• چهارشنبه 9 مهر 99


متن شعر ترکی در مناقب حضرت علی (ع) -(هامی قیدیدن حق ذوالمنن قوتاروب مجرد ایدوب منی )

169

هامی قیدیدن حق ذوالمنن قوتاروب مجرد ایدوب منی 
طيران روح وجوددن آپاروب بلاحد ایدوب منی 
دوداقمدا نغمۀ معنوی نفس مجدد ایدوب منی 
دم روح قدس بو نطقده بو قدر مؤیّد ایدوب منی 
که بیان منقبت على بو بیانیله ایلیوم ادا 
نه على سماده دیوبدیلر ملکوت عرش علا على 
نه على محمد مصطفا بويوروب بذكر ثنا علی 
نه علی که ذاتی گلوب اونون چو صفات ذات خدا على 
نه علی که خالق ذوالمنن ایلیوب خطاب که یاعلی 
سنی ایستین لره بی سخن ویررم جزاده گوزل جزا 
بیله قدّ راست يتورمیوب گل و سرو سن کیمی باغ دل 
که خیال سرو قدون ایدوب او قد صنوبری معتدل 
نجه طبع بلبلیم اولماسون آدیوی دیماقیله مشتغل 
که خیال قدّویله چمن یارادار طبیعت آب و گل 
یوزون اشتیاقینه گُل گولر گُل آچار شکوفه دیَر بلا 
سن اوسان که مهر یوزون سالوب هامی عالمه جَلَوات حق 
هم اولوب لسانویله عیان خفی و جلی کَلَمات حق 
بوریوب وجودیوی سربسَر سنون ای حمیده صفات حق 
سنه عین ذات دیمم ولی بجلال وعترت ذات حق 
سنه يوخ مثل بو صفاتيله حق بی مثل کیمی مطلقا 
نه مقام صاحبی دور مگر ملکوت عرصه دنیوی 
او جهان که سن کیمی بیر مَلِک یارادا سُرادِقِ خسروی 
او ورای صورت دهر سن مَلکِ ممالک معنوی 
گله لی بو عالمه قدرتِ اَزَلیله قامت محتوی 
گتورن وفا و صفائیله ایلیوبسن عالمی با صفا 
جمرات آتش عشقیله سالالى بو قلبه شراره سن 
یانورام بو خرمن عمريمه گنه نار وورما دوباره سن 
منی سالموسان بیله درده باخ اوزون ایله دردیمه چاره سن 
نولی چشم مرحمتیله بیر ایده سن بو زاره نظاره سن 
که بو قيد عالم عُجبدن ایده سن جهاندا منی رها 
ویره گر طبیب دوایقین او دوا دلیل شفا اولار 
ایده گر حبیب جفا یقین او ایدن جفاده وفا اولار 
نه وفاسی واردی او عاشقین که او شكوه گوی جفا اولار 
که سلوک اهل صفا اولان بو جهاندا روح صفا اولار 
که وجود صحت و سقم اولار اولارین یانندا يقين سوا 
سن اوسان حبیبی نی لم یزل او گوزل سسونله خطاب ایدوب 
سن اوسان که عالم حشرده سنی سر دبیر حساب ایدوب 
سن اوسان محبّتوی سنون هامویه حساب ثواب ایدوب 
كيمون اولسا دلده عداوتون اونی حقّ اهل عذاب ایدوب 
هر ایکی جهاندا سعيد اُولار بیری گر سنی بوله مقتدا 
سن او شأن صاحبی سن سنون اوخونوبدی شأنوه هل اتی 
من اسیر عشق و محبتون سن امیر کشور لافتا 
بو قاپوزدا «تائب» سائلم منه لطفيله صله قيل عطا 
بالام ایله سخت مريضدور که امیدی یوخدی تاپا شفا 
او يدالله اللریله بودم ویر اؤزون جوان بالاما شفا 

  • یکشنبه
  • 27
  • مرداد
  • 1398
  • ساعت
  • 13:37
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران