گوندردیم علی اکبری میدانه الهی
اولدوم غم دلخواهیمه همخانه الهی
.
.
ترک ائتدی منی گئتدی گوزوم نوری گوزومدن
وئردیم اونا اوز رأییمی ال چکدیم اؤزومدن
پنهان دگی گوگلوم اودی واضحدی سوزومدن
آگهسن اؤزون بو دل سوزانه الهی
.
.
بیر ماه شمایلدور اوزی تازه جواندور
لیلایه اونون بیر باخیشی مایه جاندور
دشمنلریم امّا بولوسن سخت کماندور
آماج ائده جاقلار اونی پیکانه الهی
.
.
از بسکه اوغول گوگلینه پیوندیدی گوگلوم
پیوسته محبتلره خرسندیدی گوگلوم
دیوانه کیمی زلفینه پابندیدی گوگلوم
هر ساعت ائدردیم اونی من شانه الهی
.
.
ایوای منه باشدا گورم آشفته دی زلفی
قاش گوز بلَشوب قانینه آغشته دی زلفی
آتدان یخلوب بیر داغلان رشته دی زلفی
تئلَّر داغیلوب هر بیری بیر یانه الهی
.
.
ویردیم ایکی گوز مردم خوناب ملاله
گتدیم بو جگر گوشه نی سر حدّ کماله
دوشدوم بیله بیر حاله که گلمزدی خیاله
قالدیم بو خیالیله یانا یانه الهی
.
.
یالقیز گجه لر صبحه کیمی بیر نچه ایّام
گهواره ائدوب قوللاریمی صبح الی شام
باخدیم او دل آرامه اؤزوم اولمادیم آرام
وئردیم بو سیاق عمریمی پایانه الهی
.
.
ایمدی باخارام بوش یئرینه دردینه یانّام
پروانه کیمی خیمه نی آواره دولانّام
گاهی دانشوب اؤز اؤزیمه گاه دایانّام
اکبر غمی ایلوب منی دیوانه الهی
.
.
تیترَتمَه دوتوب جانیمی باشدان داغیلوب هوش
صبریم کسیلوب چشمۀ چشمیم ایلیوب جوش
ایتمز گنه گوگلوم اودینی گوز یاشی خاموش
رحم ایت بو مشقَّتله یانان جانه الهی
.
.
من بیر آنیام چاره الیمدن گیدور ای آه
نیلور بالام ایمدی دگولم حالینه آگاه
یوخدور بیر امیدیم سنه تاپشورموشام الله
یاندیردی منی آتش هجرانه الهی
.
.
درگاهوه یوز دوتموشام ای خالق اکبر
اکبر باخیشین ایله منه بیرده میسّر
بوللم که بوگون ئولدورَه جاقدور اونی لشکر
لیلا دوشه جاق کوه و بیابانه الهی
.
.
چوخداندی دوشوب گوگلینه بیر شوق زیارت
آیلار دولانور عمر گچور اولموری قسمت
لطف ایله ئوزون «آصفه» قویما قالا حسرت
گئتسون نجفه یا که خراسانه الهی
.
- سه شنبه
- 22
- مرداد
- 1398
- ساعت
- 13:49
- نوشته شده توسط
- ابوالفضل عابدی پور
- شاعر:
-
مرحوم آصف تبریزی
ارسال دیدگاه