• پنج شنبه 9 فروردین 03


شعر راه شام -(تار زلفون دور الیمده رشته تدبیر عم اوغلی)

414

تار زلفون دور الیمده رشته تدبیر عم اوغلی 
من بو تدبیریله گللم نیلیرم زنجیر عم اوغلی 

وای عم اوغلی وای عم اوغلی 
گلم آردونجا عم اوغلی 

عالم الفت ده بیر گون ائتدیقیم اقراره بندم 
روز و شب آردونجا گلم بیر نظر دیداره بندم 
شقه شقه زلفون ایچره بیر شکسته تاره بندم 
بستۀ تار وفایم عشقه گردن گیر عم اوغلی 

فرقۀ عشقین گورن گون اکثریت ازدحامین 
سیر قیلدیم پایه پایه هر بیر افرادین مقامین 
بیر مقدس فرقه گوردوم منده خوشلاندیم مرامین 
ایلدیم لوح وفایه رأییمی تحریر عم اوغلی 

دل ده بو سوز و گدازیم شور عشقون‌دن اثر دور 
بیله بولمه بولمرم من کشف حالیم دردسر دور 
عمده منظوریم عم اوغلی جانی سندن بیر نظر دور 
باخ یوزومه ائتسه حالیم گر سنه تأثیر عم اوغلی 

عالم هجرون ده بیر عالم عم اوغلی جان هوس وار 
فکر وصلون تک همیشه غم گونومده دادرس وار 
دلده بو عشق شریفون مشق قیلام تا نفس وار 
عشقیلن اولموش خمیرم گوئیا تخمیر عم اوغلی 

جذبۀ شوق جمالون دان ایله حیران دی گوگلوم 
کوچه و بازاری بولمز محو و سرگرداندی گوگلوم 
ازدحام درد و غم دن گور نئجه ویراندی گوگلوم 
بیر نگاهیله ایله ویرانه نی تعمیر عم اوغلی 

شعشعات نور حسنون دوندروب شاماتی طوره 
محو اولوب موسی کیمی گوگلوم بو سحراده او نوره 
بیر منی یالقیز گتورموب وادی حیرت ده شوره 
عالمی حیران قویوب بو حسن عالمگیر عم اوغلی 

یوسف مصر وفاسن طالبون پیر و جوان دی 
من زلیخای زمانم شهرت عشقیم عیان دی 
گر قبول ائتسم کلافیم بی بهادی نقد جاندی 
چوخ بها گر چه گتورموش چوخ جوان و پیر عم اوغلی 

گون کیمی هر یانه گئتسه قانلی باشون نیزه اوسته 
سایه تک منده سورونم دست بسته زار و خسته 
گاهی پرده گاه عم اوغلی ناقه اوسته دل شکسته 
سن گورورسن حالیمی لازم دگل تقریر عم اوغلی 
 
روز و شب درگاهیوه واردور شهابین عرض حالی 
سن اونا لطف ایله ائتمه روز محشر دست خالی 
شغلونی ذکر مصیبت ایلیوب هر ماه و سالی 
عفو قیل گر اولسا اشعارینده بیر تقصیر عم اوغلی 

  • دوشنبه
  • 25
  • شهریور
  • 1398
  • ساعت
  • 10:25
  • نوشته شده توسط
  • علیرضا گودرزی

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران