من حسینم، زادهٔ شاه عدالت حیدرم
قهرمان بی بدیل عرصه گاه محشرم
آسمانِ بی ستونه من ستونم لنگرم
مرتضی اوغلی جگرخوار اوغلونا رهبر دئمز
اللری گیتسه بلکدن، ظلمه بیعت ایلمز
.
.
ظلمی تعیید ایلمز دوغرانسادا، دوز صود اَمَن
ظالمه فرصت وئرن، انساندا اولماز،، عشقِ من
من علینون اوغلویام ویررام بو ظلمی ریشه دن
وئرمویون ظالملره بو دهریده هئچ فرصتی
بولمویون رهبر او لایعقل کیمی بی غیرتی
.
.
کوفیان کوه صلابت سمبل غیرت منم
محور بو آفرینش، زینت خلقت منم
کان غیرت بحر عزّت سرور جنت منم
ایلسم آنی اشاره، من بإذن کردگار
ایلیر گویدن ملکلر لشکریزی تارمار
.
.
قورخودورسیز سیز کیمی؟ اؤلمَقدن ای قوم دنی
بسلیوب شیرولایت فاتح خیبر منی
قویمارام چاتسون مرامه تا وارام من دشمنی
وئرمیشم اسلامه خاطر اکبریمله قاسمی
سرو قامت، باصلابت قهرمان عباسیمی
.
.
گلموشم کرب و بلایه من شهادت عشقینه
جان وئرم دریاده لب تشنه، ولایت عشقینه
کوفه و شامی گزه آلیم اسارت عشقینه
قطعه قطعه دوغرانام وئرمم یزیده فرصتی
منبر پیغمبره لَم ویرسون او بی غیرتی
.
.
کربلا روز ازلدن قصد قربتدور منه
شوق وصل یاره چاتماخ اوج لذتدور منه
بهترین راه سعادت بو شهادتدور منه
گوزلورم باشیم چیخا عرشه، او نوک نیزه ده
تا مقرّبتر اولام سر نیزه اوسته ایزده
.
.
ایستسم بیر لمحه ده بو دشتی القان ایلرم
بو آخان نهر فراتی قانه الوان ایلرم
کوفه نی تپراقیلن بیر آنی یکسان ایلرم
گلموشم دالدان کسه شمر ستمگر باشیمی
وئرمیشم دینه فدا عباس تک قارداشیمی
.
.
گیزلنوب سعد اوغلی هاردا؟ ایستسم هرآن اگر
اوت توکوب گویدن سیزی یاندیرام ای بی دینلر
من کیمم؟ سعداوغلی کیمدی؟ مُرتد او من دادگر
قویمارام کامه یتیرسین من خطاکار اوغلونی
تختیدن ساللام بو قانیمله جگرخوار اوغلونی
.
.
کیم یزیدی ایلیوب دینه ولیّ مسلمین
کیم اونی رهبر بوله، اوندان شرفسیزدی یقین
تا ابد اسلامه « حیدردی» امیرالمومنین
ساتموسوز سیز درم و دینار اوچون ایمانوزی
بش گونه خاطر ایاقلوبسوز هاموز وجدانوزی
.
.
غم گینه طغیان ائدیر روح و وجودینده « فقیر»
چرپنور سیننده قلبین کاه مثلینده اسیر
سوزلرین پروانه تک شمعین کنارینده گزیر
بسدور ال ساخلا بو دفترده کفایت ایلمز
آل سفیانه حسین واللاهی بیعت ایلمز
.
.
- یکشنبه
- 27
- مرداد
- 1398
- ساعت
- 13:40
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه