باشیم اوسته سالماقا سایه آنا خوش گلمیسن
گورماقا اوغلون کلیسایه آنا خوش گلمیسن
.
.
نه گوزل دمده آنا سن دید باز ایتدون منی
یاده سالدون لطف اوزیله، دلنواز ایتدون منی
مریم و سارا یانندا سرفراز ایتدون منی
یتدی باشیم عرش اعلایه آنا خوش گلمیسن
.
.
من بو لطفوندن سنون بی پایه مسرورم آنا
خدمتونده بیر سبب عفو ایله معذورم آنا
ایتماقا قربان سنه بو باشی مقدورم آنا
الده یوخ بیر اوزگه سرمایه آنا خوش گلمیسن
.
.
با خبرسن دور ایدوبلر ملک و مالیمدن منی
خانمان و عزت و جاه و جلالیمدن منی
شمر دون آیری سالوب اهل و عیالیمدن منی
گتدی آخر دیر ترسایه آنا خوش گلمیسن
.
.
دیره گلماقدا دیمم قانلی باشیم مجبور اولوب
بازدید حضرت عیسی منه منظور اولوب
خادم دیری بو یرده گلمیشم مامور اولوب
عبد ایدم خلاق یکتایه آنا خوش گلمیسن
.
.
وار آنا شوریده باشیمده منیم از بس که شور
گه جدالرده گزر، گه منزلین ایلر تنور
ایتماقا داخل نصارا قلبینه بیر تازه نور
گه گلور دیر نصارایه آنا خوش گلمیسن
.
.
نچه یرلرده من ناشادی سن شاد ایتموسن
جمله سیندن کل لر اوسته، کوفه ده یاد ایتموسن
هر گلنده محبس محنتدن آزاد ایتموسن
یتمیشم بیر فیض عظمایه آنا خوش گلمیسن
.
.
شامه دین هر قدر ظلم اول شمر بی ناموس ایده
اولمارام رنجیده هر یرده منی محبوس ایده
خیزران چوبی گرک لعل لبیمدن بوس ایده
تا سالا بیر اوزگه سودایه آنا خوش گلمیسن
.
.
بس که چوب خیزراندا وار آنا شور جدید
باشدا شور عشقیمی ایلر خیالیلن مزید
شامیده گوزلر یولومی انتظاریمدور یزید
گیتمسم یتمز تمنایه آنا خوش گلمیسن
.
.
بس یزید بی حیا مغروریدور اوز بختینه
باشیمی گورسه قویار ظلمیله پای تختینه
سنده اوغلون بیر او ساعتده یتیش سروقتینه
منده عرض ایلوم بو ماوایه آنا خوش گلمیسن
.
.
متصل کیفیت راس حسینی خامه یاز
شعله چک تیر «شهاب» آسا، سال اود ایامه، یاز
بیر نچه افرادیده ناهید حدیث شامه یاز
بو سوز اجری بسدور عقبایه آنا خوش گلمیسن
.
- یکشنبه
- 31
- شهریور
- 1398
- ساعت
- 14:20
- نوشته شده توسط
- ابوالفضل عابدی پور
ارسال دیدگاه