یابن الزهرا - مولا - گنه آقا -مه شور و نوا باشلاندی
زهرای غم پرور - قره معجر- باشا سالدی عزا باشلاندی
گل اوزون بو یاسه -آقا ماتم عباسه
هامی اهل عالم دل داغلار
گوز توکر اشک آغلار -سو آخار سوسوز مشک آغلار
آناسی گلر عزاسینده قاره باغلار
اوجالوب گویه نواسی _یا حسین حسین صداسی
عطشان حسینیم ایوای
نالان حسینیم ایوای
مظلوم اولن اللرده
عریان حسینیم ایوای
گلزار قرآنه ، او مناده ،سو یرینه آقام قان ویردی
صحرایه قان آخدی ،سویا باخدی ،سو یانیندا سوسوز جان ویردی
قالدی نعشی چولده _یارالی چوخور مقتلده
باجیسی توکوب گوزدن قان یاش
سسلدی جان قارداش - اویان حالیمه یان قارداش
هانی اللرین بدنده ئولیدیم ای کاش
زینبم منی دانیشدیر _نار غمده آز آلیشدیر
گلدیم گورم آی قارداش
ایله کرم آی قارداش
زهرا ئوپن حنجردن
منده ئوپم آی قارداش
ایوای حسینیم وای ایوای حسینیم وای
- دوشنبه
- 9
- فروردین
- 1400
- ساعت
- 12:34
- نوشته شده توسط
- یوسف اکبری
- شاعر:
-
امین اکرمی هاتف تبریز
ارسال دیدگاه