• جمعه 10 فروردین 03


متن شعر ترکی گریز به روضه ی حضرت عباس(س) -(اللها شکر اولا کی حیدریم)

4019
5

اللها شکر اولا کی حیدریم
مکتبیم شیعه اولوب جعفریم
دیلیمین ذکری  حسین آذر الوب
عالمه ناز ایدرم حیدریم

هر محرمده قرا باغلامیشام
غم عشق ایله اورک داغلامیشام
شوقیله دائم حسینیه لره
گتمیشم نوحه دیوب آغلامیشام

اوخوماق روضه سعادتدی منه
بو عمل عین عبادتدی منه
روضه بزمینده چیخا جانیم اگر
بو ئولوم سانکی شهادتدی منه

منه شیریندی  ئولوم بال مثلی
باشیما چکسه حسین رحمت الی
شکر اولا اللها دنیاده منیم
ذکریم اولدی علی و آل علی

او زامان من اولارام نائل کام
کی اولام درگه مولایه غلام
گوزل آدیله حسینین ویریله
عمرومون دفترینه حسن ختام

گوللر ایچره سویرم یاسمنی
حسین عشقی باتروب یاسه منی
روشن ایلوبدی ابوالفضل آدونون
نوری قلبیمده کی بیت الحزنی

اغلارام گوزدن اخان قان یاشینا
نیزه باشینده کسیلمیش باشینا
الی بلده دولانان قتلگهی
باشی اوسته قوجالان قارداشینا

جان ورونجه دیدی سلطاندی حسین
بالالار خیمه ده عطشاندی حسین
قسمت اولمور سنه بیر جرعه سودان
آقا جانیم سنه قرباندی حسین

علقم اوستونده او کانون وفا
او ادب کانی او ارباب سخا
یخیلان وقتیده آتدان یری وار
ایلیه قارداشینی بیله صدا

منده یوخدور اله تأثیر بیان
یازورام شوقیله بو شعری عیان
یری واردور دیه بوندان بویانا
بو مطالبلری اول پاک روان

دیمورم خواهشیمه ایله عمل
یا کی امدادیمه فورأ یتور ال
اورگین ایسته سه زهرا آنووی
باشیمین اوسته دی الان آقا گل

ووردولار اهن عمودی باشیما
قان قاریشدی سوزولن گوز یاشیما
سسلدیم گر منه رحم ایله موسوز
رحم ادون اوغلی ئولن قارداشیما

چون امامیمدی پیمبر بالاسی
ایستیرم کی منه دگسون قاداسی
تازه دامادی بو گون قانه باتوب
اورگینده چوخالوبدور یاراسی

سو کنارینده باتان اخترووم
روحی عقبایه اوچان بی پرووم
نقدر شوکتیم اولسا بیلیسن
افتخار ایلیرم نوکرووم

گیمیشم گر چه ائلوم جامه سینی
جرمیشام شمرین امان نامه سینی
شاهلارین تاجینه من ورممیشم
آقامون گوشه امامه سینی
 
ائشیت عباسی آقا بو سوزونی
باغلا اوندان صورا قانلی گوزونی
رسمیدور شاهلارا قربان کسه لر
سنه قربان ایدیب عباس اوزونی

  • چهارشنبه
  • 20
  • شهریور
  • 1398
  • ساعت
  • 13:41
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران