شاخسی بیزه مایه شرفدی
هر شیعیه باشدا بیر هدفدی
حفظ ایله گرانبها صدفدی
( شاخسی چخاجاخ گرکده چخسون )
.
.
خون و رگیمیزده وار ازلدن
چوخ سختیدی دشمن آلسون الدن
ای شیعه حسینی سسله دلدن
شاخسی چخاجاخ گرکده چخسون
.
.
باشلاندی ازل بو نینواده
تا اذن ایلیوب او دم جهاده
سسلندی حبیب کربلاده
شاخسی چخاجاخ گرکده چخسون
.
.
تا ترک ایلدی حسینی امت
گوردوم باجیسی اولوراذیت
گیدوم کفنی بو جانه منت
شاخسی چخاجاخ گرکده چخسون
.
.
ترک ایلدی تا حسین منانی
مسکن ایلیوبدی کربلانی
بو دینه فدا وئروبدی جانی
شاخسی چخاجاج گرکده چخسون
.
.
بو وادی دشت کربلادی
زینب ایشی ناله و بکادی
قیزلار یانوری نه ماجرادی
شاخسی چخاجاخ گرکده چخسون
.
.
اکبر گینوب کفن یول اوسته
اوخ یاغدی حسینه صاق صول اوسته
وار هلهله نهرده قول اوسته
شاخسی چخاجاخ گرکده چخسون
.
.
بو دشت عجیبه غم فزادی
مین کعبه دن افضل و سزادی
زهرا ئوزی صاحب عزادی
شاخسی چخاجاخ گرکده چخسون
.
.
گوز یاشیوی توک حسینه آغلا
گل شیعه بو غمده سینه داغلا
تا واردی جانین بو عهدی باغلا
شاخسی چخاجاخ گرکده چخسون
.
.
تا واردی یر اوسته جمله داعش
هرگز ایلمز بو شیعه سازش
اولسون او گروهه بو گزارش
شاخسی چخاجاخ گرکده چخسون
.
.
باشسیز دگوروخ قرانیمیز وار
#محسن کیمی مین جوانیمیز وار
تا مهدی کیمی امامیمیز وار
شاخسی چخاجاخ گرکده چخسون
.
.
وئر یازماقا « صادقی » ادامه
سوز جاری ائدور عجیبه خامه
یاز حشره کیمی الینده نامه
شاخسی چخاجاخ گرکده چخسون
.
- پنج شنبه
- 24
- مرداد
- 1398
- ساعت
- 13:9
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه