باخیرام هرطرفه محفل غم برپادی
بونه شورونه مصیبتدی بونه غوغادی
.
هامی بیرنوکره خاطر گینوب رخت قرا
باخیسان هریانا واحسرت و واویلادی
.
گرچه (منصوریه) خاطر قورولور بزم عزا
صاحب مجلسی معناده خانم زهرادی
.
اوتوزآلتی ایل آقاسین اوخشادی آلدی درجه
یاحسین سسله دی بیرعمر اوجالوب فریادی
.
خوش سنون حالیوه(منصوری)یتشدون هدفه
قطره ده اولسون اگر قورخما حسین دریادی
.
چون جوانسان گلر اکبر ئوزی استقباله
ادعا ایلمورم وار سوزومون اسنادی
.
نوکر ئولسه مگر اربابی اونا باش چکمز؟
اهل دل مورد لطف و نظر مولادی
.
کربلا صحنه لرین تجزیه تحلیل ائلسون
گورجکسن نقدر صحنه لری زیبادی
.
هم غلامین باشینی آلدی دیز اوسته مولا
هم اباالفضلینه باش چکدی عجب سودادی
.
دئدی قارداش باشووی کیم بئله غوغایه سالوب؟
دورگیدک خیمه لره گورنجه واویلادی
.
روح(منصوریه)(احسان)اوخی الرحمانی
فاطمه نوکرینین مرتبه سی والادی
- شنبه
- 19
- مرداد
- 1398
- ساعت
- 13:18
- نوشته شده توسط
- ابوالفضل عابدی پور
- شاعر:
-
احسان بدرخانی
ارسال دیدگاه