منه ای یزید ائوینده
بو دیلیله یاره وورما
بُولوسن سنقدی قلبیم
یارا سن دوباره وورما
.
.
.
گتوروبدی درده ظالم
منی محنت و ستم لر
دوزولوبدی مجلسونده
قولی باغلی بو حرم لر
گچوب حدّیدن ملالیم
منه آز دگل بو غم لر
ستم آتشین علاوه
دلِ داغداره وورما
.
.
.
اله خیزران آلوبسان
ائده سن عداوتون فاش
ووروسان لبِ حسینه
سنه نیلیوب کسوک باش
اولا جدّیم ایندی بوردا
باخا بیله ظلمه ای کاش
دئیه خیزران بو لعلِ
لب دُر نثاره وورما
.
.
.
اوزوی تکبّریله
هامی خلقیدن سچورسن
اوچ امام محضرینده
نیه حدّیدن گچورسن
باخوسان امام عصره
گولوسن شراب ایچورسن
یارا اوسته یاره ظالم
دلِ زخمداره وورما
.
.
.
بُولوسن اوزون مسلمان
ندی سنده بو عداوت
بو بنات مصطفایه
نیه ایلوسن شماتت
نه روادی اهل بیته
بو جفای بی نهایت
بو قدر ائوینده طعنه
من دلفگاره وورما
.
.
.
قاباقوندا چوخ محقّر
گوروسن سر حسینی
سالوسان خیالیوه سن
گه او بدریله حنینی
بئله خوار ئولدوروبسن
بو امام مشرقینی
یانور اهل بیت بیرده
بولارا شراره وورما
.
.
.
نقدر واروندی «زایر»
سنون الده اختیارون
بو مصائبه قلم وور
اوجالاندا آه و زارون
او قدر سیزیلدا اولسون
بو حسین امیدوارون
بئله یرده مصرف ایله
قلم اوزگه کاره وورما
.
.
- یکشنبه
- 31
- شهریور
- 1398
- ساعت
- 13:59
- نوشته شده توسط
- ابوالفضل عابدی پور
- شاعر:
-
مرحوم زایر تبریزی
ارسال دیدگاه