قالموشام بو قؤرخولى چؤل‌لرده تنها قورخورام
کاروانى قویما گئتسین ساخلا بابا قورخورام
برج عشقه اولدوزام
اوچ یاشیندا بیر قیزام
آند وئرّم اى بابا زهرا آنامه من سنى
سالماگؤزدن بو قیزى سن گل اؤزون درک ائت منى
گلمه‌سونده، یولاّ، عمّم زینبى، نه دشمنى
تا یئتورسون کاروانه بى محابا قورخورام
زجر گلسه بو چؤله ظلم و جفاسین بولدورر
بو قرانلوق چؤلده عمریمون چراغین سؤندورر
تازیانه‌یلن منى اُول بى‌مروّت ئولدورر
کربلادن گورموشم جؤرین سراپا قورخورام
اى بابا احوالیمه بو چؤلده اؤولار آغلیار
آشنالر سهل‌دور بو غمده اَغیار آغلیار
من کیمى هر گول سارالسا حالینه خار آغلیار
دشمنیم بى رحمدور یوخ رحمى اصلا قورخورام
قورتاریر اؤولار نواسین فورى قوشلار باشلیور
ندبه و آه و فغان و ناله داشلار باشلیور
من چاغوردوقجان «بابا» نوحه آغاشلار باشلیور
بیربیرینه سس وئرور سُکان صحرا قورخورام
دوشموشم من ناقه‌دن شامین یولوندا قالموشام
تؤز دوتان ساچلاریمى بو ال‌لریمه آلموشام
حضرت زهرا آنامى ایندى یاده سالموشام
سسلورم گل دادیمه اى جان طاها! قورخورام
گون باتوب چیخدى گؤیون هرچند رخشان اولدوزى
بو قرانلوق چؤلده یادینه سالوب من یالقوزى
بیلدى قورخور چون حسینون نازلى شیرین دیل قیزى
آیدا چیخسا نیلورم یوخ دیلده یارا قورخورام
بیر گولم خار مغیلاندور بو چؤلده همدمیم
گه یخیلدیم گاه قاچدیم آرتدى قلبیمده غمیم
باتموشام قانه یارالانوب ایاقیم هم الیم
من کیمه اظهار ائدیم بو دردى آیا قورخورام؟
تا ئولونجه آغلارام آغلار گؤزوم واردور بابا
غم چکه اوچ یاشلی قیزدا، نه دؤزوم واردور بابا
گر گلیب چاتسام سنه چوخلى سؤزوم واردور بابا
قالمیوبدى قلبیده صبر و شکیبا قورخورام
پارچالانمیش، وقت غارتده قولاقیم آى بابا
هم یانوب سوز عطش‌دن گول دوداقیم آى بابا
هم یارا اولدى تیکانلیقدا ایاقیم آى بابا
قورخودان رنگیم سارالور تترور اعضا قورخورام
قانه دؤنموش قلبیمى غم‌لر اوخى بیر بیر دلیر
دؤرد طرف‌دن اوستومه غم غصّهلى یئل‌لر اسیر
یاد ائدوب بو غملى چاغى آغلیور «سیدبشیر»
عرض ائدور منده وارام اُول چؤلده گویا قورخورام
- دوشنبه
- 25
- شهریور
- 1398
- ساعت
- 9:47
- نوشته شده توسط
- علیرضا گودرزی
- شاعر:
-
سیدبشیر حسینی میانجی
ارسال دیدگاه