدن، نه امیر لشگریم وار
پوزموسوز ای اهل کوفه بوردا منتظم قوامی
.
.
یوخ منیم آنام بو چولده دلدن اولموشام شکسته
یول ویرون وفالی زینب بیر گله بو باشیم اوسته
سینه مین گوروب یاراسین سینَه داغلیه او خسته
اوز آنام یرینده باری باغلاسون باجیم یارامی
.
.
آغلا «تائب» آغلا دائم توک یوزه سرشک حسرت
آغلا نوحه یاز همیشه ایله بو حسینه خدمت
ایسته قبرینی حسینین ایلسونله بلکه قسمت
سنده گیت یتور او شاهه شیعه گوندرن سلامی
.
- سه شنبه
- 15
- مرداد
- 1398
- ساعت
- 9:52
- نوشته شده توسط
- ابوالفضل عابدی پور
- شاعر:
-
صادق تائب
ارسال دیدگاه