یاران گئدون او یاره دیون گلمه سین بورا
یارین چکولّه داره دیون گلمه سین بورا
.
باد خزان اسور بو محبّتسیز ئولکه ده
یولدان گلن بهاره دیون گلمه سین بورا
.
دریا دوشوب یولا بو سوسوز ملّته گؤره
سرچشمه ی بِحاره دیون گلمه سین بورا
.
اوخلار بلالی باشیمه یاغدی یاغیش کیمی
دلدار اشکباره دیون گلمه سین بورا
.
بیعتده اللریمی ئوپنلر آتولاّ داش
آیینه وش نگاره دیون گلمه سین بورا
.
نامه یازان قلملر اولوب خارِ زهردار
باری او گلعذاره دیون گلمه سین بورا
.
گلمیشدی بیر زمان بورا شیرخدائیله
اُول سروره دوباره دیون گلمه سین بورا
.
قویسیدیلار گئدردیم اوزوم مکّیه طرف
یوخدور الیمده چاره دیون گلمه سین بورا
.
قربان گونون قاباقلیورام قربان اولماقا
مظلوم هشت و چاره دیون گلمه سین بورا
.
مردانه لیق بو شهریده اصلا تاپیلموری
عبّاس نامداره دیون گلمه سین بورا
.
چوخدور حسینِ فاطمه نین لطفی مسلمه
اما ووروبلا یاره دیون گلمه سین بورا
.
سالسین خدیجه نین باشینا معجر سیاه
گوندوز اولوبدی قاره دیون گلمه سین بورا
.
آهنگرانِ کوفه دوزه لدوب سه شعبه اوخ
یانینده شیرخواره دیون گلمه سین بورا
.
غارتچی چوخدی رحم ائلمزلر سکینیه
گوشینده گوشواره دیون گلمه سین بورا
.
«سیّدبشیر»ین اجرینی آلله وئرر اؤزی
سؤیلر دیلیمجه: یاره دیون گلمه سین بورا
.
- سه شنبه
- 15
- مرداد
- 1398
- ساعت
- 10:14
- نوشته شده توسط
- ابوالفضل عابدی پور
- شاعر:
-
سیدبشیر حسینی میانجی
ارسال دیدگاه