عشق اگر خیمه ویرا٬ ملک جهان کافی دگول
یار اگر جلوه ائدوب ایستیه جان کافی دگول
بذل اگر خالق ائده٬ وئرسه جنان کافی دگول
کَرَم حقّه مگر حد ّ نهایت تاپیلار
پاک اولان عشقه و یا دهریده قیمت تاپیلار
عرش لاهوتیده پرواز ائلین عشقیدور عشق
آدم اولادینی ممتاز ائلین عشقیدور عشق
اهل معنانی سرافراز ائلین عشقیدور عشق
عرض اندام ائده گر عشق٬ کِچر نُه طبقی
لایقِ تاجِ مِنَ الله ائلیَر مِنْ عَلَقی
عشقیدور مرز رُبوبیّت معناده گزن
عشقیدور سِیر ائلیوب غیبی خفایاده گزن
عشقیدور دیریده٬ مسجدده٬ کلیساده گزن
سیندیروب قطره نی دریا ائلین عاشقدور
نیزه نی منبر ائدوب٬ خطبه دیَن عاشقدور
- پنج شنبه
- 5
- فروردین
- 1400
- ساعت
- 15:18
- نوشته شده توسط
- یوسف اکبری
- شاعر:
-
عسگر شاهی اردبیلی
ارسال دیدگاه