مُتَّکی دور خالق سبحانه ایران ملتی
رتبه ی ایمانیده جانانه ایران ملتی
حاشَ لِله اوز ویره عُدوانه ایران ملتی
قهرِله سیلی وُرار شیطانه ایران ملتی
فکری اقدامی روا بیلمز وَرای عشقیده
داغ کیمی ثابت قدم هر ماجرای عشقیده
مدعی کم مایه لر چون و چرای عشقیده
بنده دور ،تسلیمیدور یزدانه ایران ملتی
انقلابی دور همیشه پای بند انقلاب
انقلابون صحنه سینده ثابت و بی اضطراب
تهمت و تزویر امریکانی قویماز بی جواب
ماهرانه فکر ایدر بحرانه ایران ملتی
صاحب عقل و بصیرت بینش والاسی وار
خصمیدن نه احتیاطی واردی نه پرواسی وار
حضرت سید علی تک رهبر عُظماسی وار
دائم عزت آرترورار ایرانه ایران ملتی
دشمنه باش اگمز هرگز ذکری دور اللهُ رَب
جز خدا فتح و ظفرده بیر کسی بیلمز سبب
اهل بیته کیم اهانت ایلسه ایلر ادب
رعد و برق آسا شاخار عدوانه ایران ملتی
ذوالفقار حیدیدور دشمن انسانلارا
قالب انساندا طغیان ایلن شیطانلارا
ترسی یوخ اولسون واشنگتن یا ریاض و آنکارا
صحنه ده آماده دور مردانه ایران ملتی
بیز خمینی کشورینون جان بکف هِرماسیوخ
رهبرون قدرت الینون تیغ خونپالاسیوخ
حلم و تدبیراََ حسن ، ایثارده عباسیوخ
بذل ایدر قان نخله ی ایمانه ایران ملتی
پاسداران ولا همکشور موسی الرضا
داعشی قویماز حریم اهل بیته چپ باخا
لازم اولسا ایلروق شاماتی صحرای بلا
مِثل اولار بنیان یخان طوفانه ایران ملتی
دشمنون لاف و گزافی وار ، شهامت بیزده دی
جِدی اولسا هر گزینه استقامت بیزده دی
سیزده وار بمب اتم شوق شهادت بیزده دی
اعتنا ایتمز بیله هزیانه ایران ملتی
زنده دور، بنیاد بیدادی یخنلر ئولمیوب
جبهه چی شب زنده دار و خط شکنلر ئولمیوب
شهر خونین شهری آزاد ایلینلر ئولمیوب
حمله حالنده دونر اصلانه ایران ملتی
عقلی یوخ نادان ترامپون سوزلری افسانه دی
بی لیاقتدور سیاست امرینه بیگانه دی
بیلموری شخص مقابل رهبری فرزانه دی
حقِّدن بیگانیه بیگانه ایران ملتی
انقلابی کشورون جمعیَّتی آزاده دی
سکّز ایل جنگ ایلین آزاده لر آماده دی
قدسی آزاد ایلماق امری بیزه چوخ ساده دی
سیلیدور عدوان بد بنیانه ایران ملتی
(منتظِر ) گرچه قوجالدون طبع شعروندور جوان
یاز گلن باک ایلمه احساسوی ایتمه نهان
سوز الهی دور ، حقیقی دور ، وسیله سوز یازان
واگذار ایلر ایشی منّانه ایران ملتی
- پنج شنبه
- 17
- تیر
- 1400
- ساعت
- 10:40
- نوشته شده توسط
- یوسف اکبری
ارسال دیدگاه