• جمعه 10 فروردین 03


متن شعر ترکی زبانحال امام (ع) در بالین حضرت ابوالفضل العباس (ع) -(عباس امیر لشکر ولایت )

3685
6

عباس 
امیر لشکر ولایت 
ائدوبسن عشقیده قیامت 
او قانلی گوزلرون آچیلسا 
ائدر بو دردیمه طباتت 
عباس 
شکوه و عزّت و جلالیم 
وفا سیَر علی خصالیم 
شرافت اوسته غیرت اوسته 
قانا باتوبسان آی هلالیم 
دور آل بوترابه خاطر 
دل پُر التهابه خاطر 
عطشدن اصغریم چالیخلور 
گوزوی آچ ربابه خاطر 
امید و تکیه گاهیمیدون 
بو چولده سن پناهیمیدون 
قسم بو قانلی قتلگاهه 
که تک باشا سپاهیمیدون 
ای وای 
امیر لشکریم ابوالفضل 
مهِ منوّریم ابوالفضل 
یارالی تپراق اوسته یاتما 
گوزل برادریم ابوالفضل 
ای وای 
یارالی ابتلالی قارداش 
بو غم گونی وفالی قارداش 
اولوب یالین عمودین آلتدا 
باشون گوزون یارالی قارداش 
دور آل بوترابه خاطر 
دل پُر التهابه خاطر 
عطشدن اصغریم چالیخلور 
گوزوی آچ ربابه خاطر 
امید و تکیه گاهیمیدون 
بو چولده سن پناهیمیدون 
قسم بو قانلی قتلگاهه 
که تک باشا سپاهیمیدون 

  • چهارشنبه
  • 23
  • مرداد
  • 1398
  • ساعت
  • 10:4
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران