گینه فاطمه بو آیدا سالاجاق باشا قراسین
گلجاقدی کربلایه دوتا اوغلونون عزاسین
.
گله جاق ملائکیله او چوله رسول اکرم
باشدا قاره انبیالر دوتاجاق حسینه ماتم
گینه دشت کربلاده پوزولار نظام عالم
گینه مرتضی نجفده سالاجاق باشا نواسین
.
گینه عرشه قاره چکدی بو غمینده حی داور
گینه دوغرانار او چولده بالاسی علی اکبر
سن اوزون خدا بولورسن آناسی او دمده نیلر
اوزون ئولدورر یقینا گوره باشدا کی یاراسین
.
گینه خیمه لرده قیزلار گلر الده بیر پیاله
وورار عمه دوره سینده ایله بیر ستاره هاله
چاغورالا یا ابالفضل نظر ایله سن بو حاله
بیزه سو تدارک ایله قوتار اصغرین بلاسین
.
گینه ظلم اولار او چولده بو آی آل بوترابه
گینه اصغری عطشدن دوشه جاقدی پیچ و تابه
او مکاندا بیر کس اولماز گله رحم ائده ربابه
گتوره الونده مرهم وئره دردینون دواسین
.
گینه زینبون او چولده پوزولار گئدر اساسی
یانار اوددا بینوانون یاناجاق نچه بالاسی
قوتولان دگور او کان ادبون گینه بلاسی
خیمه لر یاناندا سسلر داده هانسی آشناسین
.
یوزه گوزیاشین توک آغلا سن او شاه دین غمینده
دئنه صادقی مکرر بو سوزی دعالرینده
اهل هیئتی سنیلن قسمت اولسا اربعینده
لطفیله وئره براتین سیزه تحفه کربلاسین
.
- پنج شنبه
- 24
- مرداد
- 1398
- ساعت
- 13:18
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه