• جمعه 10 فروردین 03


متن شعر ترکی زبانحال زائر کربلا -(ای حسین عاشقلری من کربلا زوّاریم )

11567
16

ای حسین عاشقلری من کربلا زوّاریم 
کربلاده خامس آل عبا زوّاریم 
سیز منیلن اربعینی کربلایه گئتمسوز 
اولماسوز عازم او قبر پاکه کامه یتمسوز 
آغلیاندا سیز منی بیر آن فراموش ائتمسوز 
چخماسوز یادّان یقین صاحب عزا زوّاریم 
بیر گوریدیم من رواقنده خدا اذن آلمیشام 
اُول حبیب ابن مظاهر قبرینه قول سالمیشام 
هر شب جمعه حرمده صبح اولونجا قالمشام 
اوندا بُلَّم من حسینون ای خدا زوّاریم 
گه قسم وئردیم حسینون باوفا قارداشینه 
گه باجیسی زینب مظلومه نین گوز یاشینه 
بیر دولاندیم شوقیلن شش گوشه قبرین باشینه 
نوکرینه لطف ائدوب منده آقا زوّاریم 
خالقه قصدیم بودور هر آن عبادت ایلیم 
هم رسوله هم اُولوالاَمره اطاعت ایلیم 
کاظمینی اوّلین دفعه زیارت ایلیم 
جان وئرن زندانیده میر هدا زوّاریم 
چوخ دیردیم بیر گورم پاک مطهّر قبرینی 
هم ایاقی آلتدا اوُل شبه پیمبر قبرینی 
آشکارا عرض ائدوم شهزاده اکبر قبرینی 
حمد لِله اکبر گلگون قبا زوّاریم 
مرقد ششگوشه گر اولسا گوزومده منظره 
ساخلارام ماتم حرمده من علیِّ اکبره 
بیر دویونجا آغلارام اُول شیرخواره اصغره 
فخر ائدم من وار یری سودسوز بالا زوّاریم 
خیمه گهده هر کیمون دوشسه او ساعت یادینه 
نوعروسون باخسا اُول فریاد و آه و دادینه 
اودلانور قلبی یانار کرب و بلا دامادینه 
طوی اطاقینده اوزوم نوکدخدا زوّاریم 
قسمتیم اولسا اگر بو #اربعینی کربلا 
قبر عبّاسی گورنده ایلرم شور و نوا 
عرض قیلّام قولّاریوا من اولوم مولا فدا 
لطف قیل یا سیّدی صاحب لوا زوّاریم 
من دیردیم بو حسینون عطرینی بیرده آلوم 
کربلا ملکونده بیر مدّت گجه گوندوز قالوم 
آلتی گوشه قبرینه آغلار گوزیله قول سالوم 
نائل اولدوم مقصده خونِ خدا زوّاریم 
گر تاپام قبر حسینی سینه می من داغلارام 
سیل تک رخساریمه بو گوز یاشیمی باغلارام 
سویلرم : ای وای حسین، ای وای حسین وای، آغلارام 
بیر بدن که وار اونون دورت مین یارا زوّاریم 
اُول مطهّر روضه ایچره قانه غلطانلار یاتوب 
پائین پای حسینده گول کیمی پیکر یاتوب 
جان وئروبلر حق یولوندا تشنه قربانلار یاتوب 
بولموسوز سیز من مگر پائین پا زوّاریم 
عسکرینه مدفن اولدی چون که سُرَّ مَن رَآ 
هم اوزوم هم والدینیم اونلارا اولسون فدا 
اولدی سرداب صاحب العصرین مقامی گوئیا 
من او یرده بیر بالا هم بیر آتا زوّاریم 
بیرده وار ملک نجفده قبر شاه اولیا 
حسرتین دائم چکر اول مرقدین شاه و گدا 
نه ضریح و نه حرم نه صحن و ایوان طلا 
افتخاریمدور بو که من مرتضی زوّاریم 
نعمت عظما سنه یوز وئردی یاخشی «شوریا» 
جمعیلن بو اربعینی قسمت اولدی کربلا 
هر نه دردون اولسا عرض ائت جدّیوه ائتسون دوا 
لطف ائدر بو ایل دئسن بیت خدا زوّاریم 

  • یکشنبه
  • 24
  • شهریور
  • 1398
  • ساعت
  • 10:20
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران