لطفون منی مولابیلیرم مفتخر ایلر
عشقینده منی دهریده صاحب هنر ایلر
.
عشقین یول آچوب شهر دیله شکر خدایه
دروازه ی دیلدن گئجه گوندوز گذر ایلر
.
مصباح هدایتدی منه نور ولایت
ظلمت گئجه می جلوه سی آیدین سحر ایلر
.
اکسیر نگاهون دوشه هر سنگ سیاهه
والله اونی بیر لحظه ده لعل و گهر ایلر
.
رحمت یاغشین گر بو کویر دیله یاغسا
بی حاصل اولان ملکی یقین پر ثمرایلر
.
کیم گوهر عشقین ایکی دنیایه ساتوبدی
بو بیع و شراده ایکی دنیا ضرر ایلر
.
کیم اهل ولا اولسا ایچر جام بلانی
کیم جام بلا ایچسه اونا حق نظر ایلر
.
نه باده نه میخانه نه ساغر تانورام من
عشقینده خمارم دئمه باده اثر ایلر
.
من مست می خمّ غدیرم عطشیم وار
ساقی منه وئرمز بو دیلی پر کدر ایلر
.
مولا دگیلم صوفی و درویش و قلندر
بیر عاشقم عشقین منی شوریده سر ایلر
.
روحیم قوشی ایوان نجفده نه گوروبدی
اول شهره همیشه گورورم کی سفر ایلر
.
گر قنبروین نوکری اولسام یئمرم غم
قنبر منی درگاهینه نوکر .مگر. ایلر
.
- چهارشنبه
- 30
- مرداد
- 1398
- ساعت
- 13:17
- نوشته شده توسط
- ابوالفضل عابدی پور
- شاعر:
-
علیرضا عباسی
ارسال دیدگاه