ای گوزل آدی اولان عرشیده گوشواره حسین
ای شرافت یارادان معنی ایثاره حسین
یوزون آئینه اولوب حضرت داداره حسین
جبرئیل اولدی سنه حامل گهواره حسین
عرشی قونداقیده سیرایلدون ای عرشه ثُبات
بو الهی اولان اِعزازیوَه بیزدن صلوات
.
.
یا حسین مشرقُ الاَنوار الهی دی یوزون
جانِ عینُ الَّه و، وجهُ الَّهَه بینادی گوزون
خالقه بنده ولی هوی هُویداسن ئوزون
عصمت وعاطفه دریاسینه گوهردی سوزون
عشقیلن عقله کلاموندی وئرن روحِ حیات
بو الهی اولان اعزازیوه بیزدن صلوات
.
.
او جمالی یارادان نور قیامت یارادیب
آبروی بشر و زینتِ خلقت یارادیب
سنون عشقونله بو انسانلیقا عزّت یارادیب
دوزخی جمع ائلیوب شیعیه جَنّت یارادیب
سنون عشقونده بیزه بیردی حیاتیله ممات
بو الهی اولان اعزازیوه بیزدن صلوات
.
.
کُلِّ خلقت گوز اولوبدور سنه شوقیله باخیر
اشتیاق ائلدیریمی شوق زیارتله شاخیر
قزلین سوز گلینی عشقیله بارماقه تاخیر
نه گوزل جمله لر اولدوز کیمی ذهنیمده آخیر
یازورام مدحووی ای معنی صومیله صلات
بو الهی اولان اعزازیوه بیزدن صلوات
.
.
یارادان ایستدی سن قبله و محراب اولاسان
دوز یولی آختارانا جلوه لی مهتاب اولاسان
عرصات ایچره ئوزون شافع احباب اولاسان
شرف اِقلیمینه سلطان، بیزه ارباب اولاسان
سن اورک مُلکینه حُکم ایله تاپا بلکه ثبات
بو الهی اولان اعزازیووه بیزدن صلوات
.
.
سوزی بی پرده دئسم عاقلی مجنون ائلیر
نه زلیخا که بوتون مصری دگرگون ائلیر
گوزیوون بیرباخیشی سائلی قارون ائلیر
نَفَسون دگسه ئولن قامتی موزون ائلیر
ئولنه یا قالانا حُبِّ جمالوندی برات
بو الهی اولان اعزازیوه بیزدن صلوات
.
.
گُوندن آیدین یوزوی گوردی آچوب باغدا چیچک
یاسمن عطرون آلوب آچدی نیازیله اَتک
نه گُل ولاله، نه یئر، درگهیوه گلدی مَلک
سویلدی ای اولان احسان و کراماتیده تَک
سن عطا ایله بو مغضوبِ خداونده نجات
بو الهی اولان اعزازیوه بیزدن صلوات
.
.
ای جمالُ اللَّهَه مظهر دیریلیک جسمنه جان
بعضی سوزلر بویوروبسان که اولوب وِردِ زبان
انَاالعطشان که ائدوبسن آنا بطنینده بیان
ایستیوبسن که حقیقت اولا تاریخه عیان
یوخسا مشتاقیدی لعلِ لبیوه آبِ فرات
بو الهی اولان اعزازیوه بیزدن صلوات
- چهارشنبه
- 23
- مرداد
- 1398
- ساعت
- 10:27
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه