کربلا دشتینده طوفاندور بوگون
ثاره ثاراللَّه غلطاندور بوگون
قدسیان، کروبیان ایلور بُکا
ماسوایه روز افغاندور بوگون
پاره پاره اولدى قرآن فرشیده
عرشیده جبریل نالاندور بوگون
گویده اسرافیل صور غم چالور
چشم میکائیل گریاندور بوگون
جان عالم جان وئروب جانانینه
قابض الارواح حیراندور بوگون
آغلیور یوز ییرمى دورت مین انبیاء
روز وصل و روز هجراندور بوگون
مصطفا جنتده غم بزمى قوروب
مرتضانین قلبى شان شاندور بوگون
مجتبا ایواى حسین قارداش دیور
فاطمه حالى پریشاندور بوگون
نینوا شاهینه ایلر نى نوا
انس و جن یکسر نوا خواندور بوگون
یاحسین و یا ابالفضل کلمه سى
جسم اشک دلده چون جاندور بوگون
چون مناى عشقدور کرب و بلا
گودى مقتل دولى قاندور بوگون
شاه عشقین دوغرانوب قربانلارى
ایله بیل که عید قرباندور بوگون
کعبه غم حاجیسى قاره گیوب
زینب مظلومه نالاندور بوگون
چاره سیز دردى اولانلاره دیون
گوزیاشى هر درده درماندور بوگون
اى گوزوم آغلا ربابین حالینه
تشنه دور، خشکیده پستاندور بوگون
صفحه قلبینده قانیلن یازوب
هامّودان چوخ اصغر عطشاندور بوگون
خیمه لر یاندى تالاندى هرنه وار
قانیلن تپراق یکساندور بوگون
ساربان ال کسمگه آمادهدور
آخشاما شام غریباندور بوگون
جدوین یاسینده آغلا اى «بشیر»
آغلاماق بیراحسن احساندور بوگون
- پنج شنبه
- 21
- شهریور
- 1398
- ساعت
- 10:31
- نوشته شده توسط
- علیرضا گودرزی
- شاعر:
-
سیدبشیر حسینی میانجی
ارسال دیدگاه